ಚಿನ್ನದ ಬೆಲೆ ಇಳಿಯಲಿ ಅಂತ ಕಾಯ್ತಿದ್ದೀರಾ? ಬೆಂಗಳೂರು ಮಾರುಕಟ್ಟೆಯಲ್ಲಿ ಮತ್ತೆ ಏರಿಕೆ ಬಿಸಿ
ಎರಡು ದಿನಗಳ ಇಳಿಕೆಯ ಬಳಿಕ ಚಿನ್ನದ ಬೆಲೆ ಮತ್ತೆ ಏರಿಕೆಯಾಗಿದ್ದು, ಬೆಂಗಳೂರು ಸೇರಿ ದೇಶದ ಪ್ರಮುಖ ನಗರಗಳಲ್ಲಿ ಚಿನ್ನ–ಬೆಳ್ಳಿ ದರಗಳು ದಾಖಲೆ ಮಟ್ಟದಲ್ಲಿ ಮುಂದುವರಿದಿವೆ ಎಂದು ಮಾರುಕಟ್ಟೆ ವರದಿ ತಿಳಿಸಿದೆ.
- ಬೆಂಗಳೂರು ಸೇರಿ ದೇಶದಾದ್ಯಂತ ಚಿನ್ನದ ಬೆಲೆ ಮತ್ತೆ ಏರಿಕೆ
- 24 ಕ್ಯಾರಟ್ ಚಿನ್ನ ಆಲ್‌ಟೈಮ್ ಹೈ ಮಟ್ಟದಲ್ಲಿ ಸ್ಥಿರ
- ಚಿನ್ನದ ಜೊತೆಗೆ ಬೆಳ್ಳಿಯ ಬೆಲೆಯೂ ದಾಖಲೆಯತ್ತ ಜಿಗಿತ
Gold Price Today: ಕಳೆದ ಎರಡು ದಿನಗಳಿಂದ ನಿರಂತರವಾಗಿ ಇಳಿಕೆಯಾಗುತ್ತಿದ್ದ ಚಿನ್ನದ ಬೆಲೆ ಇದೀಗ ಮತ್ತೆ ಏರಿಕೆಯ ಹಾದಿ ಹಿಡಿದಿವೆ. ಬುಧವಾರ ಭಾರೀ ಏರಿಕೆ ಕಂಡ ಬೆನ್ನಲ್ಲೇ, ಗುರುವಾರವೂ ಚಿನ್ನದ ಬೆಲೆ (Gold Rate) ಸ್ವಲ್ಪ ಹೆಚ್ಚಳ ಕಂಡಿದ್ದು, ಮಾರುಕಟ್ಟೆಯಲ್ಲಿ ಚಿನ್ನ ಮತ್ತೆ ದಾಖಲೆ ಮಟ್ಟ ತಲುಪಿದೆ.
ಬೆಂಗಳೂರು ಸೇರಿದಂತೆ ಪ್ರಮುಖ ನಗರಗಳ ಚಿನ್ನದ ಬೆಲೆ
ಡಿಸೆಂಬರ್ 18ರ ಬೆಳಗಿನ ವೇಳೆಗೆ ಬೆಂಗಳೂರು (Bengaluru Gold Rate) ನಗರದಲ್ಲಿ 24 ಕ್ಯಾರಟ್ 10 ಗ್ರಾಂ ಚಿನ್ನದ ಬೆಲೆ ₹1,34,520 ಆಗಿದ್ದು, 22 ಕ್ಯಾರಟ್ ಚಿನ್ನ ₹1,23,310 ಮಟ್ಟದಲ್ಲಿ ವಹಿವಾಟು ನಡೆಯುತ್ತಿದೆ. ಇದೇ ದರ ಮುಂಬೈ, ಹೈದರಾಬಾದ್ ಮತ್ತು ವಿಜಯವಾಡದಲ್ಲೂ ಮುಂದುವರಿದಿದೆ.
ಚೆನ್ನೈನಲ್ಲಿ ಮಾತ್ರ ಸ್ವಲ್ಪ ಹೆಚ್ಚಳ ಕಂಡುಬಂದಿದ್ದು, 24 ಕ್ಯಾರಟ್ ಚಿನ್ನ ₹1,35,290 ಆಗಿದೆ.
ಬೆಳ್ಳಿಯಲ್ಲೂ ದಾಖಲೆ ಜಿಗಿತ
ಚಿನ್ನದ ಹಾದಿಯಲ್ಲೇ ಬೆಳ್ಳಿಯ ಬೆಲೆಯೂ ಸಾಗುತ್ತಿದ್ದು, ಒಂದು ದಿನದಲ್ಲೇ ಕಿಲೋಗೆ ದೊಡ್ಡ ಏರಿಕೆ ಕಂಡಿದೆ. ದೇಶೀಯ ಮಾರುಕಟ್ಟೆಯಲ್ಲಿ ಈಗ ಒಂದು ಕಿಲೋ ಬೆಳ್ಳಿಯ ದರ ₹2,08,100ಕ್ಕೆ ತಲುಪಿದೆ. ಇದು ಬೆಳ್ಳಿ ದರದಲ್ಲೂ ಆಲ್‌ಟೈಮ್ ಹೈ ಎನ್ನಲಾಗಿದೆ.
ಏರಿಕೆಗೆ ಕಾರಣವೇನು?
ಡಾಲರ್ ಮೌಲ್ಯದಲ್ಲಿ ಕಂಡುಬಂದ ಇಳಿಕೆ ಚಿನ್ನ ಮತ್ತು ಬೆಳ್ಳಿಯ ಬೆಲೆ ಏರಿಕೆಗೆ ಪ್ರಮುಖ ಕಾರಣವಾಗಿದೆ ಎಂದು ತಜ್ಞರು ಹೇಳುತ್ತಾರೆ. ಜಾಗತಿಕ ಮಾರುಕಟ್ಟೆಯಲ್ಲಿನ ಅನಿಶ್ಚಿತತೆ ಕೂಡ ಬೆಲೆ ಮೇಲೆ ಪ್ರಭಾವ ಬೀರುತ್ತಿದೆ. ಹೀಗಾಗಿ ಹೂಡಿಕೆ ಅಥವಾ ಖರೀದಿಗೆ ಮುನ್ನ ದರ ಪರಿಶೀಲಿಸುವಂತೆ ಸಲಹೆ ನೀಡಲಾಗುತ್ತಿದೆ.
