Pakistan Power Crisis: ಪಾಕಿಸ್ತಾನದಲ್ಲಿ ವಿದ್ಯುತ್ ಬಿಕ್ಕಟ್ಟು, ವಿದ್ಯುತ್ ವೈಫಲ್ಯದಿಂದ ಸಂಸತ್ ಭವನವೂ ಕತ್ತಲೆಯಲ್ಲಿ

Pakistan Power Crisis: ಪಾಕಿಸ್ತಾನದ ಸ್ಥಿತಿ ಹದಗೆಡುತ್ತಿದೆ. ಹಸಿವಿನ ನಡುವೆಯೇ ಇಲ್ಲಿ ವಿದ್ಯುತ್ ಸಮಸ್ಯೆ ಎದುರಾಗಿದೆ. ವಿದ್ಯುತ್ ಅಭಾವದಿಂದ ಸಂಸತ್ ಭವನವನ್ನೂ ಬಂದ್ ಮಾಡಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದೆ. 

Pakistan Power Crisis (Kannada News): ಪಾಕಿಸ್ತಾನದ ಸ್ಥಿತಿ ಹದಗೆಡುತ್ತಿದೆ. ಹಸಿವಿನ ನಡುವೆಯೇ ಇಲ್ಲಿ ವಿದ್ಯುತ್ ಸಮಸ್ಯೆ ಎದುರಾಗಿದೆ. ವಿದ್ಯುತ್ ಅಭಾವದಿಂದ ಸಂಸತ್ ಭವನವನ್ನೂ ಬಂದ್ ಮಾಡಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದೆ. ಪಾಕಿಸ್ತಾನ ಒಂದರ ಹಿಂದೆ ಒಂದರಂತೆ ಸಂಕಷ್ಟಕ್ಕೆ ಸಿಲುಕುತ್ತಿದೆ. ಪಾಕಿಸ್ತಾನದ ಸಂಸತ್ತಿನಲ್ಲಿ ಭಾನುವಾರ ಶಾರ್ಟ್ ಸರ್ಕ್ಯೂಟ್ ಸಂಭವಿಸಿದ ಹಿನ್ನೆಲೆಯಲ್ಲಿ ಸಂಸತ್ ಭವನವನ್ನು ಮೂರು ದಿನಗಳ ಕಾಲ ಮುಚ್ಚಲಾಗಿದೆ. ಮಾಹಿತಿ ಪ್ರಕಾರ ಜನವರಿ 23 ರಿಂದ ಜನವರಿ 26 ರವರೆಗೆ ಬೆಳಿಗ್ಗೆ 11 ಗಂಟೆಗೆ ನಡೆಯಬೇಕಿದ್ದ ಎಲ್ಲಾ ಸಭೆಗಳನ್ನು ರದ್ದುಗೊಳಿಸಲಾಗಿದೆ.

ಗೋಧಿ ಬಿಕ್ಕಟ್ಟಿನ ಮಧ್ಯೆ ಸೋಮವಾರ ಪಾಕಿಸ್ತಾನಕ್ಕೆ ಹೊಸ ಸಂಕಷ್ಟ ತಂದೊಡ್ಡಿದೆ. ಸುಮಾರು 18 ಗಂಟೆಗಳು ಕಳೆದರೂ ಕತ್ತಲೆಯಲ್ಲಿ ಮುಳುಗಿರುವ ಪಾಕಿಸ್ತಾನದಲ್ಲಿ ಬೆಳಕಿಲ್ಲ. ಪಾಕಿಸ್ತಾನದ ಬಹುತೇಕ ನಗರಗಳಲ್ಲಿ ವಿದ್ಯುತ್ ಇಲ್ಲ. ಈ ನಡುವೆ ಶಾರ್ಟ್ ಸರ್ಕ್ಯೂಟ್ ನಿಂದ ಸಂಸತ್ ಭವನವನ್ನು ಮೂರು ದಿನ ಬಂದ್ ಮಾಡಲಾಗಿದೆ ಎಂಬ ಮತ್ತೊಂದು ಸುದ್ದಿ ಬರುತ್ತಿದೆ.

ಸಂಸತ್ ಭವನದ ವೈರಿಂಗ್ ನಿರ್ವಹಣೆಯನ್ನು ಗಮನದಲ್ಲಿಟ್ಟುಕೊಂಡು ಇಲ್ಲಿನ ಸಂಸತ್ ಭವನದ ಎಲ್ಲ ಕಚೇರಿಗಳನ್ನು ಜನವರಿ 26ರವರೆಗೆ ಮುಚ್ಚಲಾಗಿದೆ. ನಿನ್ನೆ ಸಂಸತ್ ಭವನದಲ್ಲಿ ಶಾರ್ಟ್ ಸರ್ಕ್ಯೂಟ್ ಸಂಭವಿಸಿದೆ ಎಂದು ಪಾಕಿಸ್ತಾನ ರಾಷ್ಟ್ರೀಯ ಅಸೆಂಬ್ಲಿ ಸೋಮವಾರ ಟ್ವೀಟ್ ಮಾಡಿದೆ.

ದೇವರಿಗೆ ಧನ್ಯವಾದಗಳು ಯಾವುದೇ ದೊಡ್ಡ ಹಾನಿ ಸಂಭವಿಸಿಲ್ಲ. ನಿರ್ವಹಣಾ ಕಾಮಗಾರಿ ಕೈಗೊಳ್ಳಲು, ಕಟ್ಟಡವನ್ನು ಕೂಲಂಕುಷವಾಗಿ ಪರಿಶೀಲಿಸಿ ಮುಂದೆ ಇಂತಹ ಘಟನೆಗಳು ನಡೆಯದಂತೆ ನೋಡಿಕೊಳ್ಳಲು ಜ.26ರವರೆಗೆ ಎಲ್ಲ ಕಚೇರಿಗಳನ್ನು ಬಂದ್ ಮಾಡಲಾಗಿದೆ ಎಂದು ತಿಳಿಸಲಾಗಿದೆ.

Power crisis in Pakistan, Parliament House also in darkness due to power failure