ಕೇರಳದಲ್ಲಿ 20 ಶಾಲಾ ಮಕ್ಕಳಿಗೆ ಟೊಮೇಟೊ ಜ್ವರ

ಕೇರಳದ ಇಡುಕ್ಕಿಯಲ್ಲಿ 20 ಮಕ್ಕಳಲ್ಲಿ ಟೊಮೇಟೊ ಜ್ವರ ದೃಢಪಟ್ಟಿದೆ. ಪ್ರಾಥಮಿಕ ಶಾಲೆಯ 20 ಮಕ್ಕಳಿಗೆ ಜ್ವರ ಮತ್ತು ತುರಿಕೆ ಕಾಣಿಸಿಕೊಂಡಿದೆ. ಬಳಿಕ ಆರೋಗ್ಯ ಇಲಾಖೆ ಮಕ್ಕಳನ್ನು ತಪಾಸಣೆಗೊಳಪಡಿಸಿ ಟೊಮೇಟೊ ಜ್ವರ ಇರುವುದು ದೃಢಪಡಿಸಿದೆ.

ಆದರೆ, ಮಕ್ಕಳ ಆರೋಗ್ಯ ತೃಪ್ತಿಕರವಾಗಿದೆ ಎಂದು ವೈದ್ಯರು ತಿಳಿಸಿದ್ದಾರೆ. 5 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳಲ್ಲಿ ಟೊಮೇಟೊ ಜ್ವರವು ಸಾಮಾನ್ಯವಾಗಿದ್ದರೂ, ಪ್ರಸ್ತುತ ಇದು 12 ರಿಂದ 14 ವರ್ಷದೊಳಗಿನ ಮಕ್ಕಳ ಮೇಲೆ ಪರಿಣಾಮ ಬೀರುತ್ತದೆ ಎಂದು ವರದಿಯಾಗಿದೆ.

ಟೊಮೇಟೊ ಜ್ವರದ ಲಕ್ಷಣಗಳೆಂದರೆ ಕೈ, ಕಾಲು ಮತ್ತು ಬಾಯಿಯ ಒಳಭಾಗದಲ್ಲಿ ಗುಳ್ಳೆಗಳು ಮತ್ತು ನೋವು, ಜೊತೆಗೆ ಬಾಯಿಯಲ್ಲಿ ಚರ್ಮದ ತುರಿಕೆ. ಒಂದು ವಾರದಲ್ಲಿ ಟೊಮೇಟೊ ಜ್ವರ ತಾನಾಗಿಯೇ ಮಾಯವಾದರೂ ಸಂತ್ರಸ್ತರ ಮೂಲಕ ಇತರರಿಗೆ ಹರಡುವ ಸಾಧ್ಯತೆ ಇರುವುದರಿಂದ ಸಾರ್ವಜನಿಕರು ಎಚ್ಚರಿಕೆ ವಹಿಸುವಂತೆ ಕೇರಳ ಆರೋಗ್ಯ ಇಲಾಖೆ ಎಚ್ಚರಿಕೆ ನೀಡಿದೆ.

Tomato fever for 20 school children in Kerala

Follow Us on : Google News | Facebook | Twitter | YouTube