ನಿಮ್ಮತ್ರ ಕ್ರೆಡಿಟ್ ಕಾರ್ಡ್ ಇದಿಯಾ? ಹಾಗಾದ್ರೆ, ಅಪ್ಪಿತಪ್ಪಿಯೂ ಈ ತಪ್ಪನ್ನು ಮಾಡಬೇಡಿ
Credit Card: ಕ್ರೆಡಿಟ್ ಕಾರ್ಡ್ ಮೂಲಕ ಕ್ಯಾಶ್ ವಿತ್‌ಡ್ರಾ ಮಾಡುವುದು ಸುಲಭವಾದರೂ, ಅದರಲ್ಲಿ ಇರುವ ಹೆಚ್ಚಿನ ಬಡ್ಡಿ, ಫೀ ಮತ್ತು ನಿಯಮಗಳನ್ನು ಗಮನಿಸದರೆ ಗ್ರಾಹಕರು ದೊಡ್ಡ ಆರ್ಥಿಕ ನಷ್ಟಕ್ಕೆ ಒಳಗಾಗುವ ಸಾಧ್ಯತೆ ಇರುತ್ತದೆ.
Credit Card: ಕ್ರೆಡಿಟ್ ಕಾರ್ಡ್‌ನ್ನು ಹೊಂದಿರುವವರು ತುರ್ತು ಅವಶ್ಯಕತೆಯಲ್ಲಿ ನೇರವಾಗಿ ನಗದು ತೆಗೆದುಕೊಳ್ಳಲು ‘ಕ್ಯಾಶ್ ಅಡ್ವಾನ್ಸ್’ ಅನ್ನು ಬಳಸುತ್ತಾರೆ. ದೇಶದಾದ್ಯಂತ ಇರುವ ಎಟಿಎಂ‌ಗಳಲ್ಲಿ ಕೇವಲ ಕಾರ್ಡ್‌ನಿಂದಲೇ ನಗದು ಪಡೆಯಲು ಸಾಧ್ಯವಾದರೂ, ಇದರಲ್ಲಿ ಅಡಗಿರುವ ಹೆಚ್ಚಿನ ಬಡ್ಡಿ ಮತ್ತು ಶುಲ್ಕಗಳ ಬಗ್ಗೆ ಹಲವಾರು ಜನರಿಗೆ ಸರಿಯಾದ ಅರಿವು ಇರುವುದಿಲ್ಲ.
ಕ್ಯಾಶ್ ವಿತ್‌ಡ್ರಾದ ದೊಡ್ಡ ತೊಂದರೆ ಎಂದರೆ ಬಡ್ಡಿ ಲೆಕ್ಕಾಚಾರ ತಕ್ಷಣ ಆರಂಭವಾಗುವುದು. ಸಾಮಾನ್ಯ ಖರೀದಿಗೆ ನೀಡಲಾಗುವ ಗ್ರೀಸ್ ಪಿರಿಯಡ್ ಇಲ್ಲಿ ಅನ್ವಯಿಸುವುದಿಲ್ಲ.
36% ರಿಂದ 48% ರಷ್ಟು ವಾರ್ಷಿಕ ಬಡ್ಡಿ ದರಗಳು ವಿಧಿಸಲಾಗುವುದರಿಂದ, ಈ ಮೊತ್ತವನ್ನು ತಡವಾಗಿ ಪಾವತಿಸಿದರೆ ವೆಚ್ಚ ಅತಿಯಾಗಿ ಹೆಚ್ಚುತ್ತದೆ. ಇದಲ್ಲದೆ ಕ್ರೆಡಿಟ್ ಸ್ಕೋರ್‌ನ ಮೇಲೂ ಕೆಟ್ಟ ಪರಿಣಾಮ ಬೀಳುತ್ತದೆ.
ಭಾರತೀಯ ರಿಸರ್ವ್ ಬ್ಯಾಂಕ್ ಕ್ರೆಡಿಟ್ ಕಾರ್ಡ್ ನಿಯಮಗಳನ್ನು (Credit Card Rules) ಕಟ್ಟುನಿಟ್ಟಾಗಿಸಿದ್ದರೂ, ಕೆಲವು ಎಟಿಎಂ‌ಗಳಲ್ಲಿ ಪಿನ್ ಇಲ್ಲದೆ ನಗದು ಲಭ್ಯವಾಗುವುದು ಅನೇಕ ಗ್ರಾಹಕರಿಗೆ ಅಪರಿಚಿತ ಮಾಹಿತಿ.
ಇದನ್ನೂ ಓದಿ: ಗೋಲ್ಡ್ ಲೋನ್ ಹಿಂತಿರುಗಿಸುವಾಗ ಈ ತಪ್ಪು ಮಾಡಬೇಡಿ! ಹೆಚ್ಚು ಬಡ್ಡಿ ಕಟ್ಟಬೇಕಾಗುತ್ತೆ
ಬ್ಯಾಂಕ್‌ಗಳು 2.5%–3.5% ವರೆಗೆ ಫೀ ವಸೂಲಿಸುವುದು ಸಾಮಾನ್ಯ. ಕೆಲ ಸಂದರ್ಭಗಳಲ್ಲಿ ರೂ.300–500 ಫಿಕ್ಸ್‌ಡ್‌ ಫೀ ಕೂಡ ಇರಬಹುದು. ವಿದೇಶಿ ಕರೆನ್ಸಿ ಡ್ರಾ ಮಾಡಿದರೆ ಹೆಚ್ಚುವರಿ ಶುಲ್ಕ ಅನಿವಾರ್ಯ.
ಇನ್ನೊಂದೆಡೆ, ಕ್ಯಾಶ್ ಅಡ್ವಾನ್ಸ್ ಕೆಲವು ಲಾಭಗಳನ್ನೂ ನೀಡುತ್ತದೆ. ತುರ್ತು ಪರಿಸ್ಥಿತಿಯಲ್ಲಿ ತಕ್ಷಣ ಹಣ ದೊರೆಯುವುದು, ಯಾವುದೇ ಪೇಪರ್‌ವರ್ಕ್ ಅಗತ್ಯವಿಲ್ಲದಿರುವುದು ಮತ್ತು ದೇಶದ ಯಾವುದೇ ಎಟಿಎಂನಲ್ಲಿ ಹಣ ಪಡೆಯುವ ಸೌಲಭ್ಯ ಗ್ರಾಹಕರಿಗೆ ಅನುಕೂಲಕರವಾಗಿರುತ್ತದೆ. ಆದರೂ ಹೆಚ್ಚಿನ ಬಡ್ಡಿ ದರವು ಈ ಸೌಕರ್ಯವನ್ನು ದುಬಾರಿ ಮಾಡುತ್ತದೆ.
ಹೀಗಾಗಿ ತಜ್ಞರು ಕ್ರೆಡಿಟ್ ಕಾರ್ಡ್ ಕ್ಯಾಶ್ ವಿತ್‌ಡ್ರಾವನ್ನು ಅತ್ಯವಶ್ಯಕತೆ ಇದ್ದಾಗ ಮಾತ್ರ ಬಳಸಲು ಸಲಹೆ ಕೊಡುತ್ತಾರೆ. ಬೇಡದ ಮಟ್ಟಿಗೆ ಹೆಚ್ಚಿನ ಮೊತ್ತ ತೆಗೆದುಕೊಳ್ಳಬಾರದು.
ಇದನ್ನೂ ಓದಿ: ಸಾಲ ಪಡೆದ ವ್ಯಕ್ತಿ ಅಕಸ್ಮಾತ್ ಸಾವನ್ನಪ್ಪಿದಾಗ ಬ್ಯಾಂಕ್ ಏನು ಮಾಡುತ್ತದೆ ಗೊತ್ತಾ?
ತೆಗೆದುಕೊಂಡ ಮೊತ್ತವನ್ನು ಬೇಗನೇ ಪಾವತಿಸಿದರೆ ಆರ್ಥಿಕ ಒತ್ತಡ ಕಡಿಮೆಯಾಗುತ್ತದೆ. ಕಾರ್ಡ್‌ನ ನಿಯಮಗಳು, ಫೀ ಹಾಗೂ ಬಡ್ಡಿ ವಿವರಗಳನ್ನು ಸದಾ ಓದಿ, ಕಡಿಮೆ ಶುಲ್ಕ ಇರುವ ಕಾರ್ಡ್‌ಗಳನ್ನು ಆಯ್ಕೆ ಮಾಡುವುದು ಸೂಕ್ತ.
Credit Card Cash Withdrawal Warning
