Bengaluru AQI: ಬೆಂಗಳೂರು ಗಾಳಿಯಲ್ಲಿ ಸ್ವಲ್ಪ ರಿಲೀಫ್, ಕರಾವಳಿಯಲ್ಲಿ ಇನ್ನೂ ಕಳಪೆ ಎಚ್ಚರಿಕೆ!

• ಬೆಂಗಳೂರು ವಾಯು ಗುಣಮಟ್ಟ ಸುಧಾರಣೆ
• ಮಂಗಳೂರು–ಉಡುಪಿ ಏರ್ ಕ್ವಾಲಿಟಿ ಕುಸಿತ

ಬೆಂಗಳೂರು (Bengaluru AQI): ನಗರದ ಜನರಿಗೆ ಕಳೆದ ಕೆಲವು ದಿನಗಳಿಂದ ಕಾಡುತ್ತಿದ್ದ ಗಾಳಿ ಮಾಲಿನ್ಯ ಈಗ ಸ್ವಲ್ಪ ಮಟ್ಟಿಗೆ ತಗ್ಗಿದಂತಿದೆ. ಬೆಂಗಳೂರಿನ ವಾಯು ಗುಣಮಟ್ಟ ಸೂಚ್ಯಂಕದಲ್ಲಿ (Bengaluru Air Quality) ಇತ್ತೀಚೆಗೆ ಸುಧಾರಣೆ ಕಂಡುಬಂದಿದ್ದು, ಇಂದು AQI 127 ದಾಖಲಾಗಿದೆ.

ಆದರೆ ಈ ಮಟ್ಟವೂ ಆರೋಗ್ಯದ ದೃಷ್ಟಿಯಿಂದ ಸುರಕ್ಷಿತ ಎನ್ನಲು ಸಾಧ್ಯವಿಲ್ಲ. ವಿಶ್ವ ಆರೋಗ್ಯ ಸಂಸ್ಥೆಯ ಮಾನದಂಡಗಳ ಪ್ರಕಾರ ಇದು ಇನ್ನೂ ಕಳಪೆ ವರ್ಗದಲ್ಲೇ ಬರುತ್ತದೆ.

ಇನ್ನೊಂದೆಡೆ ಕರಾವಳಿ ಭಾಗಗಳಲ್ಲಿ ಪರಿಸ್ಥಿತಿ ಆತಂಕಕಾರಿ ರೂಪ ಪಡೆದುಕೊಂಡಿದೆ. ಮಂಗಳೂರು ಮತ್ತು ಉಡುಪಿಯಲ್ಲಿ ಗಾಳಿ ಗುಣಮಟ್ಟ ನಿರಂತರವಾಗಿ ಹದಗೆಡುತ್ತಿದ್ದು, ಇಂದು ಕ್ರಮವಾಗಿ 173 ಮತ್ತು 172 AQI ದಾಖಲಾಗಿದೆ.

ಕಳೆದ ವಾರದ ಹೋಲಿಕೆಗೆ ಈ ಏರಿಕೆ ಹೆಚ್ಚು ಎಂಬುದು ತಜ್ಞರ ಅಭಿಪ್ರಾಯ. ಇದೇ ರೀತಿ ಮುಂದುವರೆದರೆ ದೊಡ್ಡ ನಗರಗಳಂತೆ ಪರಿಸ್ಥಿತಿ ಗಂಭೀರವಾಗಬಹುದು ಎಂದು ಎಚ್ಚರಿಕೆ ನೀಡಿದ್ದಾರೆ.

ಕರ್ನಾಟಕ ರಾಜ್ಯದ ಪ್ರಮುಖ ನಗರಗಳ ಇಂದಿನ AQI ವಿವರ

1. ಬೆಂಗಳೂರು – 127
2. ಮಂಗಳೂರು – 173
3. ಮೈಸೂರು – 154
4. ಬೆಳಗಾವಿ – 166
5. ಕಲಬುರ್ಗಿ – 153
6. ಶಿವಮೊಗ್ಗ – 156
7. ಬಳ್ಳಾರಿ – 155
8. ಹುಬ್ಬಳ್ಳಿ – 151
9. ಉಡುಪಿ – 172
10. ವಿಜಯಪುರ – 150

ಗಾಳಿ ಗುಣಮಟ್ಟ ವರ್ಗೀಕರಣ ಹೇಗೆ?

1. ಉತ್ತಮ – 0-50
2. ಮಧ್ಯಮ – 50-100
3. ಕಳಪೆ – 100-150
4. ಅನಾರೋಗ್ಯಕರ – 150-200
5. ಗಂಭೀರ – 200-300
6. ಅಪಾಯಕಾರಿ – 300+

ವೈದ್ಯರು ಮತ್ತು ಪರಿಸರ ತಜ್ಞರ ಸಲಹೆ ಪ್ರಕಾರ ಮಕ್ಕಳು, ವೃದ್ಧರು ಮತ್ತು ಶ್ವಾಸಕೋಶ ಸಂಬಂಧಿ ಸಮಸ್ಯೆ ಇರುವವರು ಹೊರಗೆ ಹೆಚ್ಚು ಸಮಯ ಕಳೆಯಬಾರದು. ಮಾಸ್ಕ್ ಬಳಕೆ, ಮನೆಯೊಳಗಿನ ಗಾಳಿಯ ಸ್ವಚ್ಛತೆ ಮತ್ತು ಬೆಳಗಿನ ವ್ಯಾಯಾಮವನ್ನು ಕಡಿಮೆ ಮಾಡುವಂತೆ ಸೂಚಿಸಲಾಗಿದೆ. ಗಾಳಿಯ ಗುಣಮಟ್ಟದ ಮೇಲೆ ಕಣ್ಣಿಟ್ಟಿರುವುದು ಇಂದಿನ ಅಗತ್ಯವಾಗಿದೆ.