ಬೆಂಗಳೂರು ಜನರ ವಿರುದ್ಧ ಒಡಿಶಾ ಯುವತಿ ಬೈಗುಳ, ಕನ್ನಡಿಗರ ಆಕ್ರೋಶ - Odisha girl on Bengaluru
ಬೆಂಗಳೂರು ರಸ್ತೆಯಲ್ಲಿ ನಡೆದ ಘಟನೆ ಆಧಾರವಾಗಿ, ಒಡಿಶಾ ಮೂಲದ ಯುವತಿ ಇನ್ಸ್ಟಾಗ್ರಾಂನಲ್ಲಿ ಸ್ಥಳೀಯ ಜನರ ವಿರುದ್ಧ ಬೈಗುಳ ವಿಡಿಯೋ ವೈರಲ್ ಆಗಿದ್ದು, ಕನ್ನಡಿಗರಲ್ಲಿ ಆಕ್ರೋಶ ಮೂಡಿಸಿದೆ.
- ಬೆಂಗಳೂರು ಜನರ ವಿರುದ್ಧ ಬೈಗುಳ ವಿಡಿಯೋ ಇನ್ಸ್ಟಾಗ್ರಾಂನಲ್ಲಿ ವೈರಲ್
- ಓಡಿಶಾ ಯುವತಿಯ ಆಕ್ಷೇಪಾರ್ಹ ಪದಗಳಿಗೆ ಕಿಡಿ ಕಾರಿದ ಕನ್ನಡಿಗರು
- ರಸ್ತೆ ಸಮಸ್ಯೆ ಮತ್ತು ಕಾರು ಚಾಲನೆ ಬಗ್ಗೆ ವಿಡಿಯೋದಲ್ಲಿ ಯುವತಿ ಕಿಡಿ
ಬೆಂಗಳೂರು (Bengaluru): ಇನ್ಸ್ಟಾಗ್ರಾಂನಲ್ಲಿ ವೈರಲ್ ಆಗುತ್ತಿರುವ ಒಂದು ರೀಲ್ಸ್ (reel) ವಿಡಿಯೋ ಇದೀಗ ಕನ್ನಡಿಗರ ಆಕ್ರೋಶಕ್ಕೆ ಕಾರಣವಾಗಿದೆ. ಒಡಿಶಾ (Odisha) ಮೂಲದ ಯುವತಿ ನೇಹಾ ಬಿಸ್ವಾಲ್ (Neha Biswal), ಬೆಂಗಳೂರಿನಲ್ಲಿ (Bengaluru) ಕೆಲಸ ಮಾಡುತ್ತಿರುವಾಗ, ರಸ್ತೆಯಲ್ಲಿ ನಡೆದ ಅನುಭವವನ್ನು ಅಸಭ್ಯ ಪದಗಳಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.
ಈ ಯುವತಿ ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದಾಗ, ವೇಗವಾಗಿ ಬಂದ ಕಾರು ರಸ್ತೆಯ ಮೇಲಿದ್ದ ನೀರನ್ನು ಆಕೆಯ ಮೇಲೆ ಎರಚಿದೆ. ಈ ದೃಶ್ಯವನ್ನು ತಮ್ಮ ಮೊಬೈಲ್‌ ಕ್ಯಾಮರಾದಲ್ಲಿ ಸೆರೆ ಹಿಡಿದು ಇನ್ಸ್ಟಾಗ್ರಾಂನಲ್ಲಿ ಅಪ್ಲೋಡ್ ಮಾಡಿದ್ದಾಳೆ. ಆದರೆ ಈ ವಿಡಿಯೋದಲ್ಲಿ ಬಳಸಿದ ಪದಗಳು, ಸ್ಥಳೀಯರಿಗೆ ಅವಮಾನವಾಗುವ ರೀತಿಯಲ್ಲಿದೆ ಎಂದು ನೆಟ್ಟಿಗರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: ಗೃಹಲಕ್ಷ್ಮಿ ಯೋಜನೆ ಫಲಾನುಭವಿಗಳಿಗೆ ಹಣ ಜಮೆ! ಕೆಲವರಿಗೆ ಪಾವತಿ ವಿಳಂಬ
ವೀಡಿಯೊದಲ್ಲಿ ಯುವತಿ, “ಇಲ್ಲಿ ಇರುವ ಜನರಿಗೆ ಎಜುಕೇಶನ್ (education) ಇದೆ ಆದರೆ ಸೆನ್ಸ್ (sense) ಇಲ್ಲ, ಎಂಬಂತೆ ಪದಗಳನ್ನು ಬಳಸಿದ್ದಾಳೆ.
ಅವಳ ಮಾತುಗಳಲ್ಲಿ “ತೂ*, ಛೀ.. ಇವರು ಬುದ್ಧಿವಂತರೇ?” ಎಂಬಂತಹ ಶಬ್ದಗಳು ಕನ್ನಡಿಗರ ಮನಸ್ಸಿಗೆ ಘಾಸಿಗೊಳಿಸಿದ್ದು, ಈ ವಿಡಿಯೋಗೆ ತೀವ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಅಲ್ಲದೇ “ನಿಮ್ಮಿಂದ ನಾವು ರಸ್ತೆಯಲ್ಲಿ ಹೋಗಲೇಬಾರದಾ?” ಎಂಬ ವ್ಯಂಗ್ಯ ಪ್ರಶ್ನೆ ಸಹ ವಿಡಿಯೋದಲ್ಲಿ ಕೇಳಿಬರುತ್ತದೆ.
ಈ ರೀತಿ ಸಾರ್ವಜನಿಕವಾಗಿ ಸ್ಥಳೀಯರನ್ನು ಟೀಕಿಸಿದ ಯುವತಿಯ ರೀಲ್ಸ್ (reels) ಈಗ ಸಾಮಾಜಿಕ ಮಾಧ್ಯಮಗಳಲ್ಲಿ ಭಾರೀ ಚರ್ಚೆಗೆ ಗ್ರಾಸವಾಗಿದೆ. ಕೆಲವರು ಯುವತಿಗೆ ಕ್ಷಮೆ ಕೇಳುವಂತೆ ಒತ್ತಾಯಿಸುತ್ತಿದ್ದಾರೆ.
ಇದನ್ನೂ ಓದಿ: ಬೆಂಗಳೂರು ನಗರದಲ್ಲಿ ಇಂದು ಹಾಗೂ ನಾಳೆ ಭಾರೀ ಮಳೆ ಮುನ್ಸೂಚನೆ
ಇದೇ ಸಂದರ್ಭದಲ್ಲಿ ಹಲವಾರು ಬೆಂಗಳೂರು ನಿವಾಸಿಗಳು “ರಸ್ತೆ ಸಮಸ್ಯೆ ನಿಜವಾದರೂ ಈ ರೀತಿಯ ಅವಹೇಳನ ಸರಿಯಲ್ಲ” ಎಂಬ ಅಭಿಪ್ರಾಯವನ್ನು ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಂಡಿದ್ದಾರೆ.
ನಿತ್ಯದ ಅಪ್‌ಡೇಟ್ಸ್‌ಗಾಗಿ ಯಾವಾಗಲೂ Kannada News Today ತಪ್ಪದೆ ವೀಕ್ಷಿಸಿ.
Odisha girl insults Bengaluru locals
