Welcome To Kannada News Today

ಮುಂಬೈನಲ್ಲಿ ಕಟ್ಟಡ ಕುಸಿತ : 14 ಮಂದಿ ರಕ್ಷಣೆ, ಅದೃಷ್ಟವಶಾತ್ ಯಾವುದೇ ಪ್ರಾಣಹಾನಿ ಇಲ್ಲ

ಮುಂಬೈನಲ್ಲಿ ಕಟ್ಟಡ ಕುಸಿತ ದಿಂದಾಗಿ ಸಿಲುಕಿದ್ದ 14 ಜನರನ್ನು ರಕ್ಷಿಸಲಾಗಿದೆ, ಅದೃಷ್ಟವಶಾತ್ ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ. ಎನ್‌ಡಿಆರ್‌ಎಫ್ ತಂಡ ಸ್ಥಳದಲ್ಲಿ ರಕ್ಷಣಾ ಕಾರ್ಯ ನಡೆಸಿದೆ.

🌐 Kannada News :

ಮುಂಬೈ ಕಂಡಿವಲಿ ( Kannada News ) : ಮುಂಬೈನ ಕಂಡಿವಲಿ ಪಶ್ಚಿಮ ಪ್ರದೇಶದಲ್ಲಿ ಭಾನುವಾರ ಬೆಳಿಗ್ಗೆ ಕಟ್ಟಡ ಕುಸಿದಿದೆ. ಮೊದಲ ಮಹಡಿಯಲ್ಲಿದ್ದ 12 ಮಂದಿ ಮತ್ತು ನೆಲ ಮಹಡಿಯ ಇಬ್ಬರು ಸೇರಿದಂತೆ ಹದಿನಾಲ್ಕು ಜನರನ್ನು ರಾಷ್ಟ್ರೀಯ ವಿಪತ್ತು ಪಡೆ (ಎನ್‌ಡಿಆರ್‌ಎಫ್) ತಂಡ ರಕ್ಷಿಸಿದೆ.

ಇಂದು ಮುಂಜಾನೆ ಸರಿ ಸುಮಾರು ಬೆಳಿಗ್ಗೆ 6 ಕ್ಕೆ ಈ ಘಟನೆ ಸಂಭವಿಸಿದ್ದು, ಗಾಯಾಳುಗಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಘಟನೆಯ ನಂತರ ಬೆಳಿಗ್ಗೆ 06: 10 ರ ಸುಮಾರಿಗೆ ಎಂಸಿಜಿಎಂ ವಿಪತ್ತು ನಿಯಂತ್ರಣ ಕೊಠಡಿಗೆ ಸಬ್ರಿಯಾ ಮಸೀದಿ, ದಾಲ್ಜಿ ಪಾದ, ಕಂಡಿವಲಿ (ಪಶ್ಚಿಮ) ದ ಹಿಂದೆ ಜಿ +1 ಕಟ್ಟಡ ಕುಸಿದಿದೆ ಎಂಬ ಮಾಹಿತಿ ಸಿಕ್ಕಿತ್ತು.

ಘಟನೆ ವರದಿಯಾದ ತಕ್ಷಣವೇ ಪ್ರವೃತ್ತರಾದ ಎನ್‌ಡಿಆರ್‌ಎಫ್‌ನ ತಂಡ ರಕ್ಷಣಾ ಕಾರ್ಯಾಚರಣೆ ನಡೆಸಲು ಘಟನಾ ಸ್ಥಳಕ್ಕೆ ಧಾವಿಸಿತು. ಎನ್‌ಡಿಆರ್‌ಎಫ್ ತಂಡದೊಂದಿಗೆ 4 ಅಗ್ನಿಶಾಮಕ ವಾಹನ ಮತ್ತು 1 ಆಂಬ್ಯುಲೆನ್ಸ್‌, ಜೊತೆಗೆ ಸಿಬ್ಬಂದಿಗಳು ಸಹಕಾರ ನೀಡಿದ್ದಾರೆ.

“ಕಂದವಲಿ (ಪಶ್ಚಿಮ) ದಲ್ಲಿ ಸುಮಾರು ಬೆಳಿಗ್ಗೆ 06:00. ಕ್ಕೆ ಕಟ್ಟಡ ಕುಸಿದಿದೆ, ಕಟ್ಟಡದ ಅಡಿ ಸಿಕ್ಕಿಬಿದ್ದ ಎಲ್ಲರನ್ನು ಎಂಸಿಜಿಎಂ, ಮುಂಬೈ ಅಗ್ನಿಶಾಮಕ ದಳ, ಪೊಲೀಸರು ರಕ್ಷಿಸಿದ್ದಾರೆ. ಅದೃಷ್ಟವಶಾತ್ ಯಾವುದೇ ಸಾವುಗಳು ಸಂಭವಿಸಿಲ್ಲ, ಘಟನೆಯಲ್ಲಿ ಕೆಲವರು ಗಾಯಗೊಂಡಿದ್ದಾರೆ ”ಎಂದು ಎನ್‌ಡಿಆರ್‌ಎಫ್ ಮಹಾನಿರ್ದೇಶಕ ಸತ್ಯನಾರಾಯಣ್ ಪ್ರಧಾನ್ ಟ್ವಿಟರ್‌ನಲ್ಲಿ ತಿಳಿಸಿದ್ದಾರೆ.

Web Title : Building collapses in Mumbai Kandivali, 14 rescued, no casualty reported

Web Title :

Get Latest Kannada News an up-to-date news coverage

ಕ್ಷಣ ಕ್ಷಣದ ಕನ್ನಡ ಸುದ್ದಿಗಳಿಗಾಗಿ FacebookTwitterYouTube ಅನುಸರಿಸಿ.