ಬೆಂಗಳೂರು ಆಚಾರ್ಯ ಕಾಲೇಜಿಗೆ ಬಾಂಬ್ ಬೆದರಿಕೆ

• ಆಚಾರ್ಯ ಕಾಲೇಜಿನ ಇ-ಮೇಲ್‌ಗೆ ಬಾಂಬ್ ಬೆದರಿಕೆ ಸಂದೇಶ
• ಪ್ರಾಂಶುಪಾಲರನ್ನು ಕತ್ತರಿಸಿ ಫ್ರಿಡ್ಜ್‌ನಲ್ಲಿ ಇಡುವ ಬೆದರಿಕೆ
• ಪೊಲೀಸರು ಎಫ್‌ಐಆರ್ ದಾಖಲಿಸಿ ತನಿಖೆ ಮುಂದುವರೆಸಿದ್ದಾರೆ

ಬೆಂಗಳೂರು (Bengaluru) : ಈಚೆಗೆ ಭಾರತದೆಲ್ಲೆಡೆ ಬಾಂಬ್ (bomb threat) ಬೆದರಿಕೆಗಳ ಸಂಖ್ಯೆ ಹೆಚ್ಚಾಗುತ್ತಿರುವ ಬೆನ್ನಲ್ಲೇ, ಬೆಂಗಳೂರು ನಗರದ ಪ್ರಸಿದ್ಧ ಆಚಾರ್ಯ ಶಿಕ್ಷಣ ಸಂಸ್ಥೆಗೆ (Acharya College) ಇದೇ ರೀತಿಯ ಬೆದರಿಕೆ ಸಂದೇಶ (threat mail) ಬಂದಿದೆ.

ಇ-ಮೇಲ್ ಮೂಲಕ ಬಂದ ಈ ಸಂದೇಶದಲ್ಲಿ ಕೇವಲ ಬಾಂಬ್ ಇಟ್ಟು ಆಕ್ರಮಣ ಮಾಡುವದಷ್ಟೇ ಅಲ್ಲ, ಕಾಲೇಜಿನ ಪ್ರಾಂಶುಪಾಲರನ್ನು ಕತ್ತರಿಸಿ ಫ್ರಿಡ್ಜ್‌ನಲ್ಲಿಡುವುದಾಗಿ ತೀವ್ರವಾಗಿ ಬೆದರಿಸಲಾಗಿದೆ.

ಈ ಬೆದರಿಕೆ ಮೆಸೇಜ್ ಮೊದಲು ಆಚಾರ್ಯ ಕಾಲೇಜಿನ ಅಧಿಕೃತ ಇ-ಮೇಲ್ ಪರಿಶೀಲನೆಯಾಗುತ್ತಿದ್ದ ವೇಳೆ ಕಂಡುಬಂದಿದ್ದು, ತಕ್ಷಣವೇ ಆಡಳಿತ ಮಂಡಳಿ ಸೋಲದೇವನಹಳ್ಳಿ ಪೊಲೀಸ್ ಠಾಣೆಗೆ ದೂರು ನೀಡಿದೆ. ಸಂಬಂಧಿತ ಅಧಿಕಾರಿಗಳು ಕೂಡಲೇ ಎನ್‌ಸಿಆರ್ ದಾಖಲಿಸಿ, ನಂತರ ನ್ಯಾಯಾಲಯದ ಅನುಮತಿ ಪಡೆದ ನಂತರ ಎಫ್‌ಐಆರ್ ದಾಖಲಿಸಿದ್ದಾರೆ.

ಇದಕ್ಕೂ ಮೊದಲು, ವಾರಣಾಸಿಯಿಂದ ಬೆಂಗಳೂರಿಗೆ ಬರುತ್ತಿದ್ದ ಇಂಡಿಗೋ ವಿಮಾನದಲ್ಲಿ (Indigo Flight) ಬಾಂಬ್ ಇಟ್ಟಿರುವುದಾಗಿ ಹುಸಿ ಮಾಹಿತಿ ನೀಡಿದ ಪ್ರಕರಣವೂ ಕೂಡ ಜರುಗಿತ್ತು. ಈ ಬೆದರಿಕೆಯ ಬೆನ್ನಲ್ಲೇ ಈಗ ಕಾಲೇಜಿಗೆ ಬಾಂಬ್ ಬೆದರಿಕೆ ಬಂದಿರುವುದು ಆತಂಕ ಸೃಷ್ಟಿಸಿದೆ.

ವಾರಣಾಸಿಯಲ್ಲಿ ಕೆನಡಾದ ಪ್ರಜೆ ನಿಶಾಂತ್ ಯೋಹಾಂತನ್ ಎಂಬವರು ತಮ್ಮ ಬ್ಯಾಗ್‌ನಲ್ಲಿ ಬಾಂಬ್ ಇದೆ ಎಂದು ಕೂಗಿದ್ದ ಪರಿಣಾಮ, ವಿಮಾನವನ್ನು ತುರ್ತು ಇಳಿಸಬೇಕಾಯಿತು. ನಂತರದ ಪರಿಶೀಲನೆ ವೇಳೆ ಅದು ಹುಸಿ ಬೆದರಿಕೆ ಎಂದು ದೃಢಪಟ್ಟರೂ, ಪ್ರಯಾಣದ ಸಮಯ ವ್ಯರ್ಥವಾಗಿತ್ತು.

ಇದೇ ಮಾದರಿಯ ಇನ್ನೊಂದು ಘಟನೆ ಕೇರಳದಲ್ಲಿ ಕೂಡಾ ನಡೆದಿದೆ. ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರ ಕಚೇರಿ ಹಾಗೂ ನಿವಾಸಕ್ಕೆ ಇ-ಮೇಲ್ ಮೂಲಕ ಬಾಂಬ್ ಬೆದರಿಕೆ ಬಂದಿದೆ. ಜೊತೆಗೆ ಕೊಚ್ಚಿಯ ವಿಮಾನ ನಿಲ್ದಾಣಕ್ಕೂ ಇದೇ ಮಾದರಿಯ ಇ-ಮೇಲ್ ಬೆದರಿಕೆ ಬಂದಿರುವ ಮಾಹಿತಿ ದೊರೆತಿದೆ.

ಇವುಗಳಲ್ಲಿ ಹೆಚ್ಚಿನವು (fake threats) ಆಗಿದ್ದು, ಸರ್ಕಾರ ಹಾಗೂ ಪೊಲೀಸ್ ಇಲಾಖೆಗೆ ತಲೆಬಿಸಿ ಮಾಡಿ, ತಪಾಸಣೆಗೆ ಕಾರಣವಾಗುತ್ತಿದೆ.

ಇಂತಹ ಬೆದರಿಕೆಗಳು ಶಾಲೆ, ಕಾಲೇಜು, ವಿಮಾನ ನಿಲ್ದಾಣಗಳಿಗೆ ಸೀಮಿತವಾಗಿದ್ದು, ಸಾರ್ವಜನಿಕರಲ್ಲಿ ಆತಂಕ ಹಾಗೂ ಗೊಂದಲ ಸೃಷ್ಟಿಸುತ್ತಿವೆ. ಹೆಚ್ಚುತ್ತಿರುವ ಇ-ಮೇಲ್ (email threats) ದಾಳಿಗಳ ವಿರುದ್ಧ ಸರ್ಕಾರ ಗಂಭೀರವಾಗಿ ಕ್ರಮ ಕೈಗೊಳ್ಳಬೇಕಾಗಿದೆ ಎಂಬ ಒತ್ತಾಯ ಜನರಿಂದ ವ್ಯಕ್ತವಾಗುತ್ತಿದೆ.

Bomb Threat to Acharya College in Bengaluru