ಕೊಠಡಿಯನ್ನು ವಿಷಾನಿಲ ಕೊಠಡಿಯನ್ನಾಗಿ ಪರಿವರ್ತಿಸಿ ಪ್ರಾಣಬಿಟ್ಟ ತಾಯಿ ಮಕ್ಕಳು !

Delhi , India (ನವದೆಹಲಿ): ಮನೆಯನ್ನು ವಿಷಾನಿಲವಾಗಿ ಆಗಿ ಪರಿವರ್ತಿಸಿ ತಾಯಿ ಮತ್ತು ಇಬ್ಬರು ಹೆಣ್ಣು ಮಕ್ಕಳು ಆತ್ಮಹತ್ಯೆ (Delhi triple suicide) ಮಾಡಿಕೊಂಡಿದ್ದಾರೆ. ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ದುರ್ಘಟನೆ ನಡೆದಿದೆ.

ದಕ್ಷಿಣ ದೆಹಲಿಯ ಐಷಾರಾಮಿ ವಸಂತ್ ವಿಹಾರ್ ಅಪಾರ್ಟ್‌ಮೆಂಟ್ ಸೊಸೈಟಿಯ ಮನೆಯೊಂದರ ಬಾಗಿಲು ಒಳಗಿನಿಂದ ಲಾಕ್ ಆಗಿದ್ದು, ಹಲವು ಗಂಟೆಗಳಾದರೂ ಅವರು ಹೊರಗೆ ಬಾರದಿರುವ ಬಗ್ಗೆ ಕೆಲಸದಾಕೆ ಮತ್ತು ನೆರೆಹೊರೆಯವರು ಶನಿವಾರ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.

ಇದರಿಂದ ಅಲ್ಲಿಗೆ ಆಗಮಿಸಿದ ಪೊಲೀಸರು ಬಾಗಿಲು ಒಡೆದು ಒಳ ಹೋಗಿದ್ದಾರೆ. ಒಳಗಿರುವ ಕೊಠಡಿಯೊಂದರಲ್ಲಿ ಸಾವನ್ನಪ್ಪಿದ ಮಂಜು ಶ್ರೀವಾಸ್ತವ್ (50) ಅವರ ಇಬ್ಬರು ಪುತ್ರಿಯರಾದ ಅಂಶಿಕಾ ಮತ್ತು ಅಂಕು ಅವರ ಮೃತದೇಹಗಳು ಪತ್ತೆಯಾಗಿವೆ.

ಮನೆಯ ಕಿಟಕಿಗಳು ಮತ್ತು ವೆಂಟಿಲೇಟರ್‌ಗಳನ್ನು ಸಂಪೂರ್ಣವಾಗಿ ಪಾಲಿಥಿನ್ ಕವರ್‌ಗಳಿಂದ ಮುಚ್ಚಿರುವುದು ಕಂಡುಬಂದಿದೆ. ಗ್ಯಾಸ್ ಸಿಲಿಂಡರ್ ತೆರೆದಿರುವುದು ಪತ್ತೆಯಾಗಿದೆ. ಪೊಲೀಸರು ಕೊಠಡಿಯನ್ನು ವಿಷಾನಿಲ ಕೊಠಡಿಯನ್ನಾಗಿ ಪರಿವರ್ತಿಸಿದ್ದು, ಅವರು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ (Delhi triple suicide) ಎಂದು ಶಂಕಿಸಿದ್ದಾರೆ..

ಏತನ್ಮಧ್ಯೆ, ಪೊಲೀಸರು ಸೂಸೈಡ್ ನೋಟ್ ಮತ್ತು ಒಳನುಗ್ಗುವವರಿಗೆ ಕೆಲವು ಮುನ್ನೆಚ್ಚರಿಕೆಗಳನ್ನು ಸೂಚಿಸುವ ಕಾಗದಗಳನ್ನು ವಶಪಡಿಸಿಕೊಂಡಿದ್ದಾರೆ.

ಆ ನೋಟ್ ನಲ್ಲಿ ‘ಬಹಳ ಮಾರಣಾಂತಿಕ ಅನಿಲ… ಕಾರ್ಬನ್ ಮಾನಾಕ್ಸೈಡ್ ಒಳಗೆ ಇರುತ್ತದೆ… ದಯವಿಟ್ಟು ಕಿಟಕಿಯನ್ನು ತೆರೆಯಿರಿ, ಫ್ಯಾನ್ ಆಕಿ ಮತ್ತು ಕೊಠಡಿಗೆ ಗಾಳಿಯ ಅನುವು ಮಾಡಿ… ಬೆಂಕಿಕಡ್ಡಿ, ಮೇಣದಬತ್ತಿ ಅಥವಾ ಇನ್ನಾವುದನ್ನೂ ಬೆಳಗಿಸಬೇಡಿ. ಕೊಠಡಿಯು ಅಪಾಯಕಾರಿ ಅನಿಲದಿಂದ ತುಂಬಿದೆ. ಹಾಗಾಗಿ ಕರ್ಟನ್ ತೆಗೆಯುವಾಗ ಜಾಗರೂಕರಾಗಿರಿ. ಗ್ಯಾಸ್ ಇನ್ಹೇಲ್ ಮಾಡಬೇಡಿ’ ಎಂದು ಇಂಗ್ಲಿಷ್ ನಲ್ಲಿ ಬರೆಯಲಾಗಿದೆ.

ಏತನ್ಮಧ್ಯೆ, ಮಹಿಳೆಯ ಪತಿ ಉಮೇಶ್ ಚಂದ್ರ ಶ್ರೀವಾಸ್ತವ ಕಳೆದ ವರ್ಷ ಕೊರೊನಾದಿಂದ ಸಾವನ್ನಪ್ಪಿದ್ದಾರೆ ಎಂದು ಮನೆಗೆಲಸದ ಮಹಿಳೆ ಮತ್ತು ನೆರೆಹೊರೆಯವರು ಪೊಲೀಸರಿಗೆ ತಿಳಿಸಿದ್ದಾರೆ. ಅಂದಿನಿಂದ ಕುಟುಂಬವು ತುಂಬಾ ಹತಾಶವಾಗಿದೆ ಎಂದು ಅವರು ಹೇಳಿದರು.

ಮಂಜು ಕೂಡ ಇತ್ತೀಚೆಗೆ ಅನಾರೋಗ್ಯಕ್ಕೆ ತುತ್ತಾಗಿ ಹಾಸಿಗೆ ಹಿಡಿದಿರುವುದಾಗಿ ತಿಳಿಸಿದ್ದಾರೆ. ಮೂವರು ಮಹಿಳೆಯರ ಆತ್ಮಹತ್ಯೆಗೆ ಸಂಬಂಧಿಸಿದಂತೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.

Deadly Gas Bodies Of Woman Daughters In Delhi Flat With Chilling Notes

Follow us On