ಮನೆಯಲ್ಲಿ ಜಾಸ್ತಿ ಬಂಗಾರ ಇರಿಸಿಕೊಂಡರೆ ತೆರಿಗೆ ಕಟ್ಟಬೇಕಾ? ನಿಯಮ ತಿಳಿಯಿರಿ
ಭಾರತದಲ್ಲಿ ಬಂಗಾರ ಕೇವಲ ಆಭರಣವಲ್ಲ, ಹೂಡಿಕೆಗೂ ದೊಡ್ಡ ಆಧಾರ. ಆದರೆ ಮನೆಯಲ್ಲಿ ಬಂಗಾರ ಇರಿಸಲು ಸರ್ಕಾರ ನಿಗದಿಪಡಿಸಿರುವ ಮಿತಿ ಇದೆ. ಯಾವ ಮಟ್ಟಿಗೆ ಇರಿಸಿದರೆ ತೆರಿಗೆಯಿಲ್ಲ ಎಂದು ತಿಳಿದುಕೊಳ್ಳಿ.
Gold Tax Rules in India: ಭಾರತದಲ್ಲಿ ಬಂಗಾರವು ಕೇವಲ ಆಭರಣವಲ್ಲದೆ, ಹೂಡಿಕೆ ಮತ್ತು ಸಂಪ್ರದಾಯದ ಪ್ರತೀಕವೂ ಆಗಿದೆ. ವಿವಾಹ, ಹಬ್ಬ ಹಾಗೂ ಧಾರ್ಮಿಕ ಸಂದರ್ಭಗಳಲ್ಲಿ ಬಂಗಾರ ಖರೀದಿಯನ್ನು ಶ್ರೇಯಸ್ಕರವೆಂದು ಪರಿಗಣಿಸಲಾಗುತ್ತದೆ. ಆದರೆ ಮನೆಯಲ್ಲಿ ಎಷ್ಟು ಬಂಗಾರ ಇರಿಸಿಕೊಳ್ಳಬಹುದು ಎಂಬುದನ್ನು ಹಲವರು ತಿಳಿದಿರುವುದಿಲ್ಲ.
ಆದಾಯ ತೆರಿಗೆ ಇಲಾಖೆ ಪ್ರಕಾರ, ಬಂಗಾರವನ್ನು ಖರೀದಿಸುವ ಹಾಗೂ ಸಂಗ್ರಹಿಸುವ ಮಿತಿಯನ್ನು ಸರ್ಕಾರ ನಿಗದಿಪಡಿಸಿದೆ. ವಿವಾಹಿತ ಮಹಿಳೆಯರು 500 ಗ್ರಾಂ, ಅವಿವಾಹಿತ ಮಹಿಳೆಯರು 250 ಗ್ರಾಂ, ಮತ್ತು ಪುರುಷರು 100 ಗ್ರಾಂ ವರೆಗೆ ಬಂಗಾರವನ್ನು ಮನೆಯಲ್ಲಿ ಇಟ್ಟುಕೊಳ್ಳಬಹುದು. ಇದರಿಗಿಂತ ಹೆಚ್ಚು ಇದ್ದರೆ ಅದರ ಖರೀದಿ ಬಿಲ್ ಅಥವಾ ಅಧಿಕೃತ ದಾಖಲೆಗಳು ಅಗತ್ಯವಾಗುತ್ತವೆ.
ಬಂಗಾರವನ್ನು ಕೃಷಿ ಆದಾಯದಿಂದ ಅಥವಾ ತೆರಿಗೆ ವಿನಾಯಿತಿ ಆದಾಯದಿಂದ ಖರೀದಿಸಿದರೆ, ಅದರ ಮೇಲೆ ಯಾವುದೇ ತೆರಿಗೆ ವಿಧಿಸಲಾಗುವುದಿಲ್ಲ. ಹೀಗೆಯೇ, ಕಾನೂನುಬದ್ಧವಾಗಿ ವಾರಸತ್ವವಾಗಿ ದೊರೆತ ಬಂಗಾರಕ್ಕೂ ತೆರಿಗೆ ಅನ್ವಯಿಸುವುದಿಲ್ಲ.
ನಿಗದಿತ ಮಿತಿಯೊಳಗಿನ ಬಂಗಾರದ ಕುರಿತು ಇನ್‌ಕಮ್‌ ಟ್ಯಾಕ್ಸ್ ಅಧಿಕಾರಿಗಳು ಯಾವುದೇ ಕ್ರಮ ಕೈಗೊಳ್ಳುವುದಿಲ್ಲ. ಆದರೆ ನಿಗದಿತ ಪ್ರಮಾಣಕ್ಕಿಂತ ಹೆಚ್ಚು ಬಂಗಾರ ಇದ್ದು, ಖರೀದಿ ದಾಖಲೆಗಳಿಲ್ಲದಿದ್ದರೆ, ತನಿಖೆ ವೇಳೆ ಅಧಿಕಾರಿಗಳು ಪ್ರಶ್ನಿಸಬಹುದು.
ಬಂಗಾರವನ್ನು ಮನೆಯಲ್ಲಿ ಇಟ್ಟುಕೊಳ್ಳುವುದಕ್ಕೆ ತೆರಿಗೆ ವಿಧಿಸಲಾಗುವುದಿಲ್ಲ. ಆದರೆ ಅದನ್ನು ಮಾರಾಟ ಮಾಡಿದರೆ, ಲಾಭದ ಮೇರೆಗೆ ತೆರಿಗೆ ಪಾವತಿಸಬೇಕಾಗುತ್ತದೆ. ಹೀಗಾಗಿ, ಖರೀದಿ ದಾಖಲೆಯನ್ನು ಸುರಕ್ಷಿತವಾಗಿ ಇರಿಸುವುದು ಅಗತ್ಯ.
Gold Tax Rules in India, How Much Gold Can You Keep at Home
