ಗೋಲ್ಡ್ ಲೋನ್‌ ಬೇಕಾ? ಯಾವ ಬ್ಯಾಂಕ್‌ನಲ್ಲಿ ಬಡ್ಡಿ ಕಡಿಮೆ ಗೊತ್ತಾ? ಬ್ಯಾಂಕ್‌ವಾರು ಪಟ್ಟಿ ಇಲ್ಲಿದೆ
ತುರ್ತು ಹಣಕಾಸು ಅಗತ್ಯದ ವೇಳೆ ಗೋಲ್ಡ್ ಲೋನ್‌ ಹೆಚ್ಚು ಉಪಯುಕ್ತ. ಕಡಿಮೆ ಬಡ್ಡಿ, ಸಿಬಿಲ್ ಸ್ಕೋರ್ ಬೇಡಿಕೆ ಇಲ್ಲ, ಚಿನ್ನದ ಬೆಲೆ ಏರಿಕೆಯಿಂದ ಹೆಚ್ಚಿನ ಮೊತ್ತ ಪಡೆಯುವ ಅವಕಾಶ ಲಭ್ಯ.
- ಗೋಲ್ಡ್ ಲೋನ್‌ ಮೇಲೆ ಪರ್ಸನಲ್ ಲೋನ್‌ಗಿಂತ ಕಡಿಮೆ ಬಡ್ಡಿ
- ಸಿಬಿಲ್ ಸ್ಕೋರ್ ಅಗತ್ಯವಿಲ್ಲದ ಗೋಲ್ಡ್ ಲೋನ್‌ ಸೌಲಭ್ಯ
- ವಿವಿಧ ಬ್ಯಾಂಕ್‌ಗಳಲ್ಲಿ ಗೋಲ್ಡ್ ಲೋನ್‌ ಬಡ್ಡಿದರ ವ್ಯತ್ಯಾಸ
Gold Loan: ತುರ್ತು ಸಂದರ್ಭಗಳಲ್ಲಿ ಹಣಕಾಸಿನ ಅಗತ್ಯ ಬಂದಾಗ, ಬಹುತೇಕ ಜನರು ತಮ್ಮ ಬಳಿ ಇರುವ ಬಂಗಾರವನ್ನು ಅಡ ಇಟ್ಟು ಸಾಲ ಪಡೆಯಲು ಮುಂದಾಗುತ್ತಾರೆ. ಇತ್ತೀಚಿನ ದಿನಗಳಲ್ಲಿ ಗೋಲ್ಡ್ ಲೋನ್‌ಗಳು ಹೆಚ್ಚು ಜನಪ್ರಿಯವಾಗುತ್ತಿರುವುದಕ್ಕೆ ಮುಖ್ಯ ಕಾರಣ ಕಡಿಮೆ ಬಡ್ಡಿದರ ಮತ್ತು ಸುಲಭ ಪ್ರಕ್ರಿಯೆ.
ಪರ್ಸನಲ್ ಲೋನ್‌ಗಳೊಂದಿಗೆ (Personal Loan) ಹೋಲಿಸಿದರೆ, ಗೋಲ್ಡ್ ಲೋನ್‌ಗಳ ಮೇಲೆ ಬ್ಯಾಂಕ್‌ಗಳು ಕಡಿಮೆ ಬಡ್ಡಿ ವಿಧಿಸುತ್ತವೆ. ಕಾರಣ, ಗ್ರಾಹಕರ ಬಂಗಾರವೇ ಭದ್ರತೆಯಾಗಿ ಬ್ಯಾಂಕ್‌ಗಳ ಬಳಿ ಇರುತ್ತದೆ. ಇದರಿಂದ ಬ್ಯಾಂಕ್‌ಗಳಿಗೆ ಅಪಾಯ ಕಡಿಮೆ, ಗ್ರಾಹಕರಿಗೆ ಬಡ್ಡಿ ಹೊರೆ ಕೂಡ ಕಡಿಮೆ ಆಗುತ್ತದೆ.
ಇದನ್ನೂ ಓದಿ: ಚಿನ್ನದ ಬೆಲೆ ಗಗನಕ್ಕೆ: ಬೆಂಗಳೂರಿನಲ್ಲಿ ಮತ್ತೆ ದಾಖಲೆ! ಚಿನ್ನ–ಬೆಳ್ಳಿ ದರಗಳಲ್ಲಿ ಮತ್ತೆ ಜಿಗಿತ
ಇನ್ನೊಂದು ಮಹತ್ವದ ಅಂಶವೆಂದರೆ, ಗೋಲ್ಡ್ ಲೋನ್‌ ಪಡೆಯಲು ಸಾಮಾನ್ಯವಾಗಿ ಸಿಬಿಲ್ ಸ್ಕೋರ್ (CIBIL Score) ಅವಶ್ಯಕತೆ ಇಲ್ಲ. ಹೀಗಾಗಿ ಕಡಿಮೆ ಕ್ರೆಡಿಟ್ ಹಿಸ್ಟರಿ ಇರುವವರಿಗೂ ಈ ಸಾಲ ಸುಲಭವಾಗಿ ಲಭ್ಯವಾಗುತ್ತದೆ.
ಜೊತೆಗೆ ಇತ್ತೀಚೆಗೆ ಬಂಗಾರದ ಬೆಲೆ (Gold Price) ಗಣನೀಯವಾಗಿ ಏರಿಕೆಯಾದ ಕಾರಣ, ಅಡ ಇಟ್ಟ ಬಂಗಾರದ ಮೇಲೆ ಹೆಚ್ಚಿನ ಸಾಲ ಮೊತ್ತವೂ ಸಿಗುತ್ತಿದೆ.
ವಿವಿಧ ಬ್ಯಾಂಕ್‌ಗಳ ಗೋಲ್ಡ್ ಲೋನ್‌ ಬಡ್ಡಿದರಗಳು:
- ಸೆಂಟ್ರಲ್ ಬ್ಯಾಂಕ್ ಆಫ್ ಇಂಡಿಯಾ: 8.05% ರಿಂದ 8.35%
- ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI): 7.50% ರಿಂದ 9.00%
- ಇಂಡಿಯನ್ ಓವರ್ಸೀಸ್ ಬ್ಯಾಂಕ್: 8.20% ರಿಂದ 11.60%
- ಪಂಜಾಬ್ ನ್ಯಾಷನಲ್ ಬ್ಯಾಂಕ್ (PNB): 8.35% ರಿಂದ ಆರಂಭ
- ಬ್ಯಾಂಕ್ ಆಫ್ ಇಂಡಿಯಾ: 8.60% ರಿಂದ 8.75%
- ಇಂಡಿಯನ್ ಬ್ಯಾಂಕ್: 8.75% ರಿಂದ ಆರಂಭ
- ಕೆನರಾ ಬ್ಯಾಂಕ್: 8.75% ರಿಂದ ಆರಂಭ
- ಬ್ಯಾಂಕ್ ಆಫ್ ಬರೋಡಾ: 9.00% ರಿಂದ ಆರಂಭ
- ಕೋಟಕ್ ಮಹೀಂದ್ರಾ ಬ್ಯಾಂಕ್: 9.00% ಆರಂಭಿಕ ದರ
- ICICI ಬ್ಯಾಂಕ್: 9.15% ರಿಂದ ಆರಂಭ
- HDFC ಬ್ಯಾಂಕ್: 9.30% ರಿಂದ ಆರಂಭ
ಬ್ಯಾಂಕ್‌ಗಳಿಂದ ಬ್ಯಾಂಕ್‌ಗೆ ಬಡ್ಡಿದರ, ಸಾಲ ಅವಧಿ ಮತ್ತು ಷರತ್ತುಗಳಲ್ಲಿ ವ್ಯತ್ಯಾಸ ಇರುವುದರಿಂದ, ಗೋಲ್ಡ್ ಲೋನ್‌ ಪಡೆಯುವ ಮೊದಲು ಹೋಲಿಕೆ ಮಾಡುವುದು ಗ್ರಾಹಕರಿಗೆ ಲಾಭಕರ.
