ಪಾಕಿಸ್ತಾನದಲ್ಲಿ 13 ವರ್ಷಗಳಲ್ಲಿ ಕಾಣದ ಹಣದುಬ್ಬರ, ಬಕ್ರೀದ್ ಹಬ್ಬಕ್ಕೂ ಸಂಕಷ್ಟ
ಇಸ್ಲಾಮಾಬಾದ್: ಹೆಚ್ಚಿನ ಹಣದುಬ್ಬರ, ಇಳಿಮುಖವಾಗುತ್ತಿರುವ ವಿದೇಶಿ ವಿನಿಮಯ ಸಂಗ್ರಹ ಮತ್ತು ಚಾಲ್ತಿ ಖಾತೆ ಕೊರತೆಯಿಂದ ಪಾಕಿಸ್ತಾನ ತತ್ತರಿಸುತ್ತಿದೆ. ಹಣದುಬ್ಬರ ನಿರಂತರ ಏರಿಕೆಯಿಂದ ಅಗತ್ಯ ವಸ್ತುಗಳ ಬೆಲೆ, ಪೆಟ್ರೋಲ್, ಡೀಸೆಲ್ ಬೆಲೆ ಗಗನಕ್ಕೇರುತ್ತಿದೆ. ಇದರಿಂದ ದೇಶದ ಜನತೆ ಹೆಚ್ಚು ಸಂಕಷ್ಟಕ್ಕೆ ಸಿಲುಕಿದ್ದಾರೆ.
ಈ ಪರಿಸ್ಥಿತಿಯಲ್ಲಿ ಮುಂದಿನ ವಾರ ಪಾಕಿಸ್ತಾನದಲ್ಲಿ ಬಕ್ರೀದ್ ಹಬ್ಬವನ್ನು ಆಚರಿಸಲು ಹೊರಟಿದೆ. ಇದು ಸಾಮಾನ್ಯವಾಗಿ ಜಾನುವಾರುಗಳ ಹೆಚ್ಚಿನ ಮಾರಾಟಕ್ಕೆ ಕಾರಣವಾಗುತ್ತದೆ. ಆದರೆ ಪ್ರಸ್ತುತ ಪಾಕಿಸ್ತಾನದ ಹಣದುಬ್ಬರದಿಂದಾಗಿ ಕರಾಚಿ ಮಾರುಕಟ್ಟೆಯಲ್ಲಿ ಮೇಕೆ, ಹಸು, ಒಂಟೆ ಇತ್ಯಾದಿಗಳ ಬೆಲೆ ಭಾರಿ ಪ್ರಮಾಣದಲ್ಲಿ ಏರಿಕೆಯಾಗಿದೆ. ಇದರಿಂದ ಸಂತೆಯಲ್ಲಿ ಜಾನುವಾರುಗಳನ್ನು ಖರೀದಿಸಲಾಗದೆ ಜನರು ಪರದಾಡುತ್ತಿದ್ದಾರೆ.
ಕರಾಚಿಯ ವ್ಯಾಪಾರಿಯೊಬ್ಬರು ಮಾತನಾಡಿ, ಕಳೆದ ಮೇ ತಿಂಗಳಿನಿಂದ ಇಂಧನ ಬೆಲೆ ಶೇ.90ಕ್ಕೂ ಹೆಚ್ಚು ಏರಿಕೆಯಾಗಿದ್ದು, ಸಾಗಾಣಿಕೆ ವೆಚ್ಚವೂ ಜಾನುವಾರುಗಳ ಬೆಲೆ ಏರಿಕೆಗೆ ಕಾರಣವಾಗಿದೆ.
Our Whatsapp Channel is Live Now 👇
