ಈ 6 ಕಾರುಗಳ ಮೇಲೆ 85,000 ರಿಯಾಯಿತಿ! ಸ್ಟಾಕ್ ಮುಗಿಯುವವರೆಗೂ ಮಾತ್ರ ಈ ಆಫರ್

Hyundai Car Discounts: ಡಿಸೆಂಬರ್ ತಿಂಗಳಿಗೆ ಕಾಲಿಟ್ಟಿರುವಾಗಲೇ ಕಾರು ಮಾರುಕಟ್ಟೆಯಲ್ಲಿ ಸ್ಪರ್ಧೆ ಮತ್ತಷ್ಟು ತೀವ್ರಗೊಂಡಿದೆ. ಹುಂಡೈ ತನ್ನ ಡಿಸೆಂಬರ್ ಡಿಲೈಟ್ ಆಫರ್ ಮೂಲಕ ಖರೀದಿದಾರರಿಗೆ ದೊಡ್ಡ ಮಟ್ಟದ ರಿಯಾಯಿತಿಗಳು ತೆರೆದಿಟ್ಟಿದೆ.

ಕಂಪನಿಯ ಆರು ಜನಪ್ರಿಯ ಮಾದರಿಗಳ ಮೇಲೆ ರೂ.85,000 ರಿಯಾಯಿತಿ ದೊರೆಯುತ್ತಿದ್ದು, ಸ್ಟಾಕ್ ಇರುವವರೆಗೆ ಮಾತ್ರ ಈ ಸೌಲಭ್ಯ ಮಾನ್ಯವಾಗಲಿದೆ.

ಹುಂಡೈ ಅರಾ – ರೂ.33,000 ರಿಯಾಯಿತಿ

ಪ್ರವೇಶ ಮಟ್ಟದ ಸೆಡಾನ್ ಹುಡುಕುವವರಿಗೆ ಅರಾ ಉತ್ತಮ ಆಯ್ಕೆ. ಪೆಟ್ರೋಲ್ ಮತ್ತು CNG ಎರಡೂ ಆಯ್ಕೆಗಳಲ್ಲಿ ಲಭ್ಯವಿರುವ ಈ ಕಾರಿಗೆ ಗರಿಷ್ಠ ರೂ.33,000 ರಿಯಾಯಿತಿ ನೀಡಲಾಗಿದೆ. ₹5.98 ಲಕ್ಷದಿಂದ ₹8.42 ಲಕ್ಷ (ಎಕ್ಸ್-ಶೋರೂಂ) ದರದಲ್ಲಿ ಲಭ್ಯ.

ಹುಂಡೈ ಅಲ್ಕಜಾರ್ – ರೂ.40,000 ರಿಯಾಯಿತಿ

ಮಹೀಂದ್ರಾ XUV700 ಮತ್ತು ಟಾಟಾ ಸಫಾರಿಯ ಜೊತೆ ಪೈಪೋಟಿ ಮಾಡುವ ಅಲ್ಕಜಾರ್ ಮೇಲೆ ಕಂಪನಿ ರೂ.40,000 ರಿಯಾಯಿತಿ ಘೋಷಿಸಿದೆ. 1.5 ಲೀ. ಪೆಟ್ರೋಲ್ ಮತ್ತು 1.5 ಲೀ. ಡೀಸೆಲ್ ಎಂಜಿನ್ ಆಯ್ಕೆಗಳಲ್ಲಿ ಲಭ್ಯವಿರುವ ಈ SUV ₹14.47–₹20.96 ಲಕ್ಷ ಶ್ರೇಣಿಯಲ್ಲಿ ಮಾರಾಟವಾಗುತ್ತಿದೆ.

ಹುಂಡೈ ಗ್ರ್ಯಾಂಡ್ ಐ10 ನಿಯೋಸ್ – ರೂ.70,000 ರಿಯಾಯಿತಿ

ಹ್ಯುಂಡೈ ಜನಪ್ರಿಯ ಹ್ಯಾಚ್‌ಬ್ಯಾಕ್‌ ಗ್ರ್ಯಾಂಡ್ i10 ನಿಯೋಸ್ ಮೇಲೆ ನೀಡಿರುವ ರೂ.70,000 ರಿಯಾಯಿತಿ ಗ್ರಾಹಕರ ಗಮನ ಸೆಳೆಯುತ್ತಿದೆ. ಪೆಟ್ರೋಲ್ ಮತ್ತು CNG ಎರಡೂ ಮಾದರಿಗಳು ಲಭ್ಯವಿದ್ದು, ₹5.47–₹7.92 ಲಕ್ಷ ಶ್ರೇಣಿಯಲ್ಲಿ ಮಾರುಕಟ್ಟೆಯಲ್ಲಿ ದೊರೆಯುತ್ತಿವೆ.

ಹುಂಡೈ ಐ20 – ರೂ.70,000 ರಿಯಾಯಿತಿ

ಬಾಲೆನೋ ಹಾಗೂ ಗ್ಲಾಂಜಾಗೆ ಪೈಪೋಟಿ ನೀಡುತ್ತಿರುವ i20 ಗೂ ಈ ಬಾರಿ ದೊಡ್ಡ ರಿಯಾಯಿತಿ ಸಿಕ್ಕಿದೆ. ರೂ.70,000 ವರೆಗೆ ಆಫರ್ ಇದ್ದು, ದರ ₹6.87 ಲಕ್ಷದಿಂದ ₹11.46 ಲಕ್ಷವರೆಗೆ ಇದೆ.

ಹುಂಡೈ ವೆರ್ನಾ – ರೂ.75,000 ರಿಯಾಯಿತಿ

ಸೆಡಾನ್ ವಿಭಾಗದಲ್ಲಿ ಜನಪ್ರಿಯವಾಗಿರುವ ಹುಂಡೈ ವೆರ್ನಾ ಮೇಲೆ ಗರಿಷ್ಠ ರೂ.75,000 ರಿಯಾಯಿತಿ ಲಭ್ಯ. ಹೋಂಡಾ ಸಿಟಿ ಮತ್ತು ಸ್ಕೋಡಾ ಸ್ಲಾವಿಯಾಳ ಜೊತೆ ಪೈಪೋಟಿ ನಡೆಸುತ್ತಿರುವ ಈ ಕಾರಿನ ದರ ₹10.69–₹16.98 ಲಕ್ಷ.

ಹುಂಡೈ ಎಕ್ಸ್ಟೆರಾ  – ರೂ.85,000 ರಿಯಾಯಿತಿ

SUV ವಿಭಾಗದ ಸಣ್ಣ ಆದರೆ ಶಕ್ತಿಶಾಲಿ ಎಕ್ಸ್ಟೆರಾ ಮೇಲೆ ಈ ಬಾರಿ ಅತಿಹೆಚ್ಚು — ರೂ.85,000 ರಿಯಾಯಿತಿ ನೀಡಲಾಗಿದೆ. ಪೆಟ್ರೋಲ್ ಹಾಗೂ CNG ಎರಡೂ ಆಯ್ಕೆಗಳಲ್ಲಿ ಲಭ್ಯವಿರುವ ಈ ಮಾದರಿ ಟಾಟಾ ಪಂಚ್‌ಗೆ ಗಟ್ಟಿ ಪೈಪೋಟಿ ನೀಡುತ್ತಿದೆ.

ಹುಂಡೈ ಈ ಆಫರ್‌ಗಳನ್ನು ಡಿಸೆಂಬರ್ 31ರವರೆಗೆ ಮಾನ್ಯವಾಗಿರಿಸಿದರೂ, ಸ್ಟಾಕ್ ಇರುವವರೆಗೆ ಮಾತ್ರ ಲಭ್ಯ. ಈ ಕಾರಣಕ್ಕೆ ಹೊಸ ಕಾರು ಖರೀದಿಸಲು ಯೋಚಿಸುತ್ತಿರುವವರು ಅವಕಾಶ ಕಳೆದುಕೊಳ್ಳದೇ ಶೋರೂಮ್‌ಗೆ ಭೇಟಿ ನೀಡುವುದು ಉತ್ತಮ.