ಬೆಂಗಳೂರು ಗ್ರಾಮಾಂತರ ಹೊಸಕೋಟೆಯಲ್ಲಿ ಪತ್ನಿಯ ಕತ್ತು ಹಿಸುಕಿ ಹತ್ಯೆ, ಪೊಲೀಸರಿಗೆ ಶರಣು

• ಪತ್ನಿಯ ಹತ್ಯೆಗೈದ ಪತಿ ನೇರವಾಗಿ ಪೊಲೀಸರಿಗೆ ಶರಣು
• ಬೆಂಗಳೂರು ಗ್ರಾಮಾಂತರ ಹೊಸಕೋಟೆಯಲ್ಲಿ ಘಟನೆ
• ಮುಂದುವರಿದ ಪೊಲೀಸರ ತನಿಖೆ, ಮರಣೋತ್ತರ ಪರೀಕ್ಷೆಗೆ ರವಾನೆ

ಬೆಂಗಳೂರು (Bengaluru): ಹೊಸಕೋಟೆಯ ಸೂಲಿಬೆಲೆ ಪೊಲೀಸ್ ಠಾಣೆಯ ಸರಹದ್ದಿನಲ್ಲಿ ನಡೆದ ಘಟನೆಯಲ್ಲಿ 35 ವರ್ಷದ ನಿಜಾಮುದ್ದೀನ್ ತನ್ನ 32 ವರ್ಷದ ಪತ್ನಿ ರಬಿಯಾ ಕತ್ತು ಹಿಸುಕಿ ಹತ್ಯೆಗೈದಿದ್ದಾನೆ.

ಈ ದಂಪತಿ ಮುಂಚಿತವಾಗಿ ದೇವನಹಳ್ಳಿ ತಾಲ್ಲೂಕಿನ ವಿಜಯಪುರದಲ್ಲಿ ವಾಸವಿದ್ದರು. ನಿಜಾಮುದ್ದೀನ್ ಸರಕು ವಾಹನ ಚಾಲಕನಾಗಿದ್ದಾನೆ. ಪತ್ನಿ ರಬಿಯಾ ಅನೈತಿಕ ಸಂಬಂಧ ಹೊಂದಿದ್ದಾಳೆ ಎಂಬ ಶಂಕೆಯಿಂದ, ಅವರು ಹೊಸಕೋಟೆಗೆ (Hoskote) ಸ್ಥಳಾಂತರವಾಗಿ ಬಾಡಿಗೆ ಮನೆಯಲ್ಲಿ ವಾಸಿಸುತ್ತಿದ್ದರು. ಆದರೆ ರಬಿಯಾ ಪುನಃ ವಿಜಯಪುರಕ್ಕೆ ಮರಳಲು ಒತ್ತಾಯಿಸುತ್ತಿದ್ದಳು, ಇದರಿಂದ ಪತಿ-ಪತ್ನಿಯ ನಡುವೆ ನಿರಂತರ ಜಗಳ ನಡೆಯುತ್ತಿತ್ತು.

ಬೆಂಗಳೂರು ಆನೇಕಲ್‌ನಲ್ಲಿ ನಡುರಸ್ತೆಯಲ್ಲೇ ಪತ್ನಿಗೆ ಚೂರಿ ಇರಿದು ಬರ್ಬರ ಹತ್ಯೆ

ಈ ನಡುವೆ, ಪತಿ ಇಲ್ಲದ ವೇಳೆ ಪರಪುರುಷರೊಂದಿಗೆ ಕಾಲ ಕಳೆಯುತ್ತಿದ್ದಾಳೆ ಎಂಬ ಮಾಹಿತಿ ನಿಜಾಮುದ್ದೀನ್‌ಗೆ ದೊರಕಿದ ಬಳಿಕ, ಕೋಪಗೊಂಡು ಈ ಕೃತ್ಯ ಎಸಗಿದ್ದಾನೆ. ಮೂರು ಮಕ್ಕಳ ತಾಯಿಯಾಗಿದ್ದ ರಬಿಯಾ, ಕೊಲೆಯ ವೇಳೆ ಮನೆಯಲ್ಲಿದ್ದ ಮಕ್ಕಳಿಗೆ ಈ ಬಗ್ಗೆ ತಿಳಿಯದಂತೆ ಪತಿ ಪ್ಲಾನ್ ಮಾಡಿದ್ದನು.

ಹತ್ಯೆಯ ದಿನ, ಊಟದ ನಂತರ ಪತ್ನಿಯನ್ನು ಹತ್ತಿರದ ಕೆರೆ ಬಳಿಗೆ ಕರೆದುಕೊಂಡು ಹೋಗಿದ್ದ. ಅಲ್ಲಿಯೇ ಮಾತಿನ ಚಕಮಕಿ ನಡೆದಿದ್ದು, ಆಕ್ರೋಶಗೊಂಡ ಪತಿ ರಬಿಯಾ ಕತ್ತು ಹಿಸುಕಿ ಕೊಂದಿದ್ದಾನೆ. ಹತ್ಯೆಯ ಬಳಿಕ ತಾನೇ ಪೊಲೀಸ್ ಠಾಣೆಗೆ ಹೋಗಿ ಶರಣಾಗಿದ್ದು, ಪೊಲೀಸರು ಪ್ರಕರಣದ ತನಿಖೆ ಮುಂದುವರಿಸಿದ್ದಾರೆ.

Husband Kills Wife in Bengaluru Hoskote, Surrenders to Police