ಧಾರವಾಡ ಪರಿಹಾರ ಕೇಂದ್ರಕ್ಕೆ ಹರಿದು ಬಂದ ನೆರವು

Help flowing to Dharwad relief center

ಧಾರವಾಡ ಪರಿಹಾರ ಕೇಂದ್ರಕ್ಕೆ ಹರಿದು ಬಂದ ನೆರವು – Help flowing to Dharwad relief center

ಧಾರವಾಡ ಪರಿಹಾರ ಕೇಂದ್ರಕ್ಕೆ ಹರಿದು ಬಂದ ನೆರವು

ಕನ್ನಡ ನ್ಯೂಸ್ ಟುಡೇ – ಧಾರವಾಡ : ಅತಿವೃಷ್ಟಿಯಿಂದ ಸಂತ್ರಸ್ತರಾಗಿರುವ ಜಿಲ್ಲೆಯ ಜನತೆಗೆ ಸ್ಪಂದಿಸಲು ಅನೇಕ ಮನಸ್ಸುಗಳು ಮುಂದಾಗಿವೆ. ಸಂಘ ಸಂಸ್ಥೆಗಳು, ಯುವಕರು, ಮಹಿಳೆಯರು, ಕಾರ್ಮಿಕರು ಹೀಗೆ ನಾಡಿನ ಮೂಲೆ ಮೂಲೆಗಳಿಂದ ನೆರವು ಹರಿದು ಬರುತ್ತಿದೆ.ಸಾರ್ವಜನಿಕರಿಂದ ಪರಿಹಾರ ಸಾಮಗ್ರಿಗಳನ್ನು ಸಂಗ್ರಹಿಸಲು ಜಿಲ್ಲಾಡಳಿತದಿಂದ ಧಾರವಾಡದ ಜಿಲ್ಲಾಧಿಕಾರಿ ಕಚೇರಿ ಆವರಣದಲ್ಲಿ ಸ್ಥಾಪಿಸಲಾಗಿರುವ ಅಕ್ಕನ ಬಳಗ ಭವನದಲ್ಲಿ . ಜಿಲ್ಲೆ ಹಾಗೂ ಹೊರ ಜಿಲ್ಲೆಗಳಿಂದ ಹಲವರು ಆಗಮಿಸಿ ಸ್ವಯಂಪ್ರೇರಿತರಾಗಿ ಸಾಮಗ್ರಿಗಳನ್ನು ನೀಡುತ್ತಿದ್ದಾರೆ.

243.73 ಕ್ವಿಂಟಾಲ್ ಅಕ್ಕಿ ಬಂದಿದ್ದು,156.5 ಕ್ಷಿಂಟಲ್ ಸಂತ್ರಸ್ತರಿಗೆ ವಿತರಿಸಲಾಗಿದೆ.78 ಕ್ವಿಂಟಾಲ್ ಸಂಗ್ರಹದಲ್ಲಿದೆ. 670 ಕೆಜಿ ಜೋಳ ಸಂಗ್ರಹವಾಗಿದ್ದು,140 ಕೆಜಿ ಹಂಚಲಾಗಿದೆ,530 ಕೆಜಿ ದಾಸ್ತಾನಿನಲ್ಲಿದೆ.280 ಕೆಜಿ ಗೋಧಿ ಬಂದಿದೆ,85 ಕೆಜಿ ವಿತರಿಸಲಾಗಿದೆ.196 ಕೆಜಿ ಸಂಗ್ರಹದಲ್ಲಿದೆ. 988 ಕೆಜಿ ತೊಗರಿಬೇಳೆ ಸ್ವಿಸ್ವೀಕೃತಿಯಾಗಿದೆ, 420 ಕೆಜಿ ವಿತರಣೆಯಾಗಿದೆ.5 68 ಕೆಜಿ ಪರಿಹಾರ ಕೇಂದ್ರದಲ್ಲಿದೆ.

ಉಳಿದಂತೆ 8200 ರೊಟ್ಟಿಗಳು, ಅವಲಕ್ಕಿ, ಉಳ್ಳಾಗಡ್ಡಿ, ಬೆಲ್ಲ, ರವೆ, ಬಾಳೆಹಣ್ಣು, ಬ್ರೆಡ್ ಮತ್ತು ಟೋಸ್ಟ್, ಉಪ್ಪು, ಸಕ್ಕರೆ, ಚಹಾ ಪುಡಿ, ಹಾಲು, ಮಸಾಲೆ ಪದಾರ್ಥಗಳು, ಬಿಸ್ಕತ್ತುಗಳು, ಟೊಮೆಟೋ ಜಾಮ್, ಒಳ್ಳೆಯಣ್ಣಿ, ಕೊಬ್ಬರಿ ಎಣ್ಣಿ, ಹಸಿಗೆ, ಹೊದಿಕೆ, ಲುಂಗಿ, ವಸ್ತು,ಸ್ವೆಟರ್, ಬಟ್ಟೆ, ಸೊಳ್ಳೆ ಪರದೆ, ಮೇಣದಬತ್ತಿ, ಟೂತ್‌ಪೇಸ್ಟ್, ಬ್ರಶ್, ಸಾಬೂನು, ಬಕೆಟ್, ತಾಟುಗಳು, ಔಷಧಿಗಳು, ಪ್ರಥಮ ಚಿಕಿತ್ಸಾ ಕಿಟ್‌ಗಳು ಸೇರಿದಂತೆ ಅನೇಕ ಅವಶ್ಯಕ ಸಾಮಗ್ರಿಗಳು ಕೇಂದ್ರದಲ್ಲಿ ಸ್ವೀಕೃತಿಯಾಗುತ್ತಿವೆ.ದೂರದ ಕೋಲಾರ ಜಿಲ್ಲೆಯ ಚಿಂತಾಮಣಿಯಿಂದಲೂ ಕೆಲವರು ನೆರವು ಕಳುಹಿಸಿದ್ದಾರೆ.

ಪರಿಹಾರ ಕೇಂದ್ರದಲ್ಲಿ ಸಾರ್ವಜನಿಕರಿಂದ ಬರುವ ಪರಿಹಾರ ಸಾಮಗ್ರಿಗಳ ಸ್ವೀಕೃತಿಗಾಗಿ ನೇಮಕಗೊಂಡಿರುವ ಧಾರವಾಡ ಕೆ.ಎನ್.ಎನ್.ಎಲ್ ಮುಖ್ಯ ಆಡಳಿತಾಧಿಕಾರಿ ಶಶಿಧರ ಬಗಲಿ( 9448392149), ಭೂ ದಾಖಲೆಗಳ ಉಪನಿರ್ದೇಶಕಿ ನಜ್ಮಾ ಪೀರಜಾದೆ (9341015656), ಜಿಲ್ಲಾ ನೊಂದಣಾಧಿಕಾರಿ ಪಂಡಿತ್ (9448148368), ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆ ಜಿಲ್ಲಾ ಅಧಿಕಾರಿ ಅಜ್ಜಪ್ಪ ಸೊಗಲದ (9901418289) ಸೇರಿದಂತೆ ಮತ್ತಿತರ ಅಧಿಕಾರಿಗಳು,ಸಿಬ್ಬಂದಿ ವರ್ಗದವರು, ಸಾರ್ವಜನಿಕರಿಂದ ಸಂಗ್ರಹಿಸಲಾದ ಪರಿಹಾರ ಸಾಮಗ್ರಿಗಳನ್ನು ಅವಶ್ಯಕತೆಗೆ ಅನುಗುಣವಾಗಿ ಜಿಲ್ಲೆಯ ಎಲ್ಲಾ ತಾಲೂಕುಗಳು ಹಾಗೂ ನೆರೆಯ ಜಿಲ್ಲೆಗಳಿಗೆ ರವಾನಿಸುವ ಕಾರ್ಯದಲ್ಲಿ ನಿರತರಾಗಿದ್ದಾರೆ.

ಹಳೆಯ ವಸ್ತುಗಳು, ಬಟ್ಟೆ ಬೇಡ: ಸೊಳ್ಳೆ ಪರದೆ ನೀಡಿ: ಇನ್ನು ಮುಂದೆ ಸಾಂಕ್ರಾಮಿಕ ರೋಗಗಳು ಹರಡುವ ಭೀತಿ ಇರುವುದರಿಂದ. ರೋಗ ಹರಡದಂತೆ ತಡೆಯಲು ಸಂತ್ರಸ್ತರಿಗೆ ಸೊಳ್ಳೆ ಪರದೆಗಳನ್ನು ನೀಡುವುದು ಅಗತ್ಯವಾಗಿದೆ. ದಾನಿಗಳು ಹೆಚ್ಚಿನ ಪ್ರಮಾಣದಲ್ಲಿ ಸೊಳ್ಳೆ ಪರದೆಗಳನ್ನು ನೀಡಬಹುದು. ಹಳೆಯ ಬಟ್ಟೆ ,ವಸ್ತುಗಳನ್ನು ನೀಡದಿರಲು ಮನವಿ ಮಾಡಲಾಗಿದೆ.

ಆರ್ಥಿಕ ನೆರವು ನೀಡುವವರು ಮುಖ್ಯಮಂತ್ರಿಗಳ ಪರಿಹಾರ ನಿಧಿ ಹೆಸರಿನಲ್ಲಿ ಡಿಡಿ ಅಥವಾ ಚೆಕ್‌ಗಳನ್ನು ತೆಗೆದು ಜಿಲ್ಲಾಧಿಕಾರಿಗಳಿಗೆ ಸಲ್ಲಿಸಬಹುದು. ಅಥವಾ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಖಾತೆ ಸಂಖ್ಯೆ 37887098605 ಐಎಫ್‌ಎಸ್‌ಸಿ ಕೋಡ್: ಎಸ್‌ಬಿಐಎನ್ 0040277 ಮೂಲಕ ಮುಖ್ಯಮಂತ್ರಿಗಳ ಪರಿಹಾರ ನಿಧಿಗೆ ನೇರವಾಗಿ ಸಂದಾಯ ಮಾಡಬಹುದು.

ಈ ದೇಣಿಗೆಗೆ ಆದಾಯ ತೆರಿಗೆ ಕಾಯಿದೆ 80ಜಿ (2) ಅಡಿ ತೆರಿಗೆ ವಿನಾಯಿತಿ ಇರುತ್ತದೆ. ಹೆಚ್ಚಿನ ವಿವರಗಳಿಗೆ ಸಹಾಯವಾಣಿ ಸಂಖ್ಯೆ 9480230962 ಅಥವಾ 1077 ಸಂಖ್ಯೆ ಸಂಪರ್ಕಿಸಬಹುದು.////