ಹಾವಿನಿಂದ 10,000 ಮನೆಗಳಿಗೆ ವಿದ್ಯುತ್ ಪೂರೈಕೆ ಸ್ಥಗಿತ… ಏನಾಯ್ತು?

ಟೋಕಿಯೋ: ಹಾವಿನ ಹಾವಳಿಯಿಂದಾಗಿ ಸುಮಾರು 10,000 ಮನೆಗಳಿಗೆ ವಿದ್ಯುತ್ ಸಂಪರ್ಕ ಕಡಿತಗೊಂಡಿದೆ. ಇದರಿಂದ ಆ ಭಾಗದ ನಿವಾಸಿಗಳು ಸುಮಾರು ಒಂದು ಗಂಟೆ ಕಾಲ ಪರದಾಡಿದರು. ಜಪಾನ್‌ನ ಫುಕುಶಿಮಾದ ಕೊರಿಯಾಮಾ ನಗರದಲ್ಲಿ ಈ ಘಟನೆ ನಡೆದಿದೆ.

ಜೂನ್ 29ರಂದು ಮಧ್ಯಾಹ್ನ 2.10ಕ್ಕೆ ನಗರದ ಒಂದು ಭಾಗದಲ್ಲಿ ಏಕಾಏಕಿ ವಿದ್ಯುತ್ ಕೈಕೊಟ್ಟಿತ್ತು. ಇದರೊಂದಿಗೆ ವಿದ್ಯುಚ್ಛಕ್ತಿ ಸಂಸ್ಥೆಯ ಸಿಬ್ಬಂದಿ ಸ್ಥಳಕ್ಕೆ ಧಾವಿಸಿದರು. ಆ ವೇಳೆ ವಿದ್ಯುತ್ ಕೇಂದ್ರಕ್ಕೆ ಹಾವು ನುಗ್ಗಿರುವುದು ಕಂಡು ಬಂದಿದೆ. ವಿದ್ಯುತ್ ತಂತಿ ಸ್ಪರ್ಶಿಸಿದಾಗ ಶಾರ್ಟ್ ಸರ್ಕ್ಯೂಟ್ ಕಾಣಿಸಿಕೊಂಡಿದೆ. ಶಾರ್ಟ್ ಸರ್ಕ್ಯೂಟ್ ನಿಂದ ಬೆಂಕಿ ತಗುಲಿ ಹಾವು ಸುಟ್ಟು ಕರಕಲಾಗಿರುವುದು ಗಮನಕ್ಕೆ ಬಂದಿದೆ.

ಇದೇ ವೇಳೆ ಶಾರ್ಟ್ ಸರ್ಕ್ಯೂಟ್ ನಿಂದ ಹೊಗೆ ಹಾಗೂ ಬೆಂಕಿ ಕಾಣಿಸಿಕೊಂಡಿದ್ದರಿಂದ ಫೈರ್ ಅಲಾರಾಂ ಮೊಳಗಿತು. ಪರಿಣಾಮವಾಗಿ, ಆರು ಅಗ್ನಿಶಾಮಕ ವಾಹನಗಳು ವಿದ್ಯುತ್ ಕೇಂದ್ರವನ್ನು ತಲುಪಿದವು. ಅಲ್ಲದೆ ಹಾವು ವಿದ್ಯುತ್ ತಂತಿಗೆ ತಗುಲಿ ವಿದ್ಯುತ್ ಶಾರ್ಟ್ ಸರ್ಕ್ಯೂಟ್ ನಿಂದಾಗಿ ಕೇಂದ್ರ ಸ್ಥಗಿತಗೊಂಡಿದೆ. ವಿದ್ಯುತ್ ಪುನಃಸ್ಥಾಪಿಸಲು ಸಿಬ್ಬಂದಿ ಒಂದು ಗಂಟೆ ತೆಗೆದುಕೊಂಡರು. ಆದರೆ, ಬಿಸಿಲಿದ್ದರೂ ಮಧ್ಯಾಹ್ನದ ವೇಳೆಗೆ ವಿದ್ಯುತ್ ಪೂರೈಕೆ ಸ್ಥಗಿತಗೊಂಡಿದ್ದರಿಂದ ಆ ಭಾಗದ ಸುಮಾರು ಹತ್ತು ಸಾವಿರ ಮನೆಗಳ ನಿವಾಸಿಗಳು ತೊಂದರೆ ಅನುಭವಿಸಿದರು. ಕೆಲ ವರ್ತಕರು ಅಂಗಡಿ ಮುಂಗಟ್ಟು ಬಂದ್ ಮಾಡಿದರು.

Power supply to 10,000 homes stopped due to snake

Follow us On