ಸಿಹಿ ಸುದ್ದಿ.. ಗ್ಯಾಸ್ ಸಿಲಿಂಡರ್ ಬೆಲೆಯಲ್ಲಿ ಭಾರೀ ಇಳಿಕೆ! ಎಷ್ಟು ಇಳಿಕೆಯಾಗಿದೆ ಗೊತ್ತಾ
ಡಿಸೆಂಬರ್ 1ರಿಂದ ದೇಶದ ಗ್ಯಾಸ್ ಸಿಲಿಂಡರ್ ದರಗಳಲ್ಲಿ ಹೊಸ ಬದಲಾವಣೆ ಜಾರಿಗೆ ಬಂದಿದೆ. ವಾಣಿಜ್ಯ ಎಲ್ಪಿಜಿ ಸಿಲಿಂಡರ್‌ಗೆ ಮಾತ್ರ ದರ ಕಡಿತವಾಗಿದ್ದು, ಗೃಹ ಬಳಕೆ ಸಿಲಿಂಡರ್ ದರವು ಯಥಾಸ್ಥಿತಿ ಮುಂದುವರಿದಿದೆ.
LPG Cylinder Price Cut: ಡಿಸೆಂಬರ್ ತಿಂಗಳ ಮೊದಲ ದಿನವಾಗಿರುವ ಕಾರಣ, ದೇಶದಾದ್ಯಂತ ಗ್ಯಾಸ್ ಸಿಲಿಂಡರ್ ದರಗಳಲ್ಲಿ ಹೊಸ ಪರಿಷ್ಕರಣೆ ಜಾರಿಗೆ ಬಂದಿದೆ. ಪ್ರತೀ ತಿಂಗಳಂತೆ ಈ ಬಾರಿ ಕೂಡ ತೈಲ ಕಂಪನಿಗಳು ತಮ್ಮ ಹೊಸ ದರಪಟ್ಟಿ ಪ್ರಕಟಿಸಿವೆ.
ಗೃಹ ಬಳಕೆ ಸಿಲಿಂಡರ್ ದರದಲ್ಲಿ ಬದಲಾವಣೆಯಾಗದಿದ್ದರೂ, ವಾಣಿಜ್ಯ 19 ಕೆಜಿ ಎಲ್ಪಿಜಿ ಸಿಲಿಂಡರ್ ದರದಲ್ಲಿ ಸಣ್ಣ ಪ್ರಮಾಣದ ಇಳಿಕೆ ಕಂಡುಬಂದಿದೆ.
ವಾಣಿಜ್ಯ ಸಿಲಿಂಡರ್ ಬೆಲೆಯ ಇಳಿಕೆ ಕಳೆದ ಕೆಲವು ತಿಂಗಳಿಂದಲೇ ಮುಂದುವರಿಯುತ್ತಿದ್ದು, ಹೋಟೆಲ್ ವ್ಯವಹಾರ ಮತ್ತು ಕ್ಯಾಟರಿಂಗ್ ಕ್ಷೇತ್ರಕ್ಕೆ ಇದು ಸ್ವಲ್ಪ ಮಟ್ಟಿನ ನೆರವು ಎಂಬಂತೆ ಪರಿಣಿತರ ಅಭಿಪ್ರಾಯ. ನವೆಂಬರ್ ತಿಂಗಳಲ್ಲಿ ರೂ.5 ಕಡಿತವಾಗಿದ್ದರೆ, ಅಕ್ಟೋಬರ್‌ನಲ್ಲಿ ಸ್ವಲ್ಪ ಹೆಚ್ಚಳವೂ ಕಂಡಿತ್ತು. ಈ ಬಾರಿ ಡಿಸೆಂಬರ್‌ಗೆ ರೂ.10 ಇಳಿಕೆ ಪ್ರಕಟಿಸಲಾಗಿದೆ.
ದೆಹಲಿ ನಗರದಲ್ಲಿ 19 ಕೆಜಿ ವಾಣಿಜ್ಯ ಸಿಲಿಂಡರ್ ಹೊಸ ಬೆಲೆ ₹1580.50, ಹಿಂದಿನ ಬೆಲೆ ₹1590 ಆಗಿತ್ತು. ಕೋಲ್ಕತ್ತಾದಲ್ಲಿ ಹೊಸ ದರ ₹1684, ಮುಂಬೈಯಲ್ಲಿ ₹1531 ಹಾಗೂ ಚೆನ್ನೈನಲ್ಲಿ ₹1739 ಎಂದು ತೈಲ ಸಂಸ್ಥೆಗಳು ಮಾಹಿತಿ ನೀಡಿವೆ.
ಇನ್ನು ಗೃಹ ಬಳಕೆದಾರರು ಬಳಸುವ 14.2 ಕೆಜಿ ಡೊಮೆಸ್ಟಿಕ್ ಎಲ್ಪಿಜಿ ಸಿಲಿಂಡರ್ ದರದಲ್ಲಿ ಯಾವುದೂ ಬದಲಾವಣೆ ಆಗಿಲ್ಲ. ಏಪ್ರಿಲ್‌ನಲ್ಲಿ ನಡೆದಿರುವ ಪರಿಷ್ಕರಣೆ ಬಳಿಕ ದರಗಳು ಎಂದಿನಂತೆಯೇ ಮುಂದುವರಿದಿವೆ.
ದೆಹಲಿಯಲ್ಲಿ ಗೃಹ ಸಿಲಿಂಡರ್ ಬೆಲೆ ₹853, ಕೋಲ್ಕತ್ತಾದಲ್ಲಿ ₹879, ಮುಂಬೈಯಲ್ಲಿ ₹852, ಚೆನ್ನೈನಲ್ಲಿ ₹868 ಇದೆ. ಹೈದರಾಬಾದ್ ನಲ್ಲಿ 14.2 ಕೆಜಿ ಸಿಲಿಂಡರ್‌ಗೆ ₹861.96 ಇದೆ.
ಗ್ಯಾಸ್ ದರದ ಯಾವುದೇ ಬದಲಾವಣೆ ಸಾಮಾನ್ಯರ ದಿನನಿತ್ಯ ಖರ್ಚಿನ ಮೇಲೆ ನೇರ ಪರಿಣಾಮ ಬೀರುವುದರಿಂದ, ಜನರು ಪ್ರತೀ ತಿಂಗಳ ಮೊದಲ ದಿನ ಪ್ರಕಟವಾಗುವ ದರಗಳ ಕಡೆ ಕಣ್ಗಳನ್ನು ನೆಟ್ಟಿರುತ್ತಾರೆ. ಈ ಬಾರಿ ಗೃಹ ಬಳಕೆದಾರರಿಗೆ ಯಾವುದೇ ಹೊಸ ಭಾರವಿಲ್ಲದಿದ್ದರೂ, ವಾಣಿಜ್ಯ ಕ್ಷೇತ್ರಕ್ಕೆ ಸ್ವಲ್ಪ ರಿಲೀಫ್ ಲಭಿಸಿದೆ.
Commercial LPG Cylinder Price Cut in December
