ಇನ್ಮುಂದೆ ಪತಿಯ ಬ್ಯಾಂಕ್ ಖಾತೆಯಿಂದ ಪತ್ನಿಯೂ ಯುಪಿಐ ಪಾವತಿ ಮಾಡಬಹುದು - UPI Payments
UPI Circle ಮೂಲಕ ಕುಟುಂಬದಲ್ಲೇ ನಂಬಿಕೆಯ ಜನರಿಗೆ ಪಾವತಿ ಹಕ್ಕು ನೀಡಲು NPCI ಹೊಸ ಅವಕಾಶ ಕೊಟ್ಟಿದೆ. ಮಾಸಿಕ ಮಿತಿಯೊಂದಿಗೆ ಸುರಕ್ಷಿತವಾಗಿ ಪಾವತಿಗಳನ್ನು ಹಂಚಿಕೊಳ್ಳಲು ಇದು ಸಹಾಯಕ.
UPI Payments: ಡಿಜಿಟಲ್ ಪೇಮೆಂಟ್ ಈಗ ನಮ್ಮ ದೈನಂದಿನ ಜೀವನದಷ್ಟೇ ಗಟ್ಟಿಯಾಗಿ ಬೆಸೆದುಕೊಂಡಿದೆ. ಹೀಗಿರುವಾಗ ಮನೆಯೊಳಗಿನ ಸಾಮಾನ್ಯ ಖರ್ಚು, ಮಕ್ಕಳ ಶಿಕ್ಷಣ ವೆಚ್ಚ, ಅಥವಾ ತಾಯಂದಿರು, ಪೋಷಕರ ದಿನನಿತ್ಯದ ಪಾವತಿಗಳನ್ನು ಹಂಚಿಕೊಳ್ಳೋದು ಇನ್ನೂ ಸುಲಭವಾಯ್ತು. NPCI BHIM Services Ltd ಹೊಸದಾಗಿ ತಂದಿರುವ UPI Circle Full Delegation ವೈಶಿಷ್ಟ್ಯ ಇದನ್ನೇ ನೇರವಾಗಿ ಸಾಧ್ಯ ಮಾಡ್ತಿದೆ.
ಈ ಫೀಚರ್ನಿಂದ, ಪತಿ ತಮ್ಮ ಬ್ಯಾಂಕ್ ಖಾತೆಯಿಂದ ಪತ್ನಿಗೆ ನೇರವಾಗಿ ಯುಪಿಐ ಮೂಲಕ ಪಾವತಿ ಮಾಡುವ ಅನುಮತಿ ಕೊಡಬಹುದು. ಅದೇ ರೀತಿ, ಮಗನ ಖಾತೆಯಿಂದ ತಂದೆ–ತಾಯಿ ಪಾವತಿ ಮಾಡಬಹುದು, ಉದ್ಯೋಗದಾತರು ಸಣ್ಣ ಖರ್ಚುಗಳಿಗೆ ಸ್ಟಾಫ್ಗೆ ಅನುಮತಿ ನೀಡಬಹುದು. ಇದರಿಂದ ನಿತ್ಯ ಖರ್ಚುಗಳ ಸ್ಪಷ್ಟತೆ ಮಾತ್ರವಲ್ಲ, ಸಮಯ ಉಳಿಯುತ್ತದೆ, ಗೊಂದಲಗಳೇ ಇಲ್ಲ.
ಈ ವೈಶಿಷ್ಟ್ಯದ ವಿಶೇಷತೆ ಏನೆಂದರೆ, ಮಾಸಿಕ ಮಿತಿಯನ್ನು ಮೊದಲೇ ನಿಗದಿ ಮಾಡಬಹುದು. ಪ್ರತಿ ತಿಂಗಳು ಗರಿಷ್ಠ ₹15,000 ವರೆಗೆ ಮಿತಿಯನ್ನು ಇಡಬಹುದು ಮತ್ತು ಆ ಹಕ್ಕಿನ ಅವಧಿ 5 ವರ್ಷಗಳವರೆಗೆ ಇರಬಹುದು. ಹೀಗಾಗಿ ಮುಖ್ಯ ಖಾತೆದಾರರಿಗೆ ಸಂಪೂರ್ಣ ನಿಯಂತ್ರಣ ಕಳೆದುಕೊಳ್ಳುವ ಭಯವಿಲ್ಲ. ಅವರು ಯಾವತ್ತೂ ಎಲ್ಲ ಟ್ರಾನ್ಸಾಕ್ಷನ್ಗಳನ್ನು ಲೈವ್ ಆಗಿ ನೋಡಬಹುದು.
ಹಿರಿಯ ನಾಗರಿಕರಿಗೆ ಇದು ದೊಡ್ಡ ನೆರವು; ಸಣ್ಣ ಖರೀದಿ ಅಥವಾ ಔಷಧಿ ಖರ್ಚುಗಳಿಗಾಗಿ ಯಾರನ್ನೂ ಕೇಳಬೇಕಿಲ್ಲ. ಪರಿವಾರದ ಖರ್ಚುಗಳನ್ನು ಪಾರದರ್ಶಕವಾಗಿ ನಿರ್ವಹಿಸಲು ಇದೊಂದು ಸುಲಭವಾದ ಮಾರ್ಗ.
ಇನ್ನೂ ಮುಖ್ಯವಾಗಿ, ಹೊಸ BHIM App Version 4.0.10 ನಲ್ಲಿ ಈ UPI Circle ಬಂದಿದ್ದು, ಜೊತೆಗೆ Split Expenses, Family Mode, Spend Analytics, Multi-language support ಹಾಗೂ ಹೊಸ ಡಿಸೈನ್ ಕೂಡ ಸೇರಿದೆ. ಇದು ಕುಟುಂಬಗಳಷ್ಟೇ ಅಲ್ಲ, ಸಣ್ಣ ವ್ಯಾಪಾರಿಗಳಿಗೆ ಸಹ ತುಂಬಾ ಉಪಯುಕ್ತ.
UPI Circle ಬಳಕೆ ಮಾಡಲು, BHIM ಆಪ್ ಓಪನ್ ಮಾಡಿ ‘UPI Circle’ ಸೆಕ್ಷನ್ಗೆ ಹೋಗಬೇಕು. ‘Invite to Circle’ ಆಯ್ಕೆ ಮಾಡಿ ಮೊಬೈಲ್ ನಂಬರನ್ನು ನಮೂದಿಸಬೇಕು. ನಂತರ ಅವರ ಯೂಪಿಐ ಐಡಿ ನೀಡಬಹುದು ಅಥವಾ QR ಸ್ಕಾನ್ ಮಾಡಬಹುದು.
ಮಾಸಿಕ ಮಿತಿಯನ್ನು ಫಿಕ್ಸ್ ಮಾಡಿ, ಸಂಬಂಧವನ್ನು ಆರಿಸಿ, ಆಧಾರ್ಹಾಗೂ ಇತರೆ ದಾಖಲೆಗಳಿಂದ KYC ಪರಿಶೀಲಿಸಿ. ಕೊನೆಯಲ್ಲಿ ಖಾತೆ ಆಯ್ಕೆ ಮಾಡಿ UPI ಪಿನ್ ಹಾಕಿದರೆ ಅನುಮತಿ ಒದಗುತ್ತದೆ.
ಅವರು ಅಪ್ರೂವ್ ಮಾಡಿದ ಕೂಡಲೇ, ಕೆಲವು ನಿಮಿಷಗಳಲ್ಲೇ ಪಾವತಿಗಳು ಶುರುವಾಗುತ್ತವೆ.
Family Members Can Use Your Bank Account for Payments via UPI Circle
