ಈ ಗಾಡಿಗೆ ಲೈಸೆನ್ಸ್ ಬೇಕಿಲ್ಲ! ಕೇವಲ ₹41,999ಕ್ಕೆ ಹೊಸ ಎಲೆಕ್ಟ್ರಿಕ್ ಸ್ಕೂಟರ್ ಬಿಡುಗಡೆ
Electric Scooter: EOX ZUKI ಎಲೆಕ್ಟ್ರಿಕ್ ಸ್ಕೂಟರ್ ಇದೀಗ ಭಾರತ ಮಾರುಕಟ್ಟೆಯಲ್ಲಿ ಕೇವಲ ₹41,999ಕ್ಕೇ ಲಭ್ಯ. ಲೈಸೆನ್ಸ್ ಅಥವಾ ರಿಜಿಸ್ಟ್ರೇಶನ್ ಅಗತ್ಯವಿಲ್ಲ, ಮನೆಯಲ್ಲೇ ಚಾರ್ಜ್ ಮಾಡಬಹುದಾದ ವೈಶಿಷ್ಟ್ಯವೂ ಇದೆ.
- ಎಲೆಕ್ಟ್ರಿಕ್ ಸ್ಕೂಟರ್ ಕೇವಲ ₹41,999
- ಲೈಸೆನ್ಸ್ ಬೇಡ, ಚಾರ್ಜಿಂಗ್ ಸುಲಭ
- 50 ಕಿಮೀ ಮೈಲೇಜ್ ನೀಡೋ ಮಾದರಿ
Electric Scooter: ಎಲೆಕ್ಟ್ರಿಕ್ ವಾಹನಗಳ ಜನಪ್ರಿಯತೆ ಭಾರತದಲ್ಲಿ ದಿನೇದಿನೇ ಏರುತ್ತಿದೆ. ಈ ನಡುವೆ ಹೊಸ EOX ZUKI ಎಲೆಕ್ಟ್ರಿಕ್ ಸ್ಕೂಟರ್ ತನ್ನ ಕಡಿಮೆ ಬೆಲೆ ಹಾಗೂ ವೈಶಿಷ್ಟ್ಯಗಳಿಂದ ಗಮನ ಸೆಳೆಯುತ್ತಿದೆ. ಕೇವಲ ₹41,999 ದರದಲ್ಲಿ ಈ ಸ್ಕೂಟರ್ ಅಮೆಜಾನ್‌ನಲ್ಲಿ ಲಭ್ಯವಾಗುತ್ತಿದೆ.
ಕಂಪನಿ ಪ್ರಕಾರ, ಈ ಸ್ಕೂಟರ್‌ನ ಗರಿಷ್ಠ ವೇಗ ಗಂಟೆಗೆ 25 ಕಿಮೀ. ಆಗುವುದರಿಂದ ಯಾವುದೇ ಡ್ರೈವಿಂಗ್ ಲೈಸೆನ್ಸ್ ಅಥವಾ ರಿಜಿಸ್ಟ್ರೇಶನ್ ಅಗತ್ಯವಿಲ್ಲ. ಇದು ಪ್ರಾರಂಭಿಕ ಸವಾರರಿಗೆ, ವಿದ್ಯಾರ್ಥಿಗಳಿಗೆ ಹಾಗೂ ಹಿರಿಯ ನಾಗರಿಕರಿಗೆ ಸೂಕ್ತವಾಗಿದೆ.
ಸ್ಕೂಟರ್‌ನಲ್ಲಿ 48V ಲಿಥಿಯಂ-ಐಯಾನ್ ಬ್ಯಾಟರಿ ಅಳವಡಿಸಲಾಗಿದೆ. ಅದನ್ನು ಮನೆಯಲ್ಲಿಯೇ ಸುಲಭವಾಗಿ ತೆಗೆದು ಚಾರ್ಜ್ ಮಾಡಬಹುದು. ಬ್ಯಾಟರಿ ಸಂಪೂರ್ಣ ಚಾರ್ಜ್ ಆಗಲು 4 ರಿಂದ 6 ಗಂಟೆ ಸಮಯ ಬೇಕಾಗುತ್ತದೆ. ಸಂಪೂರ್ಣ ಚಾರ್ಜ್ ಆದ ಬಳಿಕ ಪವರ್ ಸ್ವಯಂಚಾಲಿತವಾಗಿ ನಿಂತು ವಿದ್ಯುತ್ ವ್ಯರ್ಥವನ್ನು ತಪ್ಪಿಸುತ್ತದೆ.
ಸುರಕ್ಷತೆಯ ದೃಷ್ಟಿಯಿಂದ, ಇದು IP-67 ವಾಟರ್‌ಪ್ರೂಫ್ ಮತ್ತು ಫೈರ್‌ಪ್ರೂಫ್ ವ್ಯವಸ್ಥೆಯೊಂದಿಗೆ ಬಂದಿದೆ. BLDC ಪ್ರಕಾರದ ಮೋಟರ್‌ನಿಂದ ನೀರಿನಲ್ಲಿ ತೇವವಾದರೂ ಹಾನಿ ಆಗುವುದಿಲ್ಲ. ಮೂರು ಡ್ರೈವಿಂಗ್ ಮೋಡ್‌ಗಳು.. ಎಕೋ, ಸ್ಪೋರ್ಟ್ ಮತ್ತು ಹೈ ನೀಡಲಾಗಿದೆ.
ಡಿಸೈನ್‌ ದೃಷ್ಟಿಯಿಂದಲೂ ಈ ಸ್ಕೂಟರ್ ಆಕರ್ಷಕವಾಗಿದೆ. ಮುಂಭಾಗದಲ್ಲಿ ಡಿಸ್ಕ್ ಬ್ರೇಕ್‌, ಹಿಂಭಾಗದಲ್ಲಿ ಡ್ರಮ್ ಬ್ರೇಕ್‌, ಡಿಜಿಟಲ್ ಡಿಸ್‌ಪ್ಲೇ ಹಾಗೂ ಟ್ಯೂಬ್‌ಲೆಸ್ ಟೈರ್‌ಗಳಿವೆ. ಜೊತೆಗೆ ಪಾರ್ಕಿಂಗ್ ಮೋಡ್, ರಿವರ್ಸ್ ಮೋಡ್, ಆಂಟಿ-ಥೆಫ್ಟ್ ಲಾಕ್ ಮತ್ತು DLR LED ಲೈಟ್‌ಗಳು ಕೂಡ ಒಳಗೊಂಡಿವೆ.
ಬ್ಯಾಟರಿಯ ಒಂದು ಸಂಪೂರ್ಣ ಚಾರ್ಜ್‌ನಲ್ಲಿ ಈ ಸ್ಕೂಟರ್ 40 ರಿಂದ 50 ಕಿಲೋಮೀಟರ್ ವರೆಗೆ ಓಡುತ್ತದೆ. ಕಂಪನಿಯ ಪ್ರಕಾರ, 100 ಕಿಮೀ ಪ್ರಯಾಣಕ್ಕೆ ಕೇವಲ ₹20 ವೆಚ್ಚವಾಗುತ್ತದೆ.
ಈ ಮಾದರಿಯ ಮಾರುಕಟ್ಟೆ ಬೆಲೆ ₹59,999 ಆಗಿದ್ದರೂ, ಆನ್‌ಲೈನ್ ಆಫರ್‌ನಡಿ ₹44,999ಕ್ಕೆ ಲಭ್ಯವಿದೆ. ಕೆಲ ಕ್ರೆಡಿಟ್ ಕಾರ್ಡ್‌ಗಳಲ್ಲಿ ಹೆಚ್ಚುವರಿ ₹3,000 ರಿಯಾಯಿತಿ ದೊರೆಯುವುದರಿಂದ, ಅಂತಿಮ ಬೆಲೆ ₹41,999ಕ್ಕೆ ಇಳಿಯುತ್ತದೆ. EMI ಆಯ್ಕೆಯಲ್ಲಿ ತಿಂಗಳಿಗೆ ₹2,182 ಪಾವತಿಸಿ ಖರೀದಿಸಬಹುದು.
ಆದರೆ, ಕೆಲವರು ಗುಣಮಟ್ಟದ ಕುರಿತು ಮಿಶ್ರ ಪ್ರತಿಕ್ರಿಯೆ ನೀಡಿರುವುದರಿಂದ, ಖರೀದಿ ಮಾಡುವ ಮುನ್ನ ಗ್ರಾಹಕ ವಿಮರ್ಶೆ ಹಾಗೂ ಫೋಟೋಗಳನ್ನು ಪರಿಶೀಲಿಸಲು ಸಲಹೆ ನೀಡಲಾಗಿದೆ.
Electric Scooter at 41,999, No License Needed
