ಕಾಲುವೆಯಲ್ಲಿ ಕೊಚ್ಚಿ ಹೋಗಿದ್ದ ಇಂಜಿನಿಯರ್ ಮೃತದೇಹ ಪತ್ತೆ

ಬೆಂಗಳೂರು (Bengaluru) : ಮಿಥುನ್ (ವಯಸ್ಸು 24) ಬೆಂಗಳೂರಿನ ಕೆಆರ್ ಪುರಂ (KR Puram) ಪೊಲೀಸ್ ಠಾಣೆ ಸರಹದ್ದಿನ ಗಾಯತ್ರಿನಗರ ಪ್ರದೇಶದವರು. ಶಿವಮೊಗ್ಗ ಜಿಲ್ಲೆಯ ಸಾಗರದವರಾದ ಇವರು ಬೆಂಗಳೂರಿನಲ್ಲಿ ಸಿವಿಲ್ ಇಂಜಿನಿಯರ್ ಆಗಿ ಕೆಲಸ ಮಾಡುತ್ತಿದ್ದರು. ಇದೆ ತಿಂಗಳ 17ರ ರಾತ್ರಿ ಬೆಂಗಳೂರಿನಲ್ಲಿ 2 ಗಂಟೆಗಳ ಕಾಲ ಧಾರಾಕಾರ ಮಳೆ ಸುರಿದಿದೆ. ಇದರಿಂದ ನಗರದ ಹಲವು ಭಾಗಗಳು ಜಲಾವೃತಗೊಂಡಿದ್ದವು.

ಅದೇ ರೀತಿ ಗಾಯತ್ರಿನಗರದಲ್ಲೂ ಧಾರಾಕಾರ ಮಳೆ ಸುರಿದಿದೆ. ಆಗ ಮಿಥುನ್ ಮನೆ ಮುಂದೆ ನಿಲ್ಲಿಸಿದ್ದ ಮೋಟಾರ್ ಸೈಕಲ್ ಮಳೆಯ ರಭಸಕ್ಕೆ ಕೊಚ್ಚಿ ಹೋಗಿದೆ. ಆಗ ಮಿಥುನ್ ಮೋಟಾರ್ ಸೈಕಲ್ ರಕ್ಷಿಸಲು ಯತ್ನಿಸಿದ್ದಾರೆ. ಆ ವೇಳೆ ಅಲ್ಲಿದ್ದ ಚರಂಡಿಯಲ್ಲಿ ಉಕ್ಕಿ ಹರಿಯುತ್ತಿದ್ದ ನೀರಿನಿಂದ ಮಿಥುನ್ ಕೊಚ್ಚಿ ಹೋಗಿದ್ದಾರೆ. ಅವರ ಮೃತದೇಹಕ್ಕಾಗಿ ಅಗ್ನಿಶಾಮಕ ದಳ ಮತ್ತು ರಕ್ಷಣಾ ಸಿಬ್ಬಂದಿ ಶೋಧ ಕಾರ್ಯದಲ್ಲಿ ತೊಡಗಿದ್ದರು. ಆದರೆ ನಿನ್ನೆಯವರೆಗೂ ಮಿಥುನ್ ಮೃತದೇಹ ಸಿಕ್ಕಿರಲಿಲ್ಲ.

ಇದರ ಬೆನ್ನಲ್ಲೇ ನಿನ್ನೆ ರಬ್ಬರ್ ಬೋಟ್ ಮೂಲಕ ರಾಜಕಾಲುವೆಯಲ್ಲಿ ಮಿಥುನ್ ಶವಕ್ಕಾಗಿ ಶೋಧ ಕಾರ್ಯ ನಡೆದಿದೆ. ಇದರಲ್ಲಿ 30ಕ್ಕೂ ಹೆಚ್ಚು ಸಿಬ್ಬಂದಿ ಪಾಲ್ಗೊಂಡಿದ್ದರು. ಬಳಿಕ ನಿನ್ನೆ ಬೆಳಗ್ಗೆ ಕಾಲುವೆಯಿಂದ ಮಿಥುನ್ ಮೃತದೇಹ ಪತ್ತೆಯಾಗಿತ್ತು. ಆತ ಕೊಚ್ಚಿಹೋಗಿದ್ದ ಸ್ಥಳದಿಂದ ಸುಮಾರು ಒಂದು ಕಿಲೋಮೀಟರ್ ದೂರದಲ್ಲಿ ರಕ್ಷಣಾ ಸಿಬ್ಬಂದಿಗಳು ಆತನ ಮೃತ ದೇಹವನ್ನು ಹೊರತೆಗೆದಿದ್ದಾರೆ. 48 ಗಂಟೆಗಳ ನಂತರ ಮಿಥುನ್ ದೇಹ ಸಿಕ್ಕಿದೆ.

ಬಳಿಕ ಮಿಥುನ್ ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗಾಗಿ ಸರ್ಕಾರಿ ಆಸ್ಪತ್ರೆಗೆ ರವಾನಿಸಲಾಗಿದೆ. ಘಟನೆ ಕುರಿತು ಕೆಆರ್ ಪುರಂ ಪೊಲೀಸರು (KR Puram Police Station) ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ. ಮಿಥುನ್ ಕುಟುಂಬಕ್ಕೆ ಪಾಲಿಕೆ ಹಾಗೂ ಸರಕಾರ ಪರಿಹಾರ ನೀಡಬೇಕು ಎಂದು ಸಂಬಂಧಿಕರು ಹಾಗೂ ಸ್ಥಳೀಯರು ಒತ್ತಾಯಿಸಿದ್ದಾರೆ.

Bengaluru engineer body of washed away in drain found

Follow us On