ಡ್ರೈನೇಜ್ ಸಂಪ್ ಗೆ ಬಿದ್ದು ಬಾಲಕ ಸಾವು

ಹೈದರಾಬಾದ್ ನ ಚಂದನಗರ ಪೊಲೀಸ್ ಠಾಣೆ ವ್ಯಾಪ್ತಿಯ ಪಾಪಿರೆಡ್ಡಿ ಕಾಲೋನಿಯಲ್ಲಿ ದುರಂತವೊಂದು ನಡೆದಿದೆ. ತನ್ನ ಗೆಳೆಯರೊಂದಿಗೆ ಆಟವಾಡುತ್ತಿದ್ದಾಗ ಏಳು ವರ್ಷದ ಬಾಲಕ ಒಳಚರಂಡಿ ಸಂಪ್‌ಗೆ ಬಿದ್ದು ಸಾವನ್ನಪ್ಪಿದ್ದಾನೆ.

ವಿವರ:

ಪಾಪಿರೆಡ್ಡಿ ಕಾಲೋನಿ ರಾಜೀವ್ ಗೃಹಕಲ್ಪ ಪ್ರದೇಶದ ರಾಜ ಮತ್ತು ಅನುಬಾಯಿ ದಂಪತಿಯ ಮಗ ಅರವಿಂದ್ (7) . ಮಂಗಳವಾರ ಸಂಜೆ ಆಟವಾಡುತ್ತಿರುವಾಗ ಕಣ್ಮರೆಯಾಗಿದ್ದ.

ಸಂಜೆಯಾದರೂ ಮನೆಗೆ ಬಾರದ ಬಾಲಕನಿಗಾಗಿ ಕುಟುಂಬ ಸದಸ್ಯರು ಹುಡುಕಾಟ ಪ್ರಾರಂಭಿಸಿದರು, ಆಟವಾಡುತ್ತಿದ್ದ ಸ್ಥಳಕ್ಕೆ ಧಾವಿಸಿ ನೋಡಿದರೂ ಪ್ರಯೋಜನವಾಗಲಿಲ್ಲ.

ಕೊನೆಗೆ ಚಂದನಗರ ಪೊಲೀಸರನ್ನು ರಾತ್ರಿ ಸಂಪರ್ಕಿಸಲಾಯಿತು. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಹುಡುಗನಿಗಾಗಿ ಹುಡುಕಾಟ ನಡೆಸಿದ್ದಾರೆ. ಇಂದು ಬೆಳಿಗ್ಗೆ ಮನೆಯ ಸಮೀಪದ ಒಳಚರಂಡಿ ಸಂಪ್‌ನಲ್ಲಿ ಬಾಲಕನ ಶವವನ್ನು ಕಂಡ ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.

ಪೊಲೀಸರು ಬಾಲಕನ ಶವವನ್ನು ಮರಣೋತ್ತರ ಪರೀಕ್ಷೆಗಾಗಿ ಉಸ್ಮಾನಿಯಾ ಆಸ್ಪತ್ರೆಗೆ ಸಾಗಿಸಿದರು.

Follow us On