ಜಿಯೋ, ಏರ್‌ಟೆಲ್ ಗ್ರಾಹಕರಿಗೆ ಖುಷಿ ಸುದ್ದಿ! 50 ರೂಪಾಯಿಗೆ ಡೇಟಾ ಪ್ಲಾನ್‌ಗಳು

Data Recharge Plans: ದೈನಂದಿನ ಡೇಟಾ ಮಿತಿ ಮುಗಿದ ನಂತರ ಇಂಟರ್‌ನೆಟ್ ನಿಧಾನವಾಗುತ್ತದೆಯೇ? ಹಾಗಾದ್ರೆ ಇಲ್ಲಿದೆ ಖುಷಿಯ ಸುದ್ದಿ! ಜಿಯೋ, ಏರ್‌ಟೆಲ್ ಹಾಗೂ ವೋಡಾಫೋನ್-ಐಡಿಯಾ ಕಂಪನಿಗಳು ಇದೀಗ ಅಗ್ಗದ ಬೆಲೆಯಲ್ಲಿ ಹೆಚ್ಚುವರಿ ಡೇಟಾ ಪ್ಯಾಕ್‌ಗಳನ್ನು ನೀಡುತ್ತಿವೆ. ಈ ಪ್ಲಾನ್‌ಗಳ ಬೆಲೆ 50 ರೂಪಾಯಿಗಿಂತ ಕಡಿಮೆ, ಆದರೆ ಪ್ರಯೋಜನಗಳು ಮೌಲ್ಯಯುತ.

Airtel : ಏರ್‌ಟೆಲ್ ಸಂಸ್ಥೆ 33 ರೂ. ಪ್ಲಾನ್‌ ಅನ್ನು ನೀಡುತ್ತಿದ್ದು, 1 ದಿನದ ವ್ಯಾಲಿಡಿಟಿಯೊಂದಿಗೆ 2GB ಡೇಟಾವನ್ನು ಒದಗಿಸುತ್ತದೆ. ಇನ್ನೊಂದು 49 ರೂ. ಪ್ಲಾನ್‌ನಲ್ಲಿ ಗ್ರಾಹಕರು ಒಟ್ಟು 20GB ಹೈ-ಸ್ಪೀಡ್‌ ಡೇಟಾವನ್ನು ಪಡೆಯಬಹುದು.

Vodafone : ವೋಡಾಫೋನ್-ಐಡಿಯಾ (Vi) ಕಂಪನಿಯ 33 ರೂ. ಪ್ಲಾನ್ 2 ದಿನಗಳ ವ್ಯಾಲಿಡಿಟಿಯೊಂದಿಗೆ 2GB ಡೇಟಾವನ್ನು ಒದಗಿಸುತ್ತಿದೆ. ಅದೇ ಸಂಸ್ಥೆಯ 48 ರೂ. ಪ್ಲಾನ್‌ನಲ್ಲಿ 3 ದಿನಗಳ ಕಾಲ 6GB ಇಂಟರ್‌ನೆಟ್‌ ಬಳಕೆ ಸಾಧ್ಯ.

Jio : ಜಿಯೋ ಗ್ರಾಹಕರಿಗೂ ವಿಶೇಷ ಆಯ್ಕೆಗಳು ಲಭ್ಯ. 39 ರೂ. ಪ್ಲಾನ್‌ನಲ್ಲಿ 3 ದಿನಗಳ ವ್ಯಾಲಿಡಿಟಿಯೊಂದಿಗೆ ಪ್ರತಿ ದಿನ 3GB ಡೇಟಾ ದೊರೆಯುತ್ತದೆ. ಅಲ್ಲದೆ, 49 ರೂ. ಪ್ಲಾನ್‌ ಖರೀದಿಸಿದರೆ ಕೇವಲ ಒಂದು ದಿನಕ್ಕೆ 25GB ಹೈ-ಸ್ಪೀಡ್‌ ಡೇಟಾ ದೊರೆಯಲಿದೆ.

ಈ ಪ್ಲಾನ್‌ಗಳು ಅಗ್ಗದ ಬೆಲೆಯಲ್ಲಿದ್ದರೂ, ತುರ್ತು ಸಂದರ್ಭಗಳಲ್ಲಿ ಅಥವಾ ಡೇಟಾ ಮಿತಿ ಮುಗಿದಾಗ ಉಪಯುಕ್ತವಾಗುತ್ತವೆ. ಕಡಿಮೆ ಖರ್ಚಿನಲ್ಲಿ ಹೆಚ್ಚಿನ ಇಂಟರ್‌ನೆಟ್‌ ಬೇಕೆಂದಿರುವ ಬಳಕೆದಾರರಿಗೆ ಇದು ಸೂಕ್ತ ಆಯ್ಕೆ.

Best Data Plans Under 50, Jio, Airtel and Vi Offers