ಲೋನ್ ಪಡೆಯೋಕೆ, ಕ್ರೆಡಿಟ್ ಕಾರ್ಡ್ ಪಡೆಯೋಕೆ ಕ್ರೆಡಿಟ್ ಸ್ಕೋರ್ ಎಷ್ಟು ಮುಖ್ಯ ಗೊತ್ತಾ?

Credit Score: ಸಾಲ ಅಥವಾ ಕ್ರೆಡಿಟ್ ಕಾರ್ಡ್ ತಕ್ಷಣ ಮಂಜೂರಾಗಬೇಕೆಂದರೆ ನಿಮ್ಮ ಕ್ರೆಡಿಟ್ ಸ್ಕೋರ್ ಉತ್ತಮವಾಗಿರಬೇಕು. 700 ಕ್ಕಿಂತ ಮೇಲಾಗಿದ್ದರೆ ಗುಡ್, 750 ಮೀರಿದರೆ ಬೆಸ್ಟ್ ಎಂದು ಪರಿಗಣಿಸಲಾಗುತ್ತದೆ. 800 ಕ್ಕಿಂತ ಅಧಿಕ ಇದ್ದರೆ ನಿಮ್ಮ ಕ್ರೆಡಿಟ್ ಹಿಸ್ಟರಿ ಅತ್ಯುತ್ತಮ ಎಂದು ಅರ್ಥ.

ರೀಪೇಮೆಂಟ್ ಕ್ರೆಡಿಟ್ ಸ್ಕೋರ್‌ನ ಪ್ರಮುಖ ಅಂಶ. ನೀವು ತೆಗೆದುಕೊಂಡಿರುವ ಸಾಲಗಳು ಅಥವಾ ಕ್ರೆಡಿಟ್ ಕಾರ್ಡ್ (Credit Card) ಬಾಕಿ ಮೊತ್ತಗಳನ್ನು ಸಮಯಕ್ಕೆ ಪಾವತಿಸಿದರೆ ಸ್ಕೋರ್ ಉತ್ತಮವಾಗಿರುತ್ತದೆ. ಆದರೆ ವಿಳಂಬವಾದರೆ ಅಥವಾ ಫೈನ್ ಪಾವತಿಸಿದರೆ ಸ್ಕೋರ್ ಕುಸಿಯುತ್ತದೆ. ಹಳೆಯ ಬಾಕಿ ಪಾವತಿಗಳು ಸ್ಕೋರ್ ಮೇಲೆ ನೇರ ಪರಿಣಾಮ ಬೀರುತ್ತವೆ.

ಕ್ರೆಡಿಟ್ ಯುಟಿಲೈಸೇಶನ್ ಕೂಡ ಪ್ರಮುಖ. ನಿಮ್ಮ ಕ್ರೆಡಿಟ್ ಕಾರ್ಡ್ ಲಿಮಿಟ್‌ನ 30 ಶೇಕಡಕ್ಕಿಂತ ಹೆಚ್ಚು ಖರ್ಚು ಮಾಡಬಾರದು. ಉದಾಹರಣೆಗೆ, ಒಂದು ಲಕ್ಷ ಲಿಮಿಟ್ ಇದ್ದರೆ ತಿಂಗಳಿಗೆ 30 ಸಾವಿರಕ್ಕಿಂತ ಹೆಚ್ಚು ಬಳಸದೇ ಇದ್ದರೆ ಸ್ಕೋರ್ ಹೆಚ್ಚುತ್ತದೆ. ಆದರೆ ಫುಲ್ ಲಿಮಿಟ್ ಬಳಸಿದರೆ ಅದು ಹಾನಿಕಾರಕ.

ಮಲ್ಟಿಪಲ್ ಲೋನ್ಸ್ ತೆಗೆದುಕೊಂಡು ಸರಿಯಾಗಿ ಪಾವತಿಸುವವರಿಗೂ ಉತ್ತಮ ಸ್ಕೋರ್ ಸಿಗುತ್ತದೆ. ಹೋಮ್ ಲೋನ್ (Home Loan), ವಾಹನ ಸಾಲ (Vehicle Loan), ಪರ್ಸನಲ್ ಲೋನ್ (Personal Loan) ಎಲ್ಲವನ್ನೂ ನಿಭಾಯಿಸಿದರೆ ನಿಮ್ಮ ಕ್ರೆಡಿಟ್ ಪ್ರೊಫೈಲ್ ಬಲವಾಗುತ್ತದೆ.

ಹಳೆಯ ಕ್ರೆಡಿಟ್ ಕಾರ್ಡ್‌ಗಳನ್ನು ಬಳಕೆಯಿಲ್ಲದೆ ಬಿಟ್ಟುಬಿಟ್ಟರೆ ಸ್ಕೋರ್ ಮೇಲೆ ನೆಗೆಟಿವ್ ಎಫೆಕ್ಟ್ ಆಗಬಹುದು. ಆದ್ದರಿಂದ ಅವುಗಳನ್ನು ಆಕ್ಟಿವ್ ಇಡಬೇಕು ಅಥವಾ ಕೆಲವೊಮ್ಮೆ ಬಳಸಬೇಕು.

ಒಟ್ಟಿಗೆ ಹಲವು ಸಾಲದ ಅರ್ಜಿಗಳನ್ನು ಹಾಕಿದರೆ ಸ್ಕೋರ್ ಕಡಿಮೆಯಾಗುವ ಸಾಧ್ಯತೆ ಇದೆ. ಅಷ್ಟೇ ಅಲ್ಲದೆ, ಹೆಚ್ಚು ಕಂಪನಿಗಳು ನಿಮ್ಮ ಸ್ಕೋರ್ ಒಂದೇ ವೇಳೆ ಪರಿಶೀಲಿಸಿದರೂ ಪಾಯಿಂಟ್ಸ್ ಕುಸಿಯಬಹುದು.

Credit Score, Why it matters for Loans and Cards