ಎಟಿಎಂ ಕಾರ್ಡ್ ಇಲ್ಲದೆ ಇದ್ರೂ ಫೋನ್ ಇದ್ರೆ ಸಾಕು, ಎಟಿಎಂನಲ್ಲಿ ಹಣ ಡ್ರಾ ಮಾಡಬಹುದು
ಇನ್ನು ಮುಂದೆ ಎಟಿಎಂ ಕಾರ್ಡ್ ಅಗತ್ಯವಿಲ್ಲದೇ, ಫೋನ್ ಮೂಲಕ ಯುಪಿಐ ಸ್ಕ್ಯಾನ್ ಮಾಡಿ ನಗದು ಡ್ರಾ ಮಾಡಿಕೊಳ್ಳುವ ವ್ಯವಸ್ಥೆಯನ್ನು ಎನ್‌ಪಿಸಿಐ ತರಲು ಸಿದ್ಧವಾಗಿದೆ. ಗ್ರಾಮೀಣ ಪ್ರದೇಶಕ್ಕೂ ಈ ಸೌಲಭ್ಯ ಸಿಗಲಿದೆ.
- ಯುಪಿಐ ಮೂಲಕ ನಗದು ಡ್ರಾ ವ್ಯವಸ್ಥೆ
- ಎಟಿಎಂ ಕಾರ್ಡ್ ಇಲ್ಲದೆ ಹಣ ತೆಗೆಯುವ ಅವಕಾಶ
- ಎನ್‌ಪಿಸಿಐ 20 ಲಕ್ಷಕ್ಕೂ ಹೆಚ್ಚು ಔಟ್‌ಲೆಟ್‌ಗಳು
Cardless Withdraw with UPI: ನಗದು ಬೇಕಾದಾಗ ತಕ್ಷಣ ಎಟಿಎಂ ಕಾರ್ಡ್ ಹುಡುಕಬೇಕಾದ ಅವಶ್ಯಕತೆ ಶೀಘ್ರದಲ್ಲೇ ಕೊನೆಗೊಳ್ಳಬಹುದು. ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಶನ್ ಆಫ್ ಇಂಡಿಯಾ (NPCI) ಕಾರ್ಡ್ ಇಲ್ಲದೆ ಯುಪಿಐ ಮೂಲಕ ನಗದು ಡ್ರಾ ಮಾಡುವ ಹೊಸ ವ್ಯವಸ್ಥೆ ತರಲು ಮುಂದಾಗಿದೆ.
ಪ್ರಸ್ತುತ ಎಲ್ಲೆಡೆ ಗೂಗಲ್ ಪೇ, ಫೋನ್‌ಪೇ, ಪೇಟಿಎಂ ಮುಂತಾದ ಆ್ಯಪ್‌ಗಳ ಮೂಲಕ ಸುಲಭವಾಗಿ ಪಾವತಿ ಮಾಡಬಹುದಾಗಿದೆ. ಆದರೆ ನಗದು ಅಗತ್ಯವಾದರೆ ಇನ್ನೂ ಕಾರ್ಡ್ ಅವಶ್ಯವಾಗುತ್ತದೆ. ಇದರಿಂದಾಗಿ ಎಟಿಎಂ ಸೇವೆಗಳಿಲ್ಲದ ಗ್ರಾಮೀಣ ಪ್ರದೇಶದ ಜನರಿಗೆ ತೊಂದರೆ ಉಂಟಾಗುತ್ತಿತ್ತು. ಈ ಸಮಸ್ಯೆ ಪರಿಹಾರಕ್ಕಾಗಿ ಎನ್‌ಪಿಸಿಐ ಹೊಸ ಪರಿಹಾರ ಕಂಡುಕೊಂಡಿದೆ.
ಹೊಸ ಯೋಜನೆಯಂತೆ ದೇಶದಾದ್ಯಂತ 20 ಲಕ್ಷಕ್ಕೂ ಹೆಚ್ಚು ಬಿಸಿನೆಸ್ ಕಾರೆಸ್ಪಾಂಡೆಂಟ್ ಔಟ್‌ಲೆಟ್‌ಗಳನ್ನು ಸ್ಥಾಪಿಸಲಾಗುತ್ತಿದೆ. ಈ ಔಟ್‌ಲೆಟ್‌ಗಳ ಮೂಲಕ ಗ್ರಾಹಕರು ಫೋನ್ ಯುಪಿಐ ಆ್ಯಪ್ ಬಳಸಿ ಗರಿಷ್ಠ ₹10,000 ವರೆಗೆ ನಗದು ಪಡೆಯಬಹುದು. ಇದರಿಂದ ದೂರದ ಹಳ್ಳಿಗಳಲ್ಲೂ ಜನರಿಗೆ ಹಣ ಸಿಗುವದು ಸುಲಭವಾಗಲಿದೆ.
ಈ ಬಿಸಿನೆಸ್ ಔಟ್‌ಲೆಟ್‌ಗಳಿಗೆ ಅಂಗಡಿ ಮಾಲೀಕರು ಮತ್ತು ಸಣ್ಣ ವ್ಯಾಪಾರಿಗಳು ಅರ್ಜಿ ಹಾಕಬಹುದು. ಅವರಿಗೆ ಪಾಯಿಂಟ್‌-ಆಫ್-ಸೆಲ್ ಮೆಷಿನ್ ಮತ್ತು ಕ್ಯೂಆರ್ ಕೋಡ್ ನೀಡಲಾಗುತ್ತದೆ. ನಂತರ ಗ್ರಾಹಕರು ಫೋನ್‌ಪೇ, ಗೂಗಲ್ ಪೇ, ಪೇಟಿಎಂ ಸೇರಿದಂತೆ ಯಾವುದೇ ಯೂಪಿಐ ಆ್ಯಪ್ ಮೂಲಕ ನೇರವಾಗಿ ನಗದು ಡ್ರಾ ಮಾಡಿಕೊಳ್ಳಬಹುದು.
ಅತ್ಯಂತ ಮುಖ್ಯವಾಗಿ, ಈ ಕಾರ್ಡ್‌ಲೆಸ್ ಯೂಪಿಐ ನಗದು ಡ್ರಾ ಸೇವೆಗೆ ಬ್ಯಾಂಕ್‌ಗಳು ಹೆಚ್ಚುವರಿ ಶುಲ್ಕವನ್ನು ವಿಧಿಸುವುದಿಲ್ಲ. ಗ್ರಾಮೀಣ ಪ್ರದೇಶದವರು ಹಾಗೂ ಎಟಿಎಂ ಕಾರ್ಡ್ ಬಳಸುವಲ್ಲಿ ಅನುಭವವಿಲ್ಲದವರಿಗೆ ಇದು ದೊಡ್ಡ ಅನುಕೂಲವಾಗಲಿದೆ.
Cardless Withdraw with UPI, Withdraw Money Without ATM Card
