Bengaluru floods: ಭಾರೀ ಮಳೆ, ಬೆಂಗಳೂರು ನಗರ ಹಲವೆಡೆ ಜಲಾವೃತ ಸ್ಥಿತಿ
Bengaluru floods : 48 ಗಂಟೆಗಳ ಭಾರಿ ಮಳೆಯ ಕಾರಣದಿಂದ ಬೆಂಗಳೂರು ನಗರದಲ್ಲಿ ಹಲವೆಡೆ ಜಲಾವೃತ ಸ್ಥಿತಿ ನಿರ್ಮಾಣವಾಗಿದೆ. ಜನಜೀವನ ಅಸ್ತವ್ಯಸ್ತವಾಗಿದ್ದು, ಸಾಯಿ ಲೇಔಟ್ ಸೇರಿದಂತೆ ಹಲವು ಪ್ರದೇಶಗಳಲ್ಲಿ ಮನೆಗಳಿಗೆ ನೀರು ನುಗ್ಗಿದೆ.
Bengaluru floods : ಬೆಂಗಳೂರು ಮತ್ತೆ ಭಾರೀ ಮಳೆಯ ಅಬ್ಬರಕ್ಕೆ ಗುರಿಯಾಗಿದೆ. ಕಳೆದ 48 ಗಂಟೆಗಳಿನಿಂದ ಸುರಿಯುತ್ತಿರುವ ಮಳೆಯಿಂದಾಗಿ ನಗರವು ತೀವ್ರವಾಗಿ ಜಲಾವೃತವಾಗಿದೆ. ಅನೇಕ ನಿವಾಸ ಪ್ರದೇಶಗಳು ನೀರಿನಲ್ಲಿ ಮುಳುಗಿದ್ದು, ಜನಜೀವನ ಸಂಪೂರ್ಣ ಅಸ್ತವ್ಯಸ್ತವಾಗಿದೆ. (Bengaluru heavy rain)
ಭಾನುವಾರ ಮತ್ತು ಸೋಮವಾರದ ನಡುವೆ ಸುರಿದ ಭಾರೀ ಮಳೆಯಿಂದ ಸಾಯಿ ಲೇಔಟ್, ಹೋರಮಾವು, ಬ್ಯಾಟರಾಯನಪುರ ಸೇರಿದಂತೆ ಹಲವಾರು ಪ್ರದೇಶಗಳು ನೀರಿನಲ್ಲಿ ಮುಳುಗಿದವು. ಕೆಲ ಮನೆಗಳಿಗೆ ನೇರವಾಗಿ ನೀರು ನುಗ್ಗಿದೆ. ಹಲವರು ತಾವು ಇದ್ದ ಮನೆಗಳಿಂದ ಹೊರಬಂದು ಸುರಕ್ಷಿತ ಸ್ಥಳಗಳಿಗೆ ಹೋಗಬೇಕಾದ ಪರಿಸ್ಥಿತಿ ಉಂಟಾಯಿತು.
ವಾಹನಗಳು (vehicles) ಸಂಪೂರ್ಣ ಜಲಾವೃತವಾಗಿವೆ, ರಸ್ತೆಗಳು ನದಿಯಾಗಿ ಮಾರ್ಪಟ್ಟಿವೆ. ಈ ಸಂದರ್ಭದಲ್ಲಿ ಸ್ಥಳೀಯ ಶಾಸಕ ಬಿ. ಬಸವರಾಜ್‌ ಜೆಸಿಬಿಯಲ್ಲಿ ಪ್ರವಾಹ ಪ್ರದೇಶಗಳಿಗೆ ಭೇಟಿ ನೀಡಿದರು. ಸಾಯಿ ಲೇಔಟ್‌ನಲ್ಲಿ ಜೆಸಿಬಿ ವಾಹನದ ಮೂಲಕ ಮನೆಗೆ ನುಗ್ಗಿದ ನೀರನ್ನು ಪರಿಶೀಲಿಸಿದರು. ಈ ದೃಶ್ಯಗಳು ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿವೆ.
ಕೇವಲ ನಗರವಲ್ಲ, ಬೆಂಗಳೂರು ಗ್ರಾಮಾಂತರ, ಕೋಲಾರ, ಚಿಕ್ಕಬಳ್ಳಾಪುರ, ತುಮಕೂರು, ಮಂಡ್ಯ, ಮೈಸೂರು, ಹಾಸನ, ಕೊಡಗು, ಬೀದರ್, ರಾಯಚೂರು, ಯಾದಗಿರಿ ಹಾಗೂ ದಾವಣಗೆರೆ ಜಿಲ್ಲೆಗಳಲ್ಲೂ (Karnataka Districts) ತೀವ್ರ ಮಳೆಯ ಪರಿಣಾಮ ಉಂಟಾಗಿದೆ.
#Bengaluru continued to #experience #heavyrains, leading to #water entering homes in several parts and #flooding in #low–#lying #areas of the #city. As of 8 a.m., the #city received 105 mm of #rainfall in the past 24 hours, according to the (IMD). pic.twitter.com/iKYkdqk9xM
— Lokmat Times Nagpur (@LokmatTimes_ngp) May 19, 2025
ಅತ್ತ ಭಾರತ ಹವಾಮಾನ ಇಲಾಖೆ (IMD) ಕರ್ನಾಟಕದ ಕರಾವಳಿ ಜಿಲ್ಲೆಗಳಿಗೆ ‘ಯೆಲ್ಲೋ’ ಅಲರ್ಟ್ ಹಾಗೂ ದಕ್ಷಿಣ ಮತ್ತು ಉತ್ತರ ಒಳನಾಡು ಜಿಲ್ಲೆಗಳಿಗೆ ‘ಆರೆಂಜ್’ ಅಲರ್ಟ್ ಘೋಷಿಸಿದೆ. ಮುಂದಿನ ದಿನಗಳಲ್ಲಿ ಉಡುಪಿ, ಬಾಗಲಕೋಟೆ, ಧಾರವಾಡ್, ಬಳ್ಳಾರಿ, ಗದಗ ಜಿಲ್ಲೆಗಳಲ್ಲಿ ಅತಿವೃಷ್ಟಿಯ ಸಾಧ್ಯತೆಯಿದೆ ಎಂಬ ಎಚ್ಚರಿಕೆ ನೀಡಲಾಗಿದೆ. ಭಾರೀ ಮಳೆಯಾಗುವ ಸಾಧ್ಯತೆ ಇದೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ.
Heavy Rains Wreak Havoc in Bengaluru
