ಬೆಂಗಳೂರು ಮಳೆಗೆ ಬೆಳ್ಳುಳ್ಳಿ ಕಬಾಬ್ ಚಂದ್ರು ಹೋಟೆಲ್ ಜಲಾವೃತ
ಮಳೆ ನೀರಿನಿಂದ 'ಬೆಳ್ಳುಳ್ಳಿ ಕಬಾಬ್' ಹೋಟೆಲ್ ಜಲಾವೃತವಾಗಿದ್ದು, ಭಾರೀ ನಷ್ಟವಾಗಿದೆ, 10 ಎಲೆಕ್ಟ್ರಿಕ್ ಬೈಕ್‌ ಹಾಳಾಗಿದ್ದು, ಅಧಿಕಾರಿಗಳಿಂದ ಪರಿಹಾರ ನಿರೀಕ್ಷೆ.
- ಮಳೆಯಿಂದ ಚಂದ್ರು ಹೋಟೆಲ್ ಬೇಸ್ಮೆಂಟ್‌ ಸಂಪೂರ್ಣ ಜಲಾವೃತ
- 15 ಲಕ್ಷ ರೂ. ವ್ಯಾಪಾರ ನಷ್ಟ, 10 ಎಲೆಕ್ಟ್ರಿಕ್ ಬೈಕ್‌ಗಳಿಗೆ ಹಾನಿ
- ಅಧಿಕಾರಿಗಳಿಗೆ ದೂರು ನೀಡಿದ ಮಾಲೀಕರು ಪರಿಹಾರ ಬೇಡಿಕೆ
ಬೆಂಗಳೂರು (Bengaluru): ಬೆಂಗಳೂರಿನಲ್ಲಿ (Bengaluru Rain Issue) ಇತ್ತೀಚೆಗೆ ಸಂಭವಿಸಿದ ತೀವ್ರ ಮಳೆಯ ಪರಿಣಾಮವಾಗಿಯೇ, ಪ್ರಸಿದ್ಧ ‘ಬೆಳ್ಳುಳ್ಳಿ ಕಬಾಬ್’ ಖ್ಯಾತಿಯ ಚಂದ್ರು ಹೋಟೆಲ್ ಸಂಪೂರ್ಣವಾಗಿ ಜಲಾವೃತವಾಗಿದೆ. ನಗರದ ಶಿವಾನಂದ ಸರ್ಕಲ್‌ ಬಳಿ ಇರುವ ಈ ಹೋಟೆಲ್‌ನ ಬೇಸ್ಮೆಂಟ್‌ಗೆ ಮಳೆ ನೀರು ನುಗ್ಗಿದ್ದು, 10 ಎಲೆಕ್ಟ್ರಿಕ್ ಬೈಕ್‌ಗಳು ಮತ್ತು ಜನರೇಟರ್‌ಗೆ ಗಂಭೀರ ಹಾನಿಯಾಗಿದೆ.
ಹೋಟೆಲ್‌ನ ಮಾಲೀಕರಾದ ಚಂದ್ರು ಅವರು “ನಾವು ಕಳೆದ 4 ವರ್ಷದಿಂದ ಈ ಹೋಟೆಲ್ ನಡಿಸುತ್ತಿದ್ದೇವೆ, ಇದುವರೆಗೆ ಇಂಥ ಘಟನೆ ಸಂಭವಿಸಿರಲಿಲ್ಲ” ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.
ಹೋಟೆಲ್ ಬೇಸ್ಮೆಂಟ್‌ಗೆ ನೀರಿನ ಜೊತೆಗೆ ಮರಳು, ಡೀಸೆಲ್‌, ಜನರೇಟರ್‌ ಆಯಿಲ್‌ ಮುಂತಾದುವು ಸೇರಿದ್ದು ಪರಿಸ್ಥಿತಿಯನ್ನು ಇನ್ನಷ್ಟು ದುಸ್ತರಗೊಳಿಸಿದೆ. ಹೋಟೆಲ್ ಕ್ಲೀನ್‌ ಮಾಡುವ ಕೆಲಸಗಳು ನಡೆಯುತ್ತಿದ್ದು, ತಾತ್ಕಾಲಿಕವಾಗಿ ಹೋಟೆಲ್ ಬಂದ್‌ ಆಗಿದೆ. ಚಂದ್ರು ಅವರು ಸುಮಾರು ₹15 ಲಕ್ಷ ವ್ಯವಹಾರ ನಷ್ಟವಾಯಿತು ಎಂದು ತಿಳಿಸಿದರು. (hotel water damage, electric bikes loss)
ಈ ಕುರಿತು ಅವರು ಈಗಾಗಲೇ ಸ್ಥಳೀಯ ಅಧಿಕಾರಿಗಳಿಗೆ ದೂರು ನೀಡಿದ್ದಾರೆ. “ಇಲ್ಲಿನ ರಸ್ತೆಗಳಲ್ಲಿ ನೀರಿನ ನಿಕಾಸಿ ವ್ಯವಸ್ಥೆ (drainage problem) ಸರಿಯಾಗಿಲ್ಲ. ಇದೇ ಕಾರಣಕ್ಕೆ ಹೋಟೆಲ್ ಗೆ ನುಗ್ಗುವಷ್ಟು ನೀರು ರಸ್ತೆಗಳಿಂದ ಹರಿದು ಬಂದಿದೆ. ಅಧಿಕಾರಿಗಳು ಸೂಕ್ತ ಕ್ರಮ ತೆಗೆದುಕೊಂಡು ಪರಿಸ್ಥಿತಿಯನ್ನು ಸುಧಾರಿಸಬೇಕು” ಎಂದು ಮನವಿ ಮಾಡಿದ್ದಾರೆ.
Famous Chandru Bellulli Kabab Hotel Flooded in Bengaluru Rain
