Credit Card: ಕ್ರೆಡಿಟ್ ಕಾರ್ಡ್ ಬಿಲ್ ಕಟ್ಟಲು ಆಗುತ್ತಿಲ್ವಾ? ಹಾಗಾದ್ರೆ ಪರಿಹಾರ ಮಾರ್ಗಗಳಿವು
Credit Card: ಕ್ರೆಡಿಟ್ ಕಾರ್ಡ್ ಬಿಲ್ ಕಟ್ಟಲಾಗದ ಪರಿಸ್ಥಿತಿ ಎದುರಾದಾಗ ಆತಂಕ ಪಡುವ ಅವಶ್ಯಕತೆ ಇಲ್ಲ. ಬ್ಯಾಂಕ್ ಆಯ್ಕೆಗಳು, ಸ್ನೇಹಿತರ ಸಹಾಯ, ಪರ್ಸನಲ್ ಲೋನ್, ಇಎಂಐ ಸೌಲಭ್ಯಗಳಂತಹ ಮಾರ್ಗಗಳು ಲಭ್ಯ.
Credit Card: ಇಂದಿನ ಕಾಲದಲ್ಲಿ ಕ್ರೆಡಿಟ್ ಕಾರ್ಡ್ ಬಳಸದೆ ಇರುವವರು ವಿರಳರು. ಒಮ್ಮೆ ಬಳಕೆ ಆರಂಭಿಸಿದರೆ ತಿಂಗಳ ಹಿಂದೆ ತಿಂಗಳು ಖರ್ಚು ಹೆಚ್ಚುತ್ತಲೇ ಹೋಗುತ್ತದೆ. ಇದರ ಪರಿಣಾಮವಾಗಿ ಕೆಲವೊಮ್ಮೆ ಬಿಲ್‌ಗಳನ್ನು ಸರಿಯಾಗಿ ಕಟ್ಟಲಾಗದ ಪರಿಸ್ಥಿತಿ ಎದುರಾಗಬಹುದು. ಈ ತೊಂದರೆ ಎದುರಾದಾಗ ಕಂಗಾಲಾಗದೇ ಪರಿಹಾರ ಮಾರ್ಗಗಳನ್ನು ಹುಡುಕುವುದು ಉತ್ತಮ.
ಕೆಲವರಿಗೆ ಆಕಸ್ಮಿಕ ಖರ್ಚುಗಳು: ಉದಾಹರಣೆಗೆ ಆರೋಗ್ಯ ತುರ್ತು ಪರಿಸ್ಥಿತಿ ಅಥವಾ ಉದ್ಯೋಗ ನಷ್ಟ, ಕಾರಣವಾಗಿ ಪಾವತಿ ತಡವಾಗಬಹುದು. ಇಂತಹ ಸಂದರ್ಭಗಳಲ್ಲಿ ನೇರವಾಗಿ ಕಾರ್ಡ್ ಕಂಪನಿಯೊಂದಿಗೆ ಮಾತನಾಡಿ ಕಾರಣ ವಿವರಿಸಿದರೆ, ಬಡ್ಡಿದರ ಕಡಿತ, ಪಾವತಿ ದಿನಾಂಕ ಬದಲಾವಣೆ ಅಥವಾ ಇಎಂಐ ಅವಧಿ ವಿಸ್ತರಣೆ ಸೌಲಭ್ಯ ಸಿಗಬಹುದು.
ಅದೇ ರೀತಿ ಬಿಲ್ ಮೊತ್ತ ಕಡಿಮೆಯಿದ್ದರೆ, ಸ್ನೇಹಿತರು ಅಥವಾ ಬಾಂಧವರಿಂದ ತಾತ್ಕಾಲಿಕ ನೆರವು ಪಡೆಯುವುದು ಸಹ ಒಂದು ಆಯ್ಕೆ. ಆದರೆ ಇದನ್ನು ಸಾಲವಲ್ಲ, ಬದಲಿಗೆ ಬದಲಿ ಸಹಾಯವಾಗಿ ಪಡೆಯುವುದು ಸೂಕ್ತ. ಏಕೆಂದರೆ ಖಾಸಗಿ ಸಾಲದ ಬಡ್ಡಿ ಕ್ರೆಡಿಟ್ ಕಾರ್ಡ್ ಬಡ್ಡಿಗಿಂತ ಹೆಚ್ಚಾಗಿರಬಹುದು.
ಇದನ್ನೂ ಓದಿ: Personal Loan: ಪರ್ಸನಲ್ ಲೋನ್ ತೆಗೆದುಕೊಳ್ಳುವ ಮುನ್ನ ತಪ್ಪದೆ ತಿಳಿಯಬೇಕಾದ ಸಂಗತಿಗಳು!
ಹೆಚ್ಚಿನ ಕಾರ್ಡ್‌ಗಳು ಮತ್ತು ದೊಡ್ಡ ಮೊತ್ತದ ಬಿಲ್‌ಗಳನ್ನು ನಿರ್ವಹಿಸಲು ಪರ್ಸನಲ್ ಲೋನ್ ತೆಗೆದು ಎಲ್ಲಾ ಬಿಲ್‌ಗಳನ್ನು ಒಂದೇ ಸಲ ಕ್ಲಿಯರ್ ಮಾಡುವುದು ಉತ್ತಮ ಕ್ರಮ. ಈ ಮೂಲಕ ಹೆಚ್ಚಿನ ಬಡ್ಡಿಯನ್ನು ತಪ್ಪಿಸಿ, ಕೇವಲ ಒಂದು ಸಾಲದ ಇಎಂಐ ಕಟ್ಟುವ ಮೂಲಕ ನಿಯಂತ್ರಣ ಸಾಧಿಸಬಹುದು.
ಆದರೆ ಇನ್ನೊಂದು ಕಾರ್ಡ್ ಅಥವಾ ಆಪ್ ಮೂಲಕ ಹಣ ತೆಗೆದು ಹಳೆಯ ಬಿಲ್ ಕಟ್ಟುವ ‘ರೋಟೇಶನ್’ ವಿಧಾನವನ್ನು ತಪ್ಪಿಸಬೇಕು. ಇದು ಸಾಲದ ಚಕ್ರವ್ಯೂಹವನ್ನು ಮತ್ತಷ್ಟು ದೊಡ್ಡದಾಗಿಸುತ್ತದೆ.
ಅಂತಿಮವಾಗಿ, ಕ್ರೆಡಿಟ್ ಕಾರ್ಡ್ ಖರ್ಚು ತಲೆನೋವಿನಂತೆ ಅನಿಸಿದರೆ ಅವಶ್ಯಕತೆಗೆ ತಕ್ಕಷ್ಟು ಕಾರ್ಡ್‌ಗಳನ್ನು ಉಳಿಸಿಕೊಂಡು, ಉಳಿದವುಗಳನ್ನು ಮುಚ್ಚುವುದು ಒಳಿತು. ಕಡಿಮೆ ಲಿಮಿಟ್ ಇರುವ ಕಾರ್ಡ್ ಬಳಸುವುದರಿಂದ ಅನಗತ್ಯ ಖರ್ಚು ತಪ್ಪಬಹುದು.
Credit Card Bill Payment Smart Options
