ಭುವನೇಶ್ವರ್ (CBI Team Attacked During Raid) : ಪ್ರಕರಣವೊಂದರ ತನಿಖೆಗಾಗಿ ಹೋದ ಸಿಬಿಐ ಅಧಿಕಾರಿಗಳನ್ನು ಆರೋಪಿಗಳು ಮನೆಯಲ್ಲಿ ಕೂಡಿ ಹಾಕಿದ ಘಟನೆ ನಡೆದಿದೆ. ತನಿಖೆ ನಡೆಯುತ್ತಿರುವಾಗಲೇ ಗ್ರಾಮಸ್ಥರು ಅಧಿಕಾರಿಗಳ ಮೇಲೆ ಹಲ್ಲೆ ನಡೆಸಿದ್ದಾರೆ. ಮನೆಗೆ ಬೀಗ ಹಾಕಿ ಅವರನ್ನು ಬಂಧಿಸಿದ್ದರು.
ಪರಿಸ್ಥಿತಿ ವಿಕೋಪಕ್ಕೆ ಹೋಗುತ್ತಿದ್ದಂತೆ ಪೊಲೀಸರು ಮಧ್ಯ ಪ್ರವೇಶಿಸಿದರು. ಅವರನ್ನು ಗ್ರಾಮದಿಂದ ಸುರಕ್ಷಿತವಾಗಿ ಕರೆದೊಯ್ದ ಘಟನೆ ಒಡಿಶಾದ ಡೆನಕನಲ್ ಜಿಲ್ಲೆಯಲ್ಲಿ ನಡೆದಿದೆ.
ಆನ್ಲೈನ್ನಲ್ಲಿ ಮಕ್ಕಳ ವಿರುದ್ಧ ಲೈಂಗಿಕ ದೌರ್ಜನ್ಯ ಎಸಗುವ ಗ್ಯಾಂಗ್ಗಳನ್ನು ಗುರಿಯಾಗಿಸಿಕೊಂಡು ಸಿಬಿಐ ಅಧಿಕಾರಿಗಳು ದೇಶಾದ್ಯಂತ 14 ರಾಜ್ಯಗಳ 77 ಸ್ಥಳಗಳಲ್ಲಿ ಶೋಧ ನಡೆಸಿದ್ದಾರೆ. ಇದರ ಭಾಗವಾಗಿ ಒಡಿಶಾದ ದೇನಕನಲ್ ಜಿಲ್ಲೆಯಲ್ಲಿರುವ ಮಿಥುನ್ ನಾಯಕ್ ಅವರ ಮನೆಯನ್ನು ಶೋಧಿಸಲು ತೆರಳಿದ್ದರು.
#WATCH | Odisha: A CBI team was attacked by locals in a village in Dhenkanal district where it had gone to conduct searches at a man's residence in a case related to online child sexual abuse material
"We've rescued them from the crowd," a police officer at the spot said pic.twitter.com/yuE0J7wVj5
— ANI (@ANI) November 16, 2021
ಆರೋಪಿಯನ್ನು ವಿಚಾರಣೆ ನಡೆಸುತ್ತಿದ್ದಾಗ ಆತನ ಕುಟುಂಬ ಸದಸ್ಯರು ಹಾಗೂ ಗ್ರಾಮಸ್ಥರು ಸಿಬಿಐ ತಂಡದ ಮೇಲೆ ದಾಳಿ ನಡೆಸಿದ್ದಾರೆ. ಅವರ ಮೇಲೆ ದೊಣ್ಣೆಗಳಿಂದ ಹಲ್ಲೆ ನಡೆಸಲಾಗಿದೆ. ಪರಿಸ್ಥಿತಿ ಬಿಗಡಾಯಿಸಿದ್ದರಿಂದ ಸ್ಥಳೀಯ ಪೊಲೀಸರಿಗೆ ಮಾಹಿತಿ ನೀಡಲಾಯಿತು. ಪೊಲೀಸರು ಗ್ರಾಮಕ್ಕೆ ಆಗಮಿಸಿ ಸಿಬಿಐ ಅಧಿಕಾರಿಗಳನ್ನು ಅಲ್ಲಿಂದ ಸುರಕ್ಷಿತವಾಗಿ ಕಳುಹಿಸಿದ್ದಾರೆ.
ದೆಹಲಿಯ ಸಿಬಿಐ ಇನ್ಸ್ಪೆಕ್ಟರ್ ಸಂದೀಪ್ ಕುಮಾರ್ ತಿವಾರಿ ನೇತೃತ್ವದ ಕೇಂದ್ರ ತನಿಖಾ ಸಂಸ್ಥೆ ತಂಡವು ಕೋಲ್ಕತ್ತಾದ ಒಬ್ಬ ಅಧಿಕಾರಿ ಮತ್ತು ಭುವನೇಶ್ವರದ ಇತರ ಮೂವರು ಅಧಿಕಾರಿಗಳನ್ನು ಒಳಗೊಂಡಿತ್ತು.
ಸಿಬಿಐ ಅಧಿಕಾರಿಗಳು ಶಂಕಿತ ವ್ಯಕ್ತಿಯ ಮನೆಗೆ ತಲುಪಿ ಹಲವು ಗಂಟೆಗಳ ಕಾಲ ವಿಚಾರಣೆ ನಡೆಸಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಆರು ಗಂಟೆಗಳ ಕಾಲ ವಿಚಾರಣೆ ಮುಂದುವರಿದಾಗ ಸ್ಥಳೀಯ ಜನರು ಸಿಬಿಐ ತಂಡದ ಸದಸ್ಯರನ್ನು ಎದುರಿಸಿ ವ್ಯಕ್ತಿಯನ್ನು ರಕ್ಷಿಸಲು ಪ್ರಯತ್ನಿಸಿದರು ಎಂದು ಪೊಲೀಸರು ತಿಳಿಸಿದ್ದಾರೆ.
ಮಾಹಿತಿ ಪಡೆದ ಪೊಲೀಸರು ಸ್ಥಳಕ್ಕೆ ಧಾವಿಸಿ ಕೆಲವು ಮಹಿಳೆಯರು ಮತ್ತು ಯುವಕರ ಪ್ರತಿರೋಧದ ನಂತರ ಸಿಬಿಐ ತಂಡದ ಸದಸ್ಯರನ್ನು ರಕ್ಷಿಸಿದರು.
ವಿಚಾರಣೆ ಸಂಬಂಧಿಸಿದಂತೆ ಸಿಬಿಐ ತಂಡ ಯಾವುದೇ ಪೂರ್ವ ಮಾಹಿತಿ ನೀಡಿರಲಿಲ್ಲ. ಆದರೆ, ನಾವು ಐವರನ್ನು ರಕ್ಷಿಸಿದ್ದೇವೆ. ಶಂಕಿತನನ್ನು ತನಿಖಾ ಸಂಸ್ಥೆ ಕರೆದೊಯ್ದಿದೆ ಮತ್ತು ಆತನನ್ನು ಬುಧವಾರ ಭುವನೇಶ್ವರದಲ್ಲಿರುವ ಸಿಬಿಐ ನ್ಯಾಯಾಲಯಕ್ಕೆ ಹಾಜರುಪಡಿಸಬಹುದು ಎಂದು ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ.
CBI Team Attacked During Raid In Child Pornography Case In Odisha