ಹಳಿ ತಪ್ಪಿದ ಬುಲೆಟ್ ರೈಲು, ಚಾಲಕ ಸಾವು.. ಏಳು ಮಂದಿಗೆ ಗಾಯ

• ಚೀನಾದಲ್ಲಿ ಅತಿವೇಗದ ರೈಲು ಹಳಿತಪ್ಪಿ ಚಾಲಕ ಸಾವು, ಏಳು ಪ್ರಯಾಣಿಕರು ಗಾಯಗೊಂಡಿದ್ದಾರೆ

ನೈಋತ್ಯ ಚೀನಾದ ಗುಝೌ ಪ್ರಾಂತ್ಯದಲ್ಲಿ ಶನಿವಾರದಂದು ಮಣ್ಣಿನ ಕುಸಿತದಿಂದಾಗಿ ಹೈಸ್ಪೀಡ್ ರೈಲು ಹಳಿತಪ್ಪಿದ್ದು, ಚಾಲಕ ಮೃತಪಟ್ಟು ಕನಿಷ್ಠ ಏಳು ಪ್ರಯಾಣಿಕರು ಗಾಯಗೊಂಡಿದ್ದಾರೆ.

ಬುಲೆಟ್ ಟ್ರೈನ್ D2809 ಚೀನಾದ ಸೌತ್ ವೆಸ್ಟರ್ನ್ ಗುಯಾಂಗ್ ಪ್ರಾಂತ್ಯದಿಂದ ದಕ್ಷಿಣ ಪ್ರಾಂತ್ಯದ ಗುವಾಂಗ್‌ಝೌಗೆ ಓಡುತ್ತಿದ್ದಾಗ ರೊಂಗ್‌ಜಿಯಾಂಗ್ ನಿಲ್ದಾಣದಲ್ಲಿ ಹಠಾತ್ ಮಣ್ಣಿನ ಕುಸಿತದಿಂದಾಗಿ ಎರಡು ಬೋಗಿಗಳು ಹಳಿತಪ್ಪಿದವು ಎಂದು ಸರ್ಕಾರಿ ಚೀನಾ ಡೈಲಿ ವರದಿ ಮಾಡಿದೆ.

ರೈಲು ಚಾಲಕ ಸಾವನ್ನಪ್ಪಿದ್ದಾನೆ ಎಂದು ರಾಜ್ಯ ಸಿಸಿಟಿವಿ ಸುದ್ದಿಯನ್ನು ಉಲ್ಲೇಖಿಸಿ ವರದಿ ಮಾಡಿದೆ.

ಈ ವೇಳೆ ರೈಲು ಇಂಜಿನ್ ಸಂಪೂರ್ಣ ಜಖಂಗೊಂಡಿದೆ. ಅಲ್ಲದೆ, ಕಳೆದ ಕೆಲ ದಿನಗಳಿಂದ ಗುಜಾವೊದಲ್ಲಿ ಮಳೆಯಾಗುತ್ತಿದೆ. ಇದರಿಂದ ಹಳಿಗಳ ಮೇಲೆ ಮಣ್ಣು, ಕಲ್ಲುಗಳು ಬಿದ್ದಿವೆ.

ಗಾಯಗೊಂಡ ಎಲ್ಲಾ ಪ್ರಯಾಣಿಕರನ್ನು ಸ್ಥಳೀಯ ಆಸ್ಪತ್ರೆಗೆ ಕಳುಹಿಸಲಾಗಿದೆ ಮತ್ತು ಇತರ 136 ಪ್ರಯಾಣಿಕರನ್ನು ರಕ್ಷಿಸಲಾಗಿದೆ. ಸ್ಥಳದಲ್ಲಿ ರಕ್ಷಣಾ ಕಾರ್ಯ ಭರದಿಂದ ಸಾಗುತ್ತಿದ್ದು, ಅಪಘಾತದ ಕಾರಣ ತನಿಖೆ ನಡೆಯುತ್ತಿದೆ.

Bullet Train D2809 Crashed Into A Mudslide At Rongjiang Station In Chinas Guizhou

Follow us On