ಬೆಂಗಳೂರು ಆಟೋ ಚಾಲಕನಿಗೆ ಚಪ್ಪಲಿಯಿಂದ ಹೊಡೆದು ಹಿಂದಿ ಯುವತಿ ದರ್ಪ
ಬೆಂಗಳೂರು ಬೆಳ್ಳಂದೂರಿನಲ್ಲಿ ಆಟೋ ಚಾಲಕನಿಗೆ ಚಪ್ಪಲಿಯಿಂದ ಹೊಡೆದ ಹೊರ ರಾಜ್ಯದ ಯುವತಿ, ಸ್ಕೂಟಿಗೆ ಟಚ್ ಆದ ವಿಚಾರದಲ್ಲಿ ವಾಗ್ವಾದದಿಂದ ಜಗಳಕ್ಕಿಳಿದ ಘಟನೆ.
- ಬೆಂಗಳೂರು ಬೆಳ್ಳಂದೂರು ವೃತ್ತದಲ್ಲಿ ಸಂಭವಿಸಿದ ಘಟನೆ
- ಸ್ಕೂಟಿಗೆ ಟಚ್ ವಿಚಾರದಲ್ಲಿ ವಾದ
- ಚಪ್ಪಲಿಯಿಂದ ಹೊಡೆದ ಯುವತಿ ವಿಡಿಯೋ ವೈರಲ್
ಬೆಂಗಳೂರು (Bengaluru): ಬೆಂಗಳೂರು ನಗರದ ಬೆಳ್ಳಂದೂರು ವೃತ್ತದಲ್ಲಿ ಈ ಘಟನೆ ನಡೆದಿದೆ. ಅಲ್ಲಿ ಆಟೋ ಚಾಲಕನೊಬ್ಬ ಮತ್ತು ಹೊರರಾಜ್ಯದ ಯುವತಿಯೊಬ್ಬರ ನಡುವೆ ತೀವ್ರ ವಾಗ್ವಾದ (heated argument) ನಡೆದಿದ್ದು, ಕೊನೆಗೆ ಯುವತಿ ತನ್ನ ಚಪ್ಪಲಿಯಿಂದ ಆಟೋ ಚಾಲಕನಿಗೆ ಹೊಡೆದಿದ್ದಾಳೆ.
ಈ ಘಟನೆಗೆ ಕಾರಣವೇನೆಂದರೆ, ಆಟೋ ಚಾಲಕನ ಆಟೋ (Auto) ಆಕೆಯ ಸ್ಕೂಟಿಗೆ ಟಚ್ ಆಗಿದೆ ಎಂದು ಯುವತಿ ಕೋಪಗೊಂಡು ಜಗಳ ಆರಂಭಿಸಿದ್ದಾಳೆ. ಮಾತಿಗೆ ಮಾತು ಬೆಳೆದು, ಆಕೆ ಸಿಟ್ಟಿಗೆ ಚಪ್ಪಲಿಯಲ್ಲಿ ಹೊಡೆದಿದ್ದಾಳೆ.
ಈ ಸಂದರ್ಭ ಆಟೋ ಚಾಲಕನು ತಾನೇ ತನ್ನ ಮೊಬೈಲ್‌ನಲ್ಲಿ ಈ ದೃಶ್ಯವನ್ನು (video clip) ದಾಖಲಿಸಿಕೊಂಡಿದ್ದು, ಇದೀಗ ಆ ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಿದೆ. ಇದರಿಂದಾಗಿ ಸಾರ್ವಜನಿಕರು ವಿನಾಕಾರಣ ದರ್ಪ ತೋರಿದ ಹಿಂದಿವಾಲಾ ಯುವತಿ ಬಗ್ಗೆ ಆಕ್ರೋಶ ವ್ಯಕ್ತವಾಗಿದೆ.
ಘಟನೆಯ ನಂತರ ಇಬ್ಬರೂ – ಯುವತಿ ಹಾಗೂ ಆಟೋ ಚಾಲಕ – ಸ್ಥಳೀಯ ಪೊಲೀಸ್ ಠಾಣೆಗೆ ತೆರಳಿದ್ದು, ಪ್ರಕರಣ ದಾಖಲಾತಿಯ ಹಂತದಲ್ಲಿದೆ ಎನ್ನಲಾಗಿದೆ. ಠಾಣೆಯ ಪೊಲೀಸರು ಇಬ್ಬರಿಂದಲೂ ಮಾಹಿತಿ ಸಂಗ್ರಹಿಸಿದ್ದಾರೆ.
ಸಾರ್ವಜನಿಕ ಸ್ಥಳದಲ್ಲಿ ನಡೆದ ಈ ಘಟನೆ ಬಗೆಗೆ ಜನರಲ್ಲಿ ಆಕ್ರೋಶ ವ್ಯಕ್ತವಾಗಿದೆ. ಅಲ್ಲಿನ ಪರಿಸ್ಥಿತಿ ಹಾಗೂ ವಿಡಿಯೋ ನೋಡಿದ ಎಂತಹವರಿಗೂ ಅರ್ಥವಾಗುತ್ತದೆ ಆ ಯುವತಿಯ ದರ್ಪ, ಇನ್ನೊಂದೆಡೆ ಅಷ್ಟೆಲ್ಲಾ ನಡೆದರೂ ಆಟೋ ಚಾಲಕ ಸಮಾಧಾನದಿಂದಲೇ ಮಾತನಾಡಿದ್ದಾನೆ.
Woman Slaps Auto Driver with Slipper in Bengaluru
