ಬೆಂಗಳೂರು: ರಾತ್ರಿ ಕಣ್ಣು ಕಾಣದ ಕಳ್ಳನಿಂದ ಹಗಲು ಕಳ್ಳತನ, ಚಿನ್ನ ಕರಗಿಸಿ ಮಾರಾಟ

ಬೆಂಗಳೂರು ಜೆಪಿ ನಗರ ವ್ಯಾಪ್ತಿಯಲ್ಲಿ ಹಗಲು ಸಮಯದಲ್ಲಿ ಬೀಗ ಹಾಕಿದ ಮನೆಗಳನ್ನು ಗುರಿಯಾಗಿಸಿ ಕಳ್ಳತನ ನಡೆಸುತ್ತಿದ್ದ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದು ಚಿನ್ನಾಭರಣ ಕರಗಿಸಿ ಮಾರಾಟ ಮಾಡಿದ ಜಾಲ ಬಯಲಾಗಿದೆ

Author : Satish Raj GoravigereDate : 25-12-2025 - 1:24 IST

ಬೆಂಗಳೂರು: ರಾತ್ರಿ ಕಣ್ಣು ಕಾಣದ ಕಳ್ಳನಿಂದ ಹಗಲು ಕಳ್ಳತನ, ಚಿನ್ನ ಕರಗಿಸಿ ಮಾರಾಟ — Bengaluru Theft Case

ಜೆಪಿ ನಗರದಲ್ಲಿ ಹಗಲು ಕಳ್ಳತನ ಮಾಡಿದ ಆರೋಪಿ ಬಂಧನ
ಮನೆಯಲ್ಲೇ ಚಿನ್ನ ಕರಗಿಸಿ ಬಿಸ್ಕೆಟ್ ರೂಪದಲ್ಲಿ ಮಾರಾಟ
65 ಲಕ್ಷಕ್ಕೂ ಅಧಿಕ ಮೌಲ್ಯದ ಚಿನ್ನಾಭರಣ ಜಪ್ತಿ

ಬೆಂಗಳೂರು (Bengaluru): ರಾತ್ರಿ ಕಣ್ಣು ಕಾಣದ ಕಾರಣ ಹಗಲು ವೇಳೆಯಲ್ಲೇ ಕಳ್ಳತನ (Daytime Theft) ನಡೆಸುತ್ತಿದ್ದ ಕಳ್ಳನೊಬ್ಬನನ್ನು ಜೆಪಿ ನಗರ ಠಾಣೆ ಪೊಲೀಸರು ಬಂಧಿಸಿದ್ದಾರೆ. ಬೀಗ ಹಾಕಿದ ಮನೆಗಳನ್ನು ಗುರುತಿಸಿ ಒಳನುಗ್ಗಿ ಚಿನ್ನಾಭರಣ ಕಳವು ಮಾಡಿ, ಅದನ್ನೇ ತನ್ನ ಮನೆಯಲ್ಲೇ ಕರಗಿಸಿ (Gold Melting) ಮಾರಾಟ ಮಾಡುತ್ತಿದ್ದ ಅಪರೂಪದ ವಿಧಾನ ಇದೀಗ ಬಯಲಾಗಿದೆ.

ಬಂಧಿತ ಆರೋಪಿ ಆಂಧ್ರಪ್ರದೇಶ ಮೂಲದ ಮೆಹಬೂಬ್‌ಖಾನ್ ಪಠಾಣ್ (36). ಈತನಿಂದ 478 ಗ್ರಾಂ ಚಿನ್ನಾಭರಣ, 1.5 ಕೆ.ಜಿ. ಬೆಳ್ಳಿ ವಸ್ತುಗಳು, 4.6 ಲಕ್ಷ ರೂ. ನಗದು ಹಾಗೂ ಒಂದು ಬೈಕ್ ವಶಕ್ಕೆ ಪಡೆಯಲಾಗಿದೆ. ಒಟ್ಟು ಜಪ್ತಿ ಮೌಲ್ಯ ಸುಮಾರು 65.28 ಲಕ್ಷ ರೂ. ಎಂದು ಪೊಲೀಸರು ತಿಳಿಸಿದ್ದಾರೆ.

ಕಳ್ಳತನದ ಪ್ಲಾನ್ ಹೇಗಿತ್ತು?:

ಜೆಪಿ ನಗರದ 20ನೇ ಮುಖ್ಯರಸ್ತೆಯಲ್ಲಿರುವ ಕಿರುತೆರೆ ನಟನ ಮನೆಗೆ ಸಂಬಂಧಿಸಿದಂತೆ ಪ್ರಕರಣ ಬೆಳಕಿಗೆ ಬಂದಿದೆ. ಮನೆಯವರು ಹೊರಗಿದ್ದ ಸಮಯವನ್ನು ಗಮನಿಸಿದ ಆರೋಪಿ, ಬೀಗ ಹಾಕಿದ ಮನೆಗೆ ನುಗ್ಗಿ ಬೀರುವಿನಲ್ಲಿದ್ದ ಚಿನ್ನದ ಸರ, ನಾಲ್ಕು ಉಂಗುರಗಳು ಹಾಗೂ ಕಿವಿಯೊಲೆ ಕಳವು ಮಾಡಿದ್ದ.

ಮನೆಯಲ್ಲೇ ಕರಗಿಸಿ ಮಾರಾಟ:

ಆರೋಪಿ ಹಲವು ವರ್ಷಗಳಿಂದ ಕಳ್ಳತನವನ್ನೇ ವೃತ್ತಿಯಾಗಿಸಿಕೊಂಡಿದ್ದು, ತನ್ನ ಮನೆಯಲ್ಲೇ ಚಿನ್ನ ಕರಗಿಸುವ ಯಂತ್ರ ಇಟ್ಟುಕೊಂಡಿದ್ದ. ಕಳವು ಮಾಡಿದ ಆಭರಣಗಳನ್ನು ಕರಗಿಸಿ ಚಿನ್ನದ ಬಿಸ್ಕೆಟ್ ರೂಪದಲ್ಲಿ ಜ್ಯೂವೆಲ್ಲರಿ ಅಂಗಡಿಗಳಿಗೆ ಮಾರಾಟ ಮಾಡುತ್ತಿದ್ದ. ಇತ್ತೀಚೆಗೆ ಕದ್ದ ಚಿನ್ನವನ್ನು ಚನ್ನರಾಯಪಟ್ಟಣದ ಜ್ಯೂವೆಲ್ಲರಿ ವರ್ಕ್‌ಶಾಪ್‌ಗೆ ನೀಡಿದ್ದಾನೆ ಎಂಬುದು ತನಿಖೆಯಲ್ಲಿ ಗೊತ್ತಾಗಿದೆ.

ದೀರ್ಘ ಅಪರಾಧ ಇತಿಹಾಸ:

ಆರೋಪಿಯ ವಿರುದ್ಧ ಕರ್ನಾಟಕ, ಆಂಧ್ರಪ್ರದೇಶ ಹಾಗೂ ತಮಿಳುನಾಡಿನ ವಿವಿಧ ಠಾಣೆಗಳಲ್ಲಿ 32 ಪ್ರಕರಣಗಳು ದಾಖಲಾಗಿವೆ. ಜಯನಗರ ಉಪವಿಭಾಗದ ಎಸಿಪಿ ಶ್ರೀನಿವಾಸ್, ಜೆಪಿ ನಗರ ಠಾಣಾಧಿಕಾರಿ ವಿ. ಹರೀಶ್ ನೇತೃತ್ವದ ತಂಡ ಈ ಕಾರ್ಯಾಚರಣೆ ನಡೆಸಿದೆ.

TRENDING ARTICLES1 / 8