ಹಕ್ಕಿಜ್ವರ ಭೀತಿ, ಕೋಳಿಮಾಂಸ ಮಾರಾಟ ಭಾರೀ ಕುಸಿತ! ಬೆಲೆ ಎಷ್ಟಾಗಿದೆ ಗೊತ್ತಾ

• ಕೋಳಿ ಮಾರುಕಟ್ಟೆಯಲ್ಲಿ ಭಾರೀ ಕುಸಿತ, ದರ ತಗ್ಗುವ ಲಕ್ಷಣ
• ಧಾರವಾಡ ಜಿಲ್ಲೆಯಲ್ಲಿ (Bird Flu) ಪ್ರಕರಣ ಇಲ್ಲ, ಮುಂಜಾಗ್ರತಾ ಕ್ರಮ ಜೋರಾಗಿದೆ
• 16 (Quick Response Teams) ರಚನೆ, ಕೋಳಿ ಫಾರಂಗಳ ಮೇಲೆ ಕಟ್ಟು ನಿಟ್ಟಿನ ಪರಿಶೀಲನೆ

ಬೆಂಗಳೂರು (Bengaluru): ಬಳ್ಳಾರಿ ಜಿಲ್ಲೆಯಲ್ಲಿ ಹಕ್ಕಿಜ್ವರ (Bird Flu) ದೃಢಪಟ್ಟ ಹಿನ್ನಲೆಯಲ್ಲಿ, ಹಕ್ಕಿಜ್ವರದ ಭೀತಿ ಧಾರವಾಡದ (Poultry Market) ಮೇಲೆ ಹೊಡೆತ ನೀಡಿದೆ. ಜಿಲ್ಲೆಯಲ್ಲಿ ಇದುವರೆಗೆ ಯಾವುದೇ ಪ್ರಕರಣ ದಾಖಲಾಗಿಲ್ಲ, ಆದರೆ ಜನರು ಆತಂಕದಿಂದ ಕೋಳಿಮಾಂಸ ಮತ್ತು ಮೊಟ್ಟೆ ಸೇವನೆ ತಾತ್ಕಾಲಿಕವಾಗಿ ತ್ಯಜಿಸಿದ್ದಾರೆ. ಇದರ ಪರಿಣಾಮ, ಕೋಳಿಮಾಂಸದ ಮಾರಾಟ ಶೇ 30ರಷ್ಟು ಕುಸಿತ ಕಂಡಿದ್ದು, ದರವು ಸಹ ಕಡಿಮೆಯಾಗಿದೆ.

ಕೇವಲ ನಾಲ್ಕು ದಿನಗಳಲ್ಲೇ ಮಾರುಕಟ್ಟೆಯಲ್ಲಿ ಭಾರೀ ಬದಲಾವಣೆ ಆಗಿದ್ದು, ಮುಂಚೆ ₹220-₹240 ಬೆಲೆಯಲ್ಲಿ ಮಾರಾಟವಾಗುತ್ತಿದ್ದ ಕೋಳಿಮಾಂಸ, ಈಗ ₹170-₹180 ಗೆ ಕುಸಿದಿದೆ. ಹೋಲ್‌ಸೆಲ್ ದರ ಕೂಡ ₹140 ರಿಂದ ನೇರವಾಗಿ ₹60 ಕ್ಕೆ ಬಿದ್ದಿದೆ!

ಇದನ್ನೂ ಓದಿ: ಬೆಂಗಳೂರು ಬಡಾವಣೆಯಲ್ಲಿ ಸರ್ಕಾರದಿಂದ ಕಡಿಮೆ ಬೆಲೆಗೆ ಸೈಟುಗಳ ಹರಾಜು

ಈ ಮಧ್ಯೆ, ಜಿಲ್ಲೆಯಲ್ಲಿ ಮಾರಾಟವಾಗುವ ಶೇ 60% ಕೋಳಿಗಳು ಬೆಳಗಾವಿ ಹಾಗೂ ಮಹಾರಾಷ್ಟ್ರದಿಂದ ಬರುತ್ತಿದ್ದು, ವಹಿವಾಟಿನ ಮೇಲೆ ನೇರ ಪರಿಣಾಮ ಬಿದ್ದಿದೆ.

ಹಕ್ಕಿಜ್ವರದ ಭೀತಿ, ಮಾರುಕಟ್ಟೆ ಮೇಲೆ ಎಫೆಕ್ಟ್

ಬಳ್ಳಾರಿ ಮತ್ತು ಪಕ್ಕದ ರಾಜ್ಯಗಳಾದ ಆಂಧ್ರ, ತೆಲಂಗಾಣದಲ್ಲಿ ಹಕ್ಕಿಜ್ವರ ಪತ್ತೆಯಾದ ಹಿನ್ನೆಲೆ ಸಾವಿರಾರು ಕೋಳಿಗಳನ್ನು ನಾಶ ಮಾಡಲಾಗಿದೆ. ಈ ಸುದ್ದಿಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ವ್ಯಾಪಕವಾಗಿ ಹರಿದಾಡಿದ ಕಾರಣ, ಜನರು ಕೋಳಿಮಾಂಸದ ಸೇವನೆ (Chicken) ಕಡಿಮೆ ಮಾಡಿದ್ದಾರೆ. ಇದರಿಂದಾಗಿ ಧಾರವಾಡದ (Chicken Business) ನಲುಗಿದ್ದು, ಮಾರಾಟ ಭಾರೀ ಪ್ರಮಾಣದಲ್ಲಿ ಕುಸಿದಿದೆ.

ಇದನ್ನೂ ಓದಿ: ಕರ್ನಾಟಕ ಯೆಲ್ಲೋ ಬೋರ್ಡ್ ವಾಹನಗಳಿಗೆ ಗುಡ್ ನ್ಯೂಸ್! ಪರ್ಮಿಟ್ ಈಗ ಸೆಕೆಂಡುಗಳಲ್ಲಿ

ಕೋಳಿ ಫಾರಂಗೆ ಬಿಗಿ ನಿಯಂತ್ರಣ:

ಹಕ್ಕಿಜ್ವರ ಹರಡುವ ಸಾಧ್ಯತೆ ತಡೆಗಟ್ಟಲು, ಪಶುವೈದ್ಯಕೀಯ ಇಲಾಖೆ 16 ತಂಡ (Quick Response Teams) ರಚಿಸಿದೆ. ಈ ತಂಡಗಳು ಪ್ರತಿದಿನ ಕೋಳಿ ಫಾರಂಗಳಿಗೆ (Poultry Farm) ಭೇಟಿ ನೀಡಿ ಸುರಕ್ಷತಾ ಕ್ರಮಗಳ ಜಾರಿ ಪರಿಶೀಲಿಸುತ್ತಿವೆ. ಹಕ್ಕಿಜ್ವರದ ಲಕ್ಷಣಗಳು ಕಂಡುಬಂದರೆ ತಕ್ಷಣ ಜಿಲ್ಲಾ ಆಡಳಿತಕ್ಕೆ ಮಾಹಿತಿ ನೀಡಲು ಸೂಚನೆ ನೀಡಲಾಗಿದೆ.

ಇದನ್ನೂ ಓದಿ: ಕರ್ನಾಟಕ ಕಾರ್ಮಿಕರಿಗೆ ಭರ್ಜರಿ ಸುದ್ದಿ, 60,000 ಸಹಾಯಧನ! ಅರ್ಜಿ ಸಲ್ಲಿಸಿ

ಸೋಂಕು ಹರಡದಂತೆ ತಡೆಗಟ್ಟಲು, 1 ಕಿ.ಮೀ ವ್ಯಾಪ್ತಿಯಲ್ಲಿರುವ ಎಲ್ಲಾ ಕೋಳಿಗಳನ್ನು ನಾಶ ಮಾಡುವ ಕಠಿಣ ನಿಯಮ ಜಾರಿಗೆ ತರಲಾಗಿದೆ.

ಸದ್ಯ, ಜನರು ಕೋಳಿಮಾಂಸದ ಸೇವನೆ ಬಗ್ಗೆ ಎಚ್ಚರಿಕೆ ವಹಿಸಿದ್ದು, ಮುಂದಿನ ದಿನಗಳಲ್ಲಿ ಮಾರುಕಟ್ಟೆಯ ಸ್ಥಿತಿಗತಿ ಹೇಗಿರುತ್ತದೆ ಎಂಬುದನ್ನು ಕಾದು ನೋಡಬೇಕಾಗಿದೆ.

Bird Flu Fear Hits Dharwad, Chicken Prices Drop Drastically