Bengaluru: ಬೆಂಗಳೂರು ಹೊರವಲಯದ ಅತ್ತಿಬೆಲೆ, ಆನೇಕಲ್ ಭಾಗಗಳಲ್ಲಿ ವಿದ್ಯುತ್ ಕಡಿತ, 12 ಗಂಟೆಗಳ ಪವರ್ ಶಟ್‌ಡೌನ್
Bengaluru Power Cut: ಬೆಂಗಳೂರು ಹೊರವಲಯದ ಅತ್ತಿಬೆಲೆ, ಆನೇಕಲ್ ಭಾಗಗಳಲ್ಲಿ ಇಂದು ಬೆಳಗ್ಗೆ 6ರಿಂದ ಸಂಜೆ 6ರವರೆಗೆ ಬೆಸ್ಕಾಂ ನಿರ್ವಹಣಾ ಕಾಮಗಾರಿಯಿಂದ ದೀರ್ಘಾವಧಿ ವಿದ್ಯುತ್ ಕಡಿತ ಎದುರಾಗಲಿದೆ.
- ಇಂದು 12 ಗಂಟೆಗಳ ಪವರ್ ಶಟ್‌ಡೌನ್
- ಟ್ರಾನ್ಸ್‌ಮಿಷನ್ ಮತ್ತು ಸಬ್‌ಸ್ಟೇಷನ್ ದುರಸ್ತಿ
- ಅತ್ತಿಬೆಲೆ, ಆನೇಕಲ್ ಸುತ್ತಮುತ್ತ ವಿದ್ಯುತ್ ಕಡಿತ
ಬೆಂಗಳೂರು (Bengaluru): ಬೆಂಗಳೂರು ಹೊರವಲಯದ ನಿವಾಸಿಗಳಿಗೆ ಇಂದು ವಿದ್ಯುತ್ ವ್ಯತ್ಯಯ (Power Cut) ಎದುರಾಗುವ ಸಾಧ್ಯತೆ ಇದೆ. ಬೆಸ್ಕಾಂ ಪ್ರಕಟಿಸಿರುವ ಮಾಹಿತಿಯಂತೆ, ಜನವರಿ 18ರಂದು ಬೆಳಗ್ಗೆ 6ರಿಂದ ಸಂಜೆ 6ರವರೆಗೆ ಆಯ್ದ ಪ್ರದೇಶಗಳಲ್ಲಿ ವಿದ್ಯುತ್ ಪೂರೈಕೆ ಸ್ಥಗಿತಗೊಳ್ಳಲಿದೆ.
ಈ ಪವರ್ ಕಟ್‌ಗೆ ಕಾರಣವಾಗಿ ಟ್ರಾನ್ಸ್‌ಮಿಷನ್ ಲೈನ್ ಹಾಗೂ 66/11 ಕೆವಿ ಸಬ್‌ಸ್ಟೇಷನ್‌ಗಳಲ್ಲಿ ನಡೆಯುತ್ತಿರುವ ನಿರ್ವಹಣೆ ಮತ್ತು ಅಪ್‌ಗ್ರೇಡ್ ಕಾಮಗಾರಿಯನ್ನು ಬೆಸ್ಕಾಂ ಉಲ್ಲೇಖಿಸಿದೆ. ಮುಂದಿನ ದಿನಗಳಲ್ಲಿ ತಾಂತ್ರಿಕ ದೋಷಗಳು ಉಂಟಾಗದಂತೆ ಮುನ್ನೆಚ್ಚರಿಕೆ ಕ್ರಮವಾಗಿ ಈ ಕೆಲಸ ಕೈಗೊಳ್ಳಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ವಿದ್ಯುತ್ ಕಡಿತದಿಂದ ಮನೆಗಳಿಗೆ ಮಾತ್ರವಲ್ಲದೆ, ಕೈಗಾರಿಕಾ ಘಟಕಗಳು, ಸಣ್ಣ ಉದ್ಯಮಗಳು ಹಾಗೂ ವರ್ಕ್ ಫ್ರಂ ಹೋಮ್ ನೌಕರರಿಗೆ ಅಡಚಣೆ ಉಂಟಾಗುವ ಸಾಧ್ಯತೆ ಇದೆ. ಕೆಲ ಲೇಔಟ್‌ಗಳಲ್ಲಿ ನೀರಿನ ಪೂರೈಕೆಯೂ ವ್ಯತ್ಯಯಗೊಳ್ಳಬಹುದು. ಮೊಬೈಲ್, ಲ್ಯಾಪ್‌ಟಾಪ್ ಸೇರಿದಂತೆ ಅಗತ್ಯ ಎಲೆಕ್ಟ್ರಾನಿಕ್ ಸಾಧನಗಳನ್ನು ಮುಂಚಿತವಾಗಿ ಚಾರ್ಜ್ ಮಾಡಿಕೊಳ್ಳುವಂತೆ ಸಲಹೆ ನೀಡಲಾಗಿದೆ.
ವಿದ್ಯುತ್ ಕಡಿತಕ್ಕೆ ಒಳಪಡುವ ಪ್ರದೇಶಗಳು
66/11 ಕೆವಿ ಅತ್ತಿಬೆಲೆ ಸಬ್‌ಸ್ಟೇಷನ್ ವ್ಯಾಪ್ತಿ:
ಯಾದವನಹಳ್ಳಿ, ಇಚ್ಚಂಗೂರು, ವಡ್ಡರಪಾಳ್ಯ, ಅತ್ತಿಬೆಲೆ ಕೈಗಾರಿಕಾ ಪ್ರದೇಶ, ಬಾಳಗಾರನಹಳ್ಳಿ, ಮಂಚನಹಳ್ಳಿ, ಅತ್ತಿಬೆಲೆ ಟೌನ್, ಮಾಯಸಂದ್ರ, ದಾಸನಪುರ, ಬಳ್ಳೂರು, ಕಂಬಳಿಪುರ, ಚಿಕ್ಕನಹಳ್ಳಿ, ಇಂಡ್ಲಬೆಲೆ, ಹರೋಹಳ್ಳಿ ಹಾಗೂ ಸುತ್ತಮುತ್ತಲ ಪ್ರದೇಶಗಳು.
66/11 ಕೆವಿ ಸಮಂದೂರು ಸಬ್‌ಸ್ಟೇಷನ್ ವ್ಯಾಪ್ತಿ:
ಸಮಂದೂರು ಮತ್ತು ಸಮೀಪದ ಪ್ರದೇಶಗಳು.
66/11 ಕೆವಿ ಆನೆಕಲ್ ಸಬ್‌ಸ್ಟೇಷನ್ ವ್ಯಾಪ್ತಿ: ರಚನಮ್ನಹಳ್ಳಿ, ಗುಡ್ಡನಹಳ್ಳಿ, ಅರಾವಂತಿಗೇಪುರ, ಪಿ. ಗೋಳ್ಳಹಳ್ಳಿ, ತೆಲಗಾರಹಳ್ಳಿ, ವಾಣಕನಹಳ್ಳಿ ಭಾಗಗಳು.
ಬೆಸ್ಕಾಂ ಮನವಿ
ಈ ತಾತ್ಕಾಲಿಕ ಅಸೌಕರ್ಯಕ್ಕೆ ಸಾರ್ವಜನಿಕರು ಸಹಕರಿಸುವಂತೆ ಬೆಸ್ಕಾಂ ಮನವಿ ಮಾಡಿದ್ದು, ಈ ಕಾಮಗಾರಿ ಪೂರ್ಣಗೊಂಡ ನಂತರ ವಿದ್ಯುತ್ ಪೂರೈಕೆ ಮತ್ತಷ್ಟು ಸ್ಥಿರವಾಗಲಿದೆ ಎಂದು ಭರವಸೆ ನೀಡಿದೆ.
