ಬಜಾಜ್ ಚೇತಕ್ ಇಲೆಕ್ಟ್ರಿಕ್ ಸ್ಕೂಟರ್ ಮಾರಾಟದಲ್ಲಿ ಹೊಸ ದಾಖಲೆ

• ಒಂದೇ ತಿಂಗಳಲ್ಲಿ 34,863 ಚೇತಕ್ ಇವಿ ಮಾರಾಟ
• ವಾರ್ಷಿಕ 116% ವೃದ್ಧಿಯ ದಾಖಲೆ
• ಟಿವಿಎಸ್, ಓಲಾ, ಏಥರ್‌ಗೆ ತೀವ್ರ ಸ್ಪರ್ಧೆ

Electric Scooter: ಈಗ ಎಲ್ಲೆಲ್ಲೂ ಎಲೆಕ್ಟ್ರಿಕ್ ಸ್ಕೂಟರ್‌ಗಳ ಚರ್ಚೆ. ಆದರೆ ಕೆಲವೊಂದು ಕಂಪನಿಗಳು ಈ ಕ್ಷೇತ್ರದಲ್ಲಿ ನಿಜವಾಗಿಯೂ ಲೀಡರ್‌ಗಳಾಗಿವೆ ಅನ್ನೋದು ಮಾರ್ಚ್ 2025 ರ ದಾಖಲೆಗಳು ಹೇಳುತ್ತಿವೆ. ವಿಶೇಷವಾಗಿ ಬಜಾಜ್ ಆಟೋ ಬಿಡುಗಡೆ ಮಾಡಿದ ಚೆತಕ್ EV ಅಬ್ಬರ ಇನ್ನೂ ನಿಲ್ಲುತ್ತಿಲ್ಲ.

ಮಾರ್ಚ್ ತಿಂಗಳೊಳಗೆ 34,863 ಯೂನಿಟ್‌ಗಳನ್ನು ಮಾರಾಟ ಮಾಡಿರುವ ಚೆತಕ್‌ ಸ್ಕೂಟರ್ ಅನ್ನು ದಿನಕ್ಕೆ ಸರಾಸರಿ 1,124 ಮಂದಿ ಖರೀದಿಸಿದ್ದಾರೆ. ಇದೊಂದು ಸಾಧನೆಯೇ ಸರಿ, ಆದರೆ ಇದುವರೆಗೆ ಆರ್ಥಿಕ ವರ್ಷದಲ್ಲಿ ಬಜಾಜ್‌ ಮಾರಾಟ ಮಾಡಿದ ಒಟ್ಟು EV ಗಳು 2.3 ಲಕ್ಷದ ಗಡಿ ದಾಟಿವೆ. (Sales Growth) ದಿಕ್ಕಿನಲ್ಲಿ 116% ವೃದ್ಧಿ ಆಗಿದ್ದು, ಕಳೆದ ವರ್ಷ 1.06 ಲಕ್ಷ ಮಾರಾಟವಾಗಿತ್ತು.

ಈ ಸಾಧನೆಯ ಹಿಂದೆ ಡಿಸೆಂಬರ್ 2024ರಲ್ಲಿ ಪರಿಚಯಿಸಿದ ಹೊಸ 35 ಸಿರೀಸ್‌ ಮಾದರಿ ಪ್ರಮುಖ ಪಾತ್ರವಹಿಸಿದೆ. ಇದು ಗ್ರಾಹಕರಿಗೆ ಡಿಸೈನ್, ಪರ್ಫಾರ್ಮೆನ್ಸ್ ಮತ್ತು ವಿಶ್ವಾಸ ಕೊಡಲು ಯಶಸ್ವಿಯಾಗಿದೆ.

ಇದಕ್ಕೆ ಸಾಥ್ ನೀಡಿದ ಟಿವಿಎಸ್ ಕಂಪನಿಯ (TVS iQube) iQube ಮಾದರಿ ಮಾರ್ಚ್‌ನಲ್ಲಿ 30,453 ಯೂನಿಟ್‌ ಮಾರಾಟ ಮಾಡಿ 23% ಮಾರುಕಟ್ಟೆ ಷೇರ್‌ ಪಡೆದಿದೆ. ಈ ಕಂಪನಿಯ ವಾರ್ಷಿಕ ಮಾರಾಟ 2,37,551 ಯೂನಿಟ್‌ಗಳನ್ನು ತಲುಪಿದ್ದು, ಕಳೆದ ವರ್ಷದ 1.83 ಲಕ್ಷದ ಹೋಲಿಕೆಯಲ್ಲಿ 30% ಹೆಚ್ಚಾಗಿದೆ.

ಒಮ್ಮೆ ಎಲೆಕ್ಟ್ರಿಕ್ ಮಾರುಕಟ್ಟೆಯ (Market Share) ಕಿಂಗ್ ಆಗಿದ್ದ ಓಲಾ ಎಲೆಕ್ಟ್ರಿಕ್ (Ola Electric) ಈ ತಿಂಗಳು ಮೂರನೇ ಸ್ಥಾನ ಪಡೆದಿದ್ದು 23,430 ಯೂನಿಟ್‌ ಮಾರಾಟವಾಗಿದೆ. ಫೆಬ್ರವರಿಯಲ್ಲಿ ನಾಲ್ಕನೇ ಸ್ಥಾನಕ್ಕಿಳಿದಿದ್ದರೂ ಮತ್ತೆ ಮೇಲಕ್ಕೆ ಬರುವಲ್ಲಿ ಯಶಸ್ವಿಯಾಗಿದೆ.

ಆದರೆ ಏಥರ್ ಎನರ್ಜಿ (Ather Energy) 15,446 ಯೂನಿಟ್‌ಗಳನ್ನು ಮಾರಾಟ ಮಾಡಿ 12% ಷೇರ್‌ ಹೊಂದಿದೆ. ಈ ಕಂಪನಿಯ ಒಟ್ಟು ಮಾರಾಟ 1.30 ಲಕ್ಷದ ಗಡಿ ತಲುಪಿದ್ದು, 2024ರ 11.5% ಷೇರ್‌ನಿಂದ ಜಾಸ್ತಿಯೂ ಅಲ್ಲ ಕಡಿಮೆಯೂ ಅಲ್ಲದ ಸ್ಥಿತಿಯಲ್ಲಿದೆ.

ಇನ್ನೊಂದು ಗಮನ ಸೆಳೆದಿರುವ ಹೆಸರು ಹೀರೋ ಮೋಟೋಕಾರ್ಪ್ (Hero MotoCorp). ಇದು 7,977 ಯೂನಿಟ್‌ ಮಾರ್ಚ್‌ನಲ್ಲಿ ಮಾರಾಟ ಮಾಡಿ ಹಿಂದಿನ ತಿಂಗಳ ದಾಖಲೆಗಳನ್ನು ಮೀರಿಸಿದೆ. ಈ ಕಂಪನಿಯ ವಾರ್ಷಿಕ ಮಾರಾಟ ಈಗ 48,668 ಯೂನಿಟ್‌ಗಳನ್ನು ತಲುಪಿದ್ದು, 175% ಬೆಳವಣಿಗೆ ದಾಖಲಿಸಿದೆ.

ಎಲ್ಲದರಲ್ಲೂ ಹೆಚ್ಚು ಮುಖ್ಯವಾದ ಅಂಶವೆಂದರೆ – ಇವತ್ತಿನ ಭಾರತದ ಮಧ್ಯಮ ವರ್ಗದ ಜನರು (Middle Class) ಇಂಧನದ ಖರ್ಚಿನಿಂದ ಎಲೆಕ್ಟ್ರಿಕ್ ಸ್ಕೂಟರ್ ಕಡೆಗೆ ಆಕರ್ಷಿತರಾಗುತ್ತಿದ್ದಾರೆ. ಇಲ್ಲಿ ಬಜಾಜ್‌ ಮಾತ್ರವಲ್ಲ, ಟಿವಿಎಸ್, ಓಲಾ, ಏಥರ್, ಹೀರೋ ಎಲ್ಲವೂ ಎಲೆಕ್ಟ್ರಿಕ್ ಕ್ರಾಂತಿಯಲ್ಲಿ ತಮ್ಮದೇ ಆದ ಹಾದಿ ತೆರೆಯುತ್ತಿವೆ.

Chetak EV zooms past sales record in March

English Summary▼

Bajaj Auto has made history with its Chetak EV, recording 34,863 unit sales in March 2025. With an average of 1,124 units sold daily, the scooter has become a powerful symbol of India's electric vehicle transformation. The introduction of the new 35 Series in December 2024 further boosted its popularity.

While Bajaj led the charts, TVS followed closely with 30,453 iQube units, Ola Electric reclaimed its third position with 23,430 sales, and Ather Energy sold 15,446 units. Hero MotoCorp also saw a 175% growth in annual EV sales. The market is clearly moving toward sustainable, electric mobility with all major players showing strong performance.