ಗ್ರಾಮ ಪಂಚಾಯತಿಗಳಲ್ಲಿ ಇನ್ಮುಂದೆ ಇ-ಖಾತೆ ಕಡ್ಡಾಯ ಘೋಷಣೆ! ಬಿಗ್ ಅಪ್ಡೇಟ್

• ಇ-ಖಾತೆ ಜುಲೈ 15ರಿಂದ ಕಡ್ಡಾಯ
• ಖಾಸಗಿ ಬಡಾವಣೆಗಳಿಗೆ ಖರೀದಿ ದಾಖಲೆ ಇದ್ದರೆ ಮಾತ್ರ B-ಖಾತೆ

ಬೆಂಗಳೂರು (Bengaluru): ಗ್ರಾಮ ಪಂಚಾಯತ್ ಮಟ್ಟದಲ್ಲಿ ಭೂಮಿ ದಾಖಲಾತಿಗಳ ಶುದ್ಧೀಕರಣ ಮತ್ತು ಪಾರದರ್ಶಕತೆಗಾಗಿ ಇ-ಖಾತೆ (e-khata) ಪದ್ಧತಿಯನ್ನು ಜಾರಿಗೆ ತರುವ ನಿರ್ಧಾರವನ್ನು ಸರ್ಕಾರ ತೆಗೆದುಕೊಂಡಿದೆ. ಕಂದಾಯ ಸಚಿವ ಕೃಷ್ಣ ಬೈರೇಗೌಡ ಅವರು ಈ ಕುರಿತು ಜುಲೈ 15ರಿಂದ ಇ-ಖಾತೆ ಆಂದೋಲನ ಆರಂಭವಾಗಲಿದೆ ಎಂದು ಘೋಷಿಸಿದರು.

ತುಮಕೂರು ನಗರದ ಕೇಂದ್ರ ಗ್ರಂಥಾಲಯದಲ್ಲಿ ನಡೆದ ಕಂದಾಯ ಇಲಾಖೆಯ ಪ್ರಗತಿ ಪರಿಶೀಲನಾ ಸಭೆಯಲ್ಲಿ ಮಾತನಾಡಿದ ಸಚಿವರು, ಈಗಾಗಲೇ ಅನಧಿಕೃತ ಬಡಾವಣೆಗಳಲ್ಲಿ ಬಿ-ಖಾತೆ ನೀಡುವಂತಿಲ್ಲ. ಖಾಸಗಿ ಜಮೀನಿನಲ್ಲಿ ಮನೆ ನಿರ್ಮಾಣ ಮಾಡಿರುವವರು, ಖರೀದಿ ಪತ್ರ (sale deed) ಇದ್ದರೆ ಮಾತ್ರ B-ಖಾತೆ ಪಡೆಯಬಹುದಾಗಿದೆ ಎಂದು ಸ್ಪಷ್ಟಪಡಿಸಿದರು.

ಇದನ್ನು ಓದಿ: ಬಂಪರ್ ಟೂರ್ ಪ್ಯಾಕೇಜ್: ಬೆಂಗಳೂರಿನಿಂದ ಹೊರಟು 7 ದೇವಾಲಯಗಳ ದರ್ಶನ

ಅವರು ಅಧಿಕಾರಿಗಳಿಗೆ, ದಾಖಲೆಗಳಿಲ್ಲದ ಹಟ್ಟಿ ಹಾಗೂ ತಾಂಡಾಗಳಲ್ಲದೆ ಸಾಮಾನ್ಯ ರೈತರು ವಾಸಿಸುತ್ತಿರುವ ವಸತಿ ಪ್ರದೇಶಗಳನ್ನು ಗುರುತಿಸಿ ಕಂದಾಯ ಗ್ರಾಮಗಳನ್ನಾಗಿ ಮಾಡಲು ಪ್ರಸ್ತಾವನೆ ಸಲ್ಲಿಸಲು ಸೂಚನೆ ನೀಡಿದರು. ಈಗಾಗಲೇ 683 ದಾಖಲೆರಹಿತ ವಸತಿ ಪ್ರದೇಶಗಳನ್ನು ಕಂದಾಯ ಗ್ರಾಮವಾಗಿ ಪರಿಗಣಿಸಲು ಕ್ರಮ ತೆಗೆದುಕೊಳ್ಳಲಾಗಿದೆ.

ತಾಲೂಕು ಮಟ್ಟದಲ್ಲಿ ಭೂಮಿ ಪೆಂಡೆನ್ಸಿ ಅರ್ಜಿಗಳು ಹೆಚ್ಚಾಗಿರುವ ಕುಣಿಗಲ್ ತಾಲೂಕಿಗೆ ಪ್ರತ್ಯೇಕ ಗಮನಹರಿಸಿ, ಬಾಕಿಯಿರುವ ಅರ್ಜಿಗಳನ್ನು ಪರಿಶೀಲಿಸಿ ವಿಲೇವಾರಿ ಮಾಡುವಂತೆ ಸೂಚನೆ ನೀಡಲಾಯಿತು. ತಹಸೀಲ್ದಾರ್‌ಗಳ ಕಾರ್ಯನಿರ್ವಹಣೆಯಲ್ಲಿ ವಿಳಂಬವಿದ್ದರೆ, ಪ್ರಶ್ನಿಸಿ ಕ್ರಮ ಕೈಗೊಳ್ಳುವುದಾಗಿ ಸಚಿವರು ಎಚ್ಚರಿಸಿದರು.

ಇದನ್ನೂ ಓದಿ: ಇನ್ಮುಂದೆ ಪಡಿತರ ಚೀಟಿದಾರರಿಗೆ ಆಹಾರ ಕಿಟ್ ವಿತರಣೆ, ಹೊಸ ಯೋಜನೆಗೆ ಸಿದ್ಧತೆ

ಬಗರ್‌ಹುಕುಂ ಪ್ರಕ್ರಿಯೆಯಲ್ಲಿಯೂ ಅಧಿಕಾರಿಗಳು ವೇಗ ಹೆಚ್ಚಿಸಬೇಕು ಎಂದು ಹೇಳಿದ್ದಾರೆ. 25 ಸಾವಿರ ಬಗರ್‌ಹುಕುಂ ಅರ್ಜಿಗಳಲ್ಲಿ ಕನಿಷ್ಠ 15 ಸಾವಿರ ಅರ್ಜಿಗಳನ್ನು ಜುಲೈ ಅಂತ್ಯದೊಳಗೆ ಪೂರ್ಣಗೊಳಿಸಲು ಗುರಿ ಇಡಲಾಗಿದೆ. ಈ ಸಮಯದಲ್ಲಿ ಹಳೆಯ ದಾಖಲೆಗಳ (old records) ಗಣಕೀಕರಣ ಕಾರ್ಯಕ್ಕೂ ಸಮಯನಿಯಮಿತ ಗಡಿಯನ್ನು ನೀಡಲಾಗಿದೆ.

ಇದನ್ನೂ ಓದಿ: ಬಡ ರೈತರಿಗಾಗಿ ಉಚಿತ ಮೇವು ಕಟಾವು ಯಂತ್ರ! ಬಂಪರ್ ಸಬ್ಸಿಡಿ ಯೋಜನೆ

ಜಿಲ್ಲಾಧಿಕಾರಿ ಶುಭಾ ಕಲ್ಯಾಣ್ ಅವರು ಮಾತನಾಡಿ, ಜಿಲ್ಲೆಯಲ್ಲಿ ಈಗಾಗಲೇ 522 ಗ್ರಾಮಗಳನ್ನು ಕಂದಾಯ ಗ್ರಾಮಗಳೆಂದು ಗುರುತಿಸಲಾಗಿದ್ದು, 7653 ಹಕ್ಕುಪತ್ರ ವಿತರಣೆಗೆ ಅಂತಿಮ ಅಧಿಸೂಚನೆ ನೀಡಲಾಗಿದೆ. ಬಗರ್‌ಹುಕುಂ 6(2) ಪ್ರಕ್ರಿಯೆಯಲ್ಲಿ 1.47 ಲಕ್ಷ ಅರ್ಜಿಗಳ ಪೈಕಿ ಕೇವಲ 5,089 ಅರ್ಜಿಗಳು ಅರ್ಹವಾಗಿವೆ ಎಂಬುದನ್ನು ತಿಳಿಸಿದರು.

E-Khata Mandatory in Panchayats from July 15

English Summary▼

The Karnataka government has announced that the e-Khata system will become mandatory at the gram panchayat level starting from July 15. Revenue Minister Krishna Byre Gowda clarified that only those with valid purchase documents in private layouts will be eligible to get B-Khata. Unauthorized layouts will not be regularized under current laws.

The state also plans to identify undocumented residential areas and propose them as revenue villages. Additionally, a deadline has been set to process pending Bagair Hukum applications and digitize old land records. Officials are expected to act swiftly and transparently to implement these new measures.