ಕರ್ನಾಟಕದಲ್ಲಿ ಗೋವುಗಳ ರಕ್ಷಣೆಗೆ ಶೀಘ್ರದಲ್ಲೇ 250 ಗೋಶಾಲೆಗಳು

ಬೆಂಗಳೂರು : ಗೋವುಗಳನ್ನು ರಕ್ಷಿಸಲು ಕರ್ನಾಟಕವು 250 ಹೊಸ ಗೋಶಾಲೆಗಳನ್ನು ತೆರೆಯಲು ನಿರ್ಧರಿಸಿದೆ. ಸಚಿವೆ ಶಶಿಕಲಾ ಜೊಲ್ಲೆ ನಿನ್ನೆ ಬೆಳಗಾವಿಯ ಕಪಿಲೇಶ್ವರ ದೇವಸ್ಥಾನದಲ್ಲಿ ಗೋಶಾಲೆಯನ್ನು ಉದ್ಘಾಟಿಸಿದರು. ದೇವಸ್ಥಾನದಲ್ಲಿ ಅವರು ತಮ್ಮ ಪತಿ ಹಾಗೂ ಬಿಜೆಪಿ ಸಂಸದ ಅಣ್ಣಾ ಸಾಹೇಬ್ ಅವರೊಂದಿಗೆ ಗೋಪೂಜೆ ಮಾಡಿದರು.

ನಂತರ ಮಾತನಾಡಿದ ಹಿಂದೂ ದತ್ತಿ ಸಚಿವೆ ಶಶಿಕಲಾ ಜೊಲ್ಲೆ , ”ಹಿಂದೂ ದತ್ತಿ ಇಲಾಖೆ ನಡೆಸುತ್ತಿರುವ ದೇವಾಲಯಗಳಲ್ಲಿ ಗೋವುಗಳನ್ನು ರಕ್ಷಿಸಲು ಮತ್ತು ಸಂರಕ್ಷಿಸಲು ರಾಜ್ಯಾದ್ಯಂತ ಗೋಶಾಲೆಗಳನ್ನು ತೆರೆಯಲು ಸರಕಾರ ನಿರ್ಧರಿಸಿದೆ. ಇನ್ನು ಕೆಲವೇ ತಿಂಗಳಲ್ಲಿ ರಾಜ್ಯಾದ್ಯಂತ ಮೊದಲ ಹಂತದಲ್ಲಿ 250 ಗೋಶಾಲೆಗಳನ್ನು ತೆರೆಯಲಾಗುವುದು ಎಂದರು.

ಹಿಂದೂಗಳು ದೇವರೆಂದು ಭಾವಿಸುವ ಗೋವುಗಳನ್ನು ರಕ್ಷಿಸುವ ಉದ್ದೇಶದಿಂದ ಸರ್ಕಾರ ಈ ಉಪಕ್ರಮಕ್ಕೆ ಮುಂದಾಗಿದೆ. ಗೋಶಾಲೆಗಳ ವೆಚ್ಚವನ್ನು ಸಂಬಂಧಪಟ್ಟ ದೇವಾಲಯಗಳು ಭರಿಸುತ್ತವೆ. ಯೋಜನೆಯು ಗೋವುಗಳನ್ನು ರಕ್ಷಿಸುತ್ತದೆ ಮತ್ತು ಮಾಂಸಕ್ಕಾಗಿ ಹತ್ಯೆ ಮಾಡುವುದನ್ನು ತಡೆಯುತ್ತದೆ, ”ಎಂದು ಅವರು ಹೇಳಿದರು.

Follow us On