ಬಿಎಸ್ಎನ್ಎಲ್ ದೀಪಾವಳಿ ಆಫರ್, ಕೇವಲ ₹1 ರೂಪಾಯಿಗೆ ದಿನಕ್ಕೆ 2GB ಡೇಟಾ
ದೀಪಾವಳಿ ಹಬ್ಬದ ಪ್ರಯುಕ್ತ ಬಿಎಸ್ಎನ್ಎಲ್ ಹೊಸ ಗ್ರಾಹಕರಿಗೆ ಕೇವಲ ₹1ಕ್ಕೆ ದಿನಕ್ಕೆ 2GB 4G ಡೇಟಾ, ಅನಿಯಮಿತ ಕರೆಗಳು ಹಾಗೂ 30 ದಿನಗಳ ಮಾನ್ಯತೆ ಹೊಂದಿರುವ ವಿಶೇಷ ಆಫರ್ ಘೋಷಿಸಿದೆ.
BSNL Recharge Plan : ದೀಪಾವಳಿಯ ಸಂಭ್ರಮಕ್ಕೆ ಹೊಸ ಉಡುಗೊರೆಯಾಗಿ, ಸರ್ಕಾರಿ ಟೆಲಿಕಾಂ ಸಂಸ್ಥೆ ಬಿಎಸ್ಎನ್ಎಲ್ (BSNL) ಹೊಸ ಗ್ರಾಹಕರಿಗೆ ಅಚ್ಚರಿಯ ಆಫರ್ ನೀಡಿದೆ.
ಕೇವಲ ₹1 ರೂಪಾಯಿಗೆ ದಿನಕ್ಕೆ 2GB 4G ಡೇಟಾ ಹಾಗೂ ಅಪರಿಮಿತ ವಾಯ್ಸ್ ಕಾಲ್ಗಳು, ಜೊತೆಗೆ 30 ದಿನಗಳ ಮಾನ್ಯತೆ, ಇದೇ ಈ ದೀಪಾವಳಿ ಆಫರ್ನ ವಿಶೇಷತೆ.
ಈ ಆಫರ್ ಅಕ್ಟೋಬರ್ 15ರಿಂದ ನವೆಂಬರ್ 15, 2025ರವರೆಗೆ ಲಭ್ಯವಿದ್ದು, ಬಿಎಸ್ಎನ್ಎಲ್ ತನ್ನ ಹೊಸ 4G ಸೇವೆಯನ್ನು ಭಾರತದೆಲ್ಲೆಡೆ ಗ್ರಾಹಕರಿಗೆ ಪರಿಚಯಿಸಲು ಈ ಯೋಜನೆ ತರಲಾಗಿದೆ. ಯಾವುದೇ ಸರ್ವಿಸ್ ಚಾರ್ಜ್ ಇಲ್ಲದೆ, ಬಳಕೆದಾರರು ಈ 30 ದಿನಗಳ ಕಾಲ ಉಚಿತವಾಗಿ ವೇಗದ ಇಂಟರ್ನೆಟ್ ಅನುಭವಿಸಬಹುದು.
ಈ ಯೋಜನೆಯಡಿ ಗ್ರಾಹಕರು ದಿನಕ್ಕೆ 2GB ಹೈ-ಸ್ಪೀಡ್ ಡೇಟಾ, ಅಪರಿಮಿತ ಕಾಲಿಂಗ್, ದಿನಕ್ಕೆ 100 SMS, ಮತ್ತು ಉಚಿತ SIM ಕಾರ್ಡ್ ಪಡೆಯುತ್ತಾರೆ. ಇದರ ಉದ್ದೇಶ, ದೇಶೀಯ ತಂತ್ರಜ್ಞಾನದಿಂದ ನಿರ್ಮಿತವಾದ ಬಿಎಸ್ಎನ್ಎಲ್ 4G ನೆಟ್ವರ್ಕ್ನ ಸಾಮರ್ಥ್ಯವನ್ನು ಹೊಸ ಬಳಕೆದಾರರಿಗೆ ತೋರಿಸುವುದು.
ಈ ಆಫರ್ ಪಡೆಯಲು ಗ್ರಾಹಕರು ಎರಡು ರೀತಿಯಲ್ಲಿ ನೋಂದಣಿ ಮಾಡಬಹುದು, ಸಮೀಪದ ಬಿಎಸ್ಎನ್ಎಲ್ ಸ್ಟೋರ್ನಲ್ಲಿ ನೇರವಾಗಿ ಅಥವಾ ಆನ್ಲೈನ್ ಮೂಲಕ ಮನೆಯಲ್ಲೇ ಸಿಮ್ ಆರ್ಡರ್ ಮಾಡಬಹುದು.
ಪೈಪೋಟಿಯ ದೃಷ್ಟಿಯಿಂದ ನೋಡಿದರೆ, ಖಾಸಗಿ ಟೆಲಿಕಾಂ ಕಂಪನಿ ಏರ್ಟೆಲ್ (Airtel) ಕೂಡ ₹979 ದಲ್ಲಿ 84 ದಿನಗಳ ಯೋಜನೆ ನೀಡುತ್ತಿದೆ, ಇದರಲ್ಲಿ ದಿನಕ್ಕೆ 2GB ಡೇಟಾ, ಅನಿಯಮಿತ ಕರೆಗಳು ಹಾಗೂ OTT ಪ್ಲಾಟ್ಫಾರ್ಮ್ಗಳ ಉಚಿತ ಪ್ರವೇಶವಿದೆ. ಆದರೆ ಬಿಎಸ್ಎನ್ಎಲ್ ಆಫರ್ ಕೇವಲ ₹1 ಮಾತ್ರ, ಹಬ್ಬದ ಕಾಲದಲ್ಲಿ ಅತ್ಯಂತ ಆಕರ್ಷಕ ಯೋಜನೆ ಎಂಬುದು ಖಚಿತ.
BSNL Diwali Offer, Get 2GB data daily
