ಮಹಿಳೆಯ ಜೀನ್ಸ್ ಜೇಬಿನಲ್ಲಿದ್ದ ಸ್ಮಾರ್ಟ್‌ಫೋನ್ ಸ್ಫೋಟ! ಇಲ್ಲಿದೆ ಸಿಸಿಟಿವಿ ದೃಶ್ಯ
Smartphone Explosion : ಬ್ರೆಜಿಲ್‌ನ ಶಾಪಿಂಗ್ ಮಾಲ್‌ನಲ್ಲಿ ನಡೆದ ಘಟನೆ, ಸ್ಮಾರ್ಟ್‌ಫೋನ್ ಸ್ಪೋಟಗೊಂಡು ಹೊತ್ತಿಕೊಂಡ ಬೆಂಕಿ, ಮಹಿಳೆಗೆ ತೀವ್ರ ಪೆಟ್ಟು.
- ಶಾಪಿಂಗ್ ವೇಳೆ ಮಹಿಳೆಯ ಜೀನ್ಸ್ ಜೇಬಿನಲ್ಲಿದ್ದ ಸ್ಮಾರ್ಟ್‌ಫೋನ್ ಸ್ಫೋಟ
- ಸಿಸಿಟಿವಿಯಲ್ಲಿ ಸೆರೆಯಾದ ದೃಶ್ಯ, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಮಹಿಳೆ
- ತಂತ್ರಜ್ಞಾನ ಬಳಕೆಯಲ್ಲಿ ಮುನ್ನೆಚ್ಚರಿಕೆ ಅಗತ್ಯ, ತಜ್ಞರಿಂದ ಸಲಹೆಗಳು
Smartphone Explosion : ಬ್ರೆಜಿಲ್‌ನ ಎನಾಪೊಲಿಸ್‌ನಲ್ಲಿ ಶಾಪಿಂಗ್ ಮಾಡುತ್ತಿದ್ದ ಮಹಿಳೆಯೊಬ್ಬಳಿಗೆ ಭಯಾನಕ ಅನುಭವ ಎದುರಾಗಿದೆ. ಜೀನ್ಸ್ ಹಿಂಭಾಗದ ಜೇಬಿನಲ್ಲಿ ಇರಿಸಿದ್ದ ಮೊಬೈಲ್ ಫೋನ್ (Smartphone) ಅಚಾನಕ್ ಸ್ಪೋಟಗೊಂಡು ಬೆಂಕಿ ಹೊತ್ತಿಕೊಂಡಿದೆ. ಸುತ್ತಮುತ್ತಲಿನ ಜನರು ಆಘಾತಗೊಂಡು ಕೂಡಲೇ ಮಹಿಳೆಯ ಸಹಾಯಕ್ಕೆ ಮುಂದಾದರು.
ಸಿಸಿಟಿವಿ ದೃಶ್ಯಗಳಲ್ಲಿ ಈ ಭೀಕರ ಘಟನೆ ಸ್ಪಷ್ಟವಾಗಿ ದಾಖಲಾಗಿದ್ದು, ಫೋನ್ ಬಳಕೆಯ ಸುರಕ್ಷತೆಯ ಕುರಿತು ದೊಡ್ಡ ಪ್ರಶ್ನೆ ಹುಟ್ಟಿಸಿದೆ.
ಈ ಘಟನೆಯ ನಂತರ, ಮಹಿಳೆಯನ್ನು ತಕ್ಷಣವೇ ಆಸ್ಪತ್ರೆಗೆ ಸೇರಿಸಲಾಗಿದೆ. ವೈದ್ಯಕೀಯ ವರದಿಗಳ ಪ್ರಕಾರ, ಆಕೆ ದ್ವಿತೀಯ ಹಾಗೂ ತೃತೀಯ ದರ್ಜೆಯ ಸುಟ್ಟಗಾಯಗಳಿಂದ ಬಳಲುತ್ತಿದ್ದಾರೆ. ಈ ಸ್ಪೋಟಕ್ಕೆ Motorola Moto E32 ಕಾರಣವೆಂದು ವರದಿಯಾಗಿದೆ. ಫೋನ್ ಸುಮಾರು ಒಂದು ವರ್ಷ ಹಳೆಯದಾಗಿದ್ದು, ಉಷ್ಣತೆ ಹೆಚ್ಚಾದ ಕಾರಣ ಆಕಸ್ಮಿಕವಾಗಿ ಸ್ಪೋಟಗೊಂಡಿದೆ ಎಂದು ಶಂಕೆ ವ್ಯಕ್ತವಾಗಿದೆ.
ಸೋಶಿಯಲ್ ಮೀಡಿಯಾದಲ್ಲಿ ವೈರಲ್‌
ಈ ಘಟನೆಗೆ ಸಂಬಂಧಿಸಿದ ವಿಡಿಯೋವನ್ನು ಟ್ವಿಟ್ಟರ್ ಬಳಕೆದಾರರು ಹಂಚಿಕೊಂಡಿದ್ದು, ಇದರ ಕುರಿತು ವಿವರಗಳನ್ನೂ ನೀಡಿದ್ದಾರೆ. “ಬ್ರೆಜಿಲ್‌ನ ಎನಾಪೊಲಿಸ್‌ನಲ್ಲಿ ಶನಿವಾರ, ಗ್ರಾಸರಿ ಶಾಪಿಂಗ್ ಮಾಡುವಾಗ ಮಹಿಳೆಯ ಬ್ಯಾಕ್ ಪಾಕೆಟ್‌ನಲ್ಲಿ ಇರಿಸಿದ್ದ ಸ್ಮಾರ್ಟ್‌ಫೋನ್ ಸ್ಪೋಟಗೊಂಡು ಬೆಂಕಿ ಹೊತ್ತಿಕೊಂಡಿದೆ. ತೀವ್ರ ಸುಟ್ಟಗಾಯಗಳ ಕಾರಣದಿಂದ ಆಕೆಯನ್ನು ತಕ್ಷಣವೇ ಆಸ್ಪತ್ರೆಗೆ ದಾಖಲಿಸಲಾಗಿದೆ,” ಎಂದು ಮಾಹಿತಿ ಹಂಚಿಕೊಳ್ಳಲಾಗಿದೆ.
ಈ ಸ್ಫೋಟ ಸಿಸಿಟಿವಿಯಲ್ಲಿಯೂ ಸೆರೆಯಾಗಿದೆ. ಮಹಿಳೆ ಶಾಪಿಂಗ್ ಮಾಡುವಾಗ, ಜೀನ್ಸ್ ಪ್ಯಾಂಟ್‌ನಲ್ಲಿದ್ದ ಫೋನ್ ಸ್ಫೋಟಗೊಳ್ಳುವುದನ್ನು ನೋಡಬಹುದು. ತಕ್ಷಣವೇ ಜನರು ಆಕೆಯ ಸಹಾಯಕ್ಕೆ ಬಂದಿದ್ದಾರೆ.
Cell phone explodes in back pocket of woman in Anápolis, Brazil, on Saturday as she shopped for groceries.
She was rushed to the hospital after suffering second and third-degree burns.
The phone was reportedly a Motorola Moto E32 that was less than a year old. pic.twitter.com/7YqVwElgZM
— Paul A. Szypula 🇺🇸 (@Bubblebathgirl) February 12, 2025
ಸ್ಮಾರ್ಟ್‌ಫೋನ್ ಸ್ಪೋಟಕ್ಕೆ ಕೆಲವೊಂದು ನಿರ್ದಿಷ್ಟ ಕಾರಣಗಳಿವೆ. ಸಾಮಾನ್ಯವಾಗಿ Lithium-ion ಬ್ಯಾಟರಿಗಳು ಈ ರೀತಿಯ ಘಟನೆಗಳಿಗೆ ಕಾರಣವಾಗುತ್ತವೆ. ಫೋನ್ ಹೆಚ್ಚು ಬಿಸಿಯಾದಾಗ, ಹಾನಿಗೊಳಗಾದ ಬ್ಯಾಟರಿ ಬಳಸಿದಾಗ ಅಥವಾ ಅಮಾನ್ಯಿತ ಚಾರ್ಜರ್ ಬಳಸಿದಾಗ ಇದರಿಂದ ಅಪಾಯ ಉಂಟಾಗಬಹುದು.
ತಜ್ಞರ ಸಲಹೆಯಂತೆ, ಫೋನ್ ಅನ್ನು ಹಿಂಭಾಗದ ಜೇಬಿನಲ್ಲಿ ಇರಿಸುವುದನ್ನು ತಪ್ಪಿಸಲು ಹಾಗೂ ಅಧಿಕ ತಾಪಮಾನದಲ್ಲಿ ಬಳಸುವುದನ್ನು ಕಡಿಮೆ ಮಾಡಲು ಸಲಹೆ ನೀಡಲಾಗಿದೆ. ಅಲ್ಲದೆ, ಅಧಿಕೃತ ಚಾರ್ಜರ್ ಬಳಸಿ, ಫೋನ್ ಯಾವುದೇ ರೀತಿಯ ಹಾನಿಗೆ ಒಳಗಾದರೆ ತಕ್ಷಣ ತಜ್ಞರನ್ನು ಸಂಪರ್ಕಿಸುವುದು ಉತ್ತಮ.
Smartphone Explosion Injures Woman
Our Whatsapp Channel is Live Now 👇
