ನಂಬಿದ್ರೆ ನಂಬಿ ಬಿಟ್ರೆ ಬಿಡಿ! ತಿಂಗಳಿಗೆ 2,467 ರೂಪಾಯಿ ಸಿಗುವ ಪೋಸ್ಟ್ ಆಫೀಸ್ ಯೋಜನೆ ಇದು
ಪೋಸ್ಟ್ ಆಫೀಸ್ ಮಾಸಿಕ ಆದಾಯ ಯೋಜನೆ (MIS) ದಂಪತಿಗಳಿಗೆ ಸೂಕ್ತ. ರೂ.4 ಲಕ್ಷ ಹೂಡಿಕೆ ಮಾಡಿದರೆ ಪ್ರತಿ ತಿಂಗಳು ರೂ.2,467 ಬಡ್ಡಿ, ಸುರಕ್ಷಿತ ಹೂಡಿಕೆ, ಸರ್ಕಾರದ ಖಾತರಿ ಯೋಜನೆ.
ಮಾರುಕಟ್ಟೆಯ ಹೂಡಿಕೆಗಳಲ್ಲಿ ಅಪಾಯಗಳಿರುವ ಕಾರಣದಿಂದ, ಹಲವು ಜನರು ಸರ್ಕಾರದ ಖಾತರಿ ಯೋಜನೆಗಳತ್ತ ಮೊರೆ ಹೋಗುತ್ತಿದ್ದಾರೆ. ಅಂಥದಲ್ಲೊಂದು ವಿಶ್ವಾಸಾರ್ಹ ಯೋಜನೆ ಎಂದರೆ ಪೋಸ್ಟ್ ಆಫೀಸ್ ಮಾಸಿಕ ಆದಾಯ ಯೋಜನೆ (Post Office Monthly Income Scheme – MIS). ಇದು ನಿವೃತ್ತರು, ಗೃಹಿಣಿಯರು ಮತ್ತು ಸ್ಥಿರ ಆದಾಯ ಬಯಸುವವರಿಗೆ ಅತ್ಯುತ್ತಮ ಆಯ್ಕೆಯಾಗಿದೆ.
ಈ ಯೋಜನೆಗೆ ನೀವು ಕೇವಲ ರೂ.1,000 ದಿಂದಲೇ ಆರಂಭಿಸಬಹುದು. ವರ್ಷಕ್ಕೆ 7.4 ಶೇಕಡಾ ಬಡ್ಡಿ ನೀಡಲಾಗುತ್ತಿದ್ದು, ಹೂಡಿಕೆ ಮಾಡಿದ ಮೊತ್ತದ ಮೇಲೆ ಪ್ರತಿ ತಿಂಗಳು ಬಡ್ಡಿ ಹಣ ನಿಮ್ಮ ಬ್ಯಾಂಕ್ ಖಾತೆಗೆ ನೇರವಾಗಿ ಬರುತ್ತದೆ. ಇದು ಸಂಪೂರ್ಣ ಸುರಕ್ಷಿತವಾಗಿರುವುದರಿಂದ ಮಾರುಕಟ್ಟೆಯ ಏರಿಳಿತಗಳ ಯಾವುದೇ ಪರಿಣಾಮ ಇಲ್ಲ.
ಇದನ್ನೂ ಓದಿ: ಗೌಜಲಕ್ಕಿ ಸಾಕಾಣಿಕೆಯಿಂದ ತಿಂಗಳಿಗೆ ₹2 ಲಕ್ಷ ಆದಾಯ! ಕಡಿಮೆ ಹೂಡಿಕೆ, ಹೆಚ್ಚು ಲಾಭ
ಒಬ್ಬ ವ್ಯಕ್ತಿ ಗರಿಷ್ಠ ರೂ.9 ಲಕ್ಷವರೆಗೆ ಹೂಡಿಕೆ ಮಾಡಬಹುದು. ಆದರೆ ದಂಪತಿಗಳು ಅಥವಾ ಕುಟುಂಬದ ಮೂವರು ಸದಸ್ಯರು ಸೇರಿ ಸಂಯುಕ್ತ ಖಾತೆ (Joint Account) ತೆರೆದರೆ ರೂ.15 ಲಕ್ಷವರೆಗೆ ಹೂಡಿಕೆ ಸಾಧ್ಯ. ಈ ಯೋಜನೆ ದಂಪತಿಗಳಿಗೆ ಅತ್ಯುತ್ತಮವಾಗಿರುವುದಕ್ಕೆ ಕಾರಣ, ಹೂಡಿಕೆ ಮತ್ತು ಆದಾಯ ಎರಡೂ ಖಚಿತ.
ಉದಾಹರಣೆಗೆ, ನೀವು ಮತ್ತು ನಿಮ್ಮ ಪತ್ನಿ ಸೇರಿ ರೂ.4 ಲಕ್ಷ ಹೂಡಿಕೆ ಮಾಡಿದರೆ, ಪ್ರಸ್ತುತ ಬಡ್ಡಿದರ ಪ್ರಕಾರ ಪ್ರತಿ ತಿಂಗಳು ರೂ.2,467 ನಿಮ್ಮ ಖಾತೆಗೆ ಬಡ್ಡಿಯಾಗಿ ಜಮೆಯಾಗುತ್ತದೆ. ಐದು ವರ್ಷಗಳ ನಂತರ, ನೀವು ಹೂಡಿದ ಮೂಲಧನವೂ ಹಿಂತಿರುಗುತ್ತದೆ.
ಖಾತೆ ತೆರೆಯುವ ಪ್ರಕ್ರಿಯೆ ಕೂಡ ಸುಲಭ. ಮೊದಲು ಪೋಸ್ಟ್ ಆಫೀಸ್ ಸೇವಿಂಗ್ ಖಾತೆ ಅಗತ್ಯವಿದೆ. ಅದಿಲ್ಲದಿದ್ದರೆ, ಅದನ್ನು ತೆರೆದು ನಂತರ MIS ಖಾತೆ ಆರಂಭಿಸಬಹುದು. ಫಾರ್ಮ್ ತುಂಬಿ, ಅಗತ್ಯ ದಾಖಲೆಗಳೊಂದಿಗೆ ಪೋಸ್ಟ್ ಆಫೀಸ್‌ನಲ್ಲಿ ಸಲ್ಲಿಸಿದರೆ ಸಾಕು.
ಇದನ್ನೂ ಓದಿ: ಪೋಸ್ಟ್‌ಆಫೀಸ್‌ನಲ್ಲಿ ತಿಂಗಳಿಗೆ ₹12,000 ಹೂಡಿಕೆ ಮಾಡಿ ₹40 ಲಕ್ಷ ಪಡೆಯುವ ಸೂಪರ್ ಸ್ಕೀಮ್!
ಪೋಸ್ಟ್ ಆಫೀಸ್ ಯೋಜನೆಗಳ ಪ್ರಮುಖ ಲಕ್ಷಣವೆಂದರೆ, ಇವು ಕೇಂದ್ರ ಸರ್ಕಾರದ ನಿಯಂತ್ರಣದಲ್ಲಿದ್ದು, 100% ಸುರಕ್ಷಿತ ಹೂಡಿಕೆ. ಅಂದರೆ ಹೂಡಿಕೆ ಮಾಡಿದ ಪ್ರತಿಯೊಂದು ರೂಪಾಯಿಗೂ ಭದ್ರತೆ. ಹೀಗಾಗಿ, ದೀರ್ಘಾವಧಿಯಲ್ಲಿ ಸ್ಥಿರ ಆದಾಯ ಬಯಸುವವರಿಗೆ ಇದು ವಿಶ್ವಾಸಾರ್ಹ ಮಾರ್ಗವಾಗಿದೆ.
Best Post Office Scheme for Married Couples
