50 ದಿನ ವ್ಯಾಲಿಡಿಟಿ, ದಿನಕ್ಕೆ 2GB ಡೇಟಾ! ಬಿಎಸ್‌ಎನ್‌ಎಲ್ ಹೊಸ ಪ್ಲಾನ್ ಬಿಡುಗಡೆ
ಕೇವಲ ₹347ಕ್ಕೆ ಬಿಎಸ್‌ಎನ್‌ಎಲ್ ಹೊಸ ಪ್ರೀಪೇಯ್ಡ್ ಪ್ಲಾನ್ ಬಿಡುಗಡೆ ಮಾಡಿದ್ದು, 50 ದಿನಗಳ ವ್ಯಾಲಿಡಿಟಿಯೊಂದಿಗೆ ದಿನಕ್ಕೆ 2GB ಡೇಟಾ, ಅನ್ಲಿಮಿಟೆಡ್ ಕಾಲ್ ಹಾಗೂ 100 SMS ಸೌಲಭ್ಯ ನೀಡುತ್ತಿದೆ.
BSNL Recharge Plan: ಖಾಸಗಿ ಟೆಲಿಕಾಂ ಕಂಪನಿಗಳಿಗೆ ಸ್ಪರ್ಧೆ ನೀಡುವ ನಿಟ್ಟಿನಲ್ಲಿ, ಸರ್ಕಾರಿ ಸಂಸ್ಥೆ ಬಿಎಸ್‌ಎನ್‌ಎಲ್ ಹೊಸ ಬಜೆಟ್ ಸ್ನೇಹಿ ಪ್ರೀಪೇಯ್ಡ್ ಪ್ಲಾನ್ ಅನ್ನು ಬಿಡುಗಡೆ ಮಾಡಿದೆ. ಕೇವಲ ₹347ಕ್ಕೆ ಲಭ್ಯವಿರುವ ಈ ಪ್ಲಾನ್‌ನಲ್ಲಿ ಅಚ್ಚರಿಯ ಸೌಲಭ್ಯಗಳನ್ನು ನೀಡಲಾಗಿದೆ. ಬಳಕೆದಾರರು ತಿಂಗಳಿಗೆ ಮತ್ತೆ ಮತ್ತೆ ರಿಚಾರ್ಜ್ ಮಾಡುವ ತೊಂದರೆ ಇಲ್ಲದೆ 50 ದಿನಗಳವರೆಗೆ ಸೇವೆ ಪಡೆಯಬಹುದು.
ಬಿಎಸ್‌ಎನ್‌ಎಲ್ ಸಾಮಾಜಿಕ ಮಾಧ್ಯಮಗಳ ಮೂಲಕ ಈ ಪ್ಲಾನ್‌ನ್ನು ಘೋಷಿಸಿದ್ದು, ದಿನಕ್ಕೆ 2GB ಹೈಸ್ಪೀಡ್ ಡೇಟಾ ನೀಡಲಿದೆ. ಡೇಟಾ ಲಿಮಿಟ್ ಮುಗಿದ ನಂತರ ವೇಗ 80kbps ಗೆ ಇಳಿಯುತ್ತದೆ. ಜೊತೆಗೆ ದೇಶವ್ಯಾಪಿ ಅನ್ಲಿಮಿಟೆಡ್ ಕಾಲಿಂಗ್ ಹಾಗೂ ಪ್ರತಿ ದಿನ 100 SMS ಗಳ ಸೌಲಭ್ಯವಿದೆ.
ಈ ಪ್ಲಾನ್‌ನ್ನು ಕಡಿಮೆ ದರದಲ್ಲಿ ಉತ್ತಮ ಫೀಚರ್‌ಗಳನ್ನು ಬಯಸುವ ಗ್ರಾಹಕರನ್ನು ಗಮನದಲ್ಲಿಟ್ಟುಕೊಂಡು ರೂಪಿಸಲಾಗಿದೆ. ಖಾಸಗಿ ಟೆಲಿಕಾಂ ಸಂಸ್ಥೆಗಳಂತಹ ಜಿಯೋ ಹಾಗೂ ಏರ್‌ಟೆಲ್ ಇಂತಹ ಪ್ಲಾನ್‌ಗಳನ್ನು ಹೆಚ್ಚು ಬೆಲೆಗೆ ನೀಡುತ್ತಿದ್ದರೆ, ಬಿಎಸ್‌ಎನ್‌ಎಲ್ ಅದೇ ಸೌಲಭ್ಯವನ್ನು ಕಡಿಮೆ ದರದಲ್ಲಿ ನೀಡುತ್ತಿದೆ ಎಂಬುದು ಗ್ರಾಹಕರಿಗೆ ಹರ್ಷದ ವಿಚಾರ.
ಇತ್ತೀಚೆಗೆ ಬಿಎಸ್‌ಎನ್‌ಎಲ್ ತನ್ನ 4G ಸೇವೆಗಳನ್ನು ಹಲವು ನಗರಗಳಲ್ಲಿ ವಿಸ್ತರಿಸಿದೆ. ಉತ್ತಮ ಕರೆ ಗುಣಮಟ್ಟ, ವೇಗದ ಇಂಟರ್ನೆಟ್ ಮತ್ತು ವಿಶ್ವಾಸಾರ್ಹ ಸೇವೆಯನ್ನು ಒದಗಿಸಲು ಕಂಪನಿ ಹೆಚ್ಚು ಒತ್ತು ನೀಡುತ್ತಿದೆ.
ಈ ಹೊಸ ಪ್ಲಾನ್‌ನಿಂದ ಬಿಎಸ್‌ಎನ್‌ಎಲ್ ತನ್ನ ಗ್ರಾಹಕರ ಸಂಖ್ಯೆಯನ್ನು ಹೆಚ್ಚಿಸಿಕೊಳ್ಳುವ ಸಾಧ್ಯತೆ ಹೆಚ್ಚು ಎಂದು ವಿಶ್ಲೇಷಕರು ಹೇಳಿದ್ದಾರೆ.
BSNL launches 50 days validity and 2GB daily data plan
