ಇದೇ ದೇಶದ ಅತ್ಯಂತ ಕಮ್ಮಿ ಬೆಲೆಯ 125cc ಬೈಕ್! ಉತ್ತಮ ಮೈಲೇಜ್, ಆಧುನಿಕ ಫೀಚರ್‌
ಹೋಂಡಾ ಶೈನ್ 125 ದೇಶದಲ್ಲೇ ಅಗ್ಗದ 125cc ಬೈಕ್‌ಗಳಲ್ಲಿ ಒಂದಾಗಿ, ಉತ್ತಮ ಮೈಲೇಜ್, ಕಡಿಮೆ ನಿರ್ವಹಣೆ ಮತ್ತು ದಿನನಿತ್ಯ ಪ್ರಯಾಣಕ್ಕೆ ಬೇಕಾದ ಎಲ್ಲಾ ವೈಶಿಷ್ಟ್ಯಗಳೊಂದಿಗೆ middle-class ಸವಾರರಲ್ಲಿ ಹೆಚ್ಚು ಜನಪ್ರಿಯವಾಗಿದೆ.
Honda Shine 125 Bike: ದೈನಂದಿನ ಸಂಚಾರಕ್ಕೆ ವಿಶ್ವಾಸಾರ್ಹ ಮತ್ತು ಇಂಧನ ಮಿತವ್ಯಯಕಾರಿ ಬೈಕ್ ಹುಡುಕುವವರಿಗೆ ಹೋಂಡಾ ಶೈನ್ 125 ಇನ್ನೂ ಹೆಚ್ಚಿನ ಆಕರ್ಷಣೆಯಾಗುತ್ತಿದೆ. ಕೇವಲ 113 ಕೆಜಿ ತೂಕ ಮತ್ತು 791 ಮಿಮೀ ಸೀಟ್ ಎತ್ತರ ಹೊಂದಿರುವ ಈ ಬೈಕ್, ಎಲ್ಲ ಗಾತ್ರದ ಸವಾರರಿಗೆ ಸುಲಭ ರೀತಿ ವಿನ್ಯಾಸಗೊಳಿಸಲಾಗಿದೆ.
ಜೊತೆಗೆ, 3 ವರ್ಷ/42,000 ಕಿಮೀ ವಾರಂಟಿಯೊಂದಿಗೆ ಬರುವುದರಿಂದ ದೀರ್ಘಾವಧಿಯ ಬಳಕೆಗೆ ಇದು ಒಳ್ಳೆಯ ಹೂಡಿಕೆ ಎಂದು ಗ್ರಾಹಕರು ಭಾವಿಸುತ್ತಾರೆ.
ಹೋಂಡಾ ನೀಡಿರುವ 123.94cc ಬಿಎಸ್6 OBD2-B ಎಂಜಿನ್, ಇ-20 ಇಂಧನಕ್ಕೂ ಹೊಂದಾಣಿಕೆಯಾಗಿರುವುದು ಇದರ ಮತ್ತೊಂದು ದೊಡ್ಡ ಪ್ಲಸ್ ಪಾಯಿಂಟ್. 10.74 ಪಿಎಸ್ ಶಕ್ತಿ ಮತ್ತು 10.9 ಎನ್ಎಂ ಟಾರ್ಕ್ ಉತ್ಪಾದಿಸುವ ಈ ಎಂಜಿನ್, ನಗರ ಸಂಚಾರಕ್ಕೆ ಬೇಕಾಗುವ ಚುರುಕು ವೇಗವರ್ಧನೆಯನ್ನು ನೀಡುತ್ತದೆ. 5-ಸ್ಪೀಡ್ ಮ್ಯಾನುಯಲ್ ಗೇರ್ ಬಾಕ್ಸ್ ಇದಕ್ಕೆ ಸ್ಮೂತ್ ರೈಡಿಂಗ್ ಅನುಭವ ನೀಡಲು ಸಹಕಾರಿಯಾಗಿದೆ.
ಶೈನ್ 125 ರ ಬೆಲೆಯೇ ಈ ಬೈಕ್ ಜನಪ್ರಿಯವಾಗಿರುವ ಪ್ರಮುಖ ಕಾರಣಗಳಲ್ಲಿ ಒಂದು. ಡ್ರಮ್ ವೇರಿಯಂಟ್ ₹78,789 (ಎಕ್ಸ್ ಶೋರೂಂ), ಡಿಸ್ಕ್ ವೇರಿಯಂಟ್ ₹83,148 (ಎಕ್ಸ್ ಶೋರೂಂ) ದರದಲ್ಲಿ ಲಭ್ಯವಿರುವುದು, ಇದನ್ನು ಹೀರೋ ಸೂಪರ್ ಸ್ಪ್ಲೆಂಡರ್ ಮತ್ತು ಟಿವಿಎಸ್ ರೇಡರ್‌ಗಿಂತ ಸ್ಪರ್ಧಾತ್ಮಕ ಮಟ್ಟದಲ್ಲಿ ಮುನ್ನಡೆಸಿದೆ. ಮಧ್ಯಮ ವರ್ಗದ ಸವಾರರಿಗೆ ಇದು ಕೈಗೆಟುಕುವ ಆಯ್ಕೆಯಾಗಿದೆ.
ಇಂಧನ ದಕ್ಷತೆಯ ವಿಷಯದಲ್ಲಿ ಶೈನ್ 125 ತನ್ನ ಮಟ್ಟಿಗೆ ಉತ್ತಮ ದಾಖಲೆ ಹೊಂದಿದೆ. ARAI ಪ್ರಮಾಣೀಕರಣದಲ್ಲಿ 55 kmpl ಮೈಲೇಜ್ ದೊರೆಯುತ್ತದೆ ಎಂದು ಹೇಳಲಾಗಿದರೂ, ನೈಜ ಸವಾರಿ ಪರೀಕ್ಷೆಗಳಲ್ಲಿ 60-65 kmpl ಮೈಲೇಜ್ ನೀಡುತ್ತಿರುವುದು ಗಮನಾರ್ಹ. 10.5 ಲೀಟರ್ ಫುಯೆಲ್ ಟ್ಯಾಂಕ್‌ನೊಂದಿಗೆ, ಒಂದು ಬಾರಿ ತುಂಬಿದ ಇಂಧನದಲ್ಲಿ 550-650 ಕಿಮೀ ಪ್ರಯಾಣ ಸಾಧ್ಯವಾಗುತ್ತದೆ.
ಹೋಂಡಾ ಈ ಬೈಕ್‌ಗೆ ನೀಡಿರುವ ವೈಶಿಷ್ಟ್ಯಗಳೂ ಗಮನಸೆಳೆಯುತ್ತಿವೆ. ಹೊಸ ಡಿಜಿಟಲ್ ಇನ್‌ಸ್ಟ್ರುಮೆಂಟ್ ಕ್ಲಸ್ಟರ್, ಕ್ರೋಮ್ ಫಿನಿಷ್ ಇರುವ LED ಹೆಡ್‌ಲ್ಯಾಂಪ್, USB ಚಾರ್ಜರ್, CBS ಬ್ರೇಕಿಂಗ್ ಸಿಸ್ಟಮ್ ಮತ್ತು ಸಸ್ಪೆನ್ಷನ್ ಎಲ್ಲವೂ ಆಕರ್ಷಿತವಾಗಿದೆ. ಕಡಿಮೆ ನಿರ್ವಹಣೆ ಮತ್ತು ವಿಶ್ವಾಸಾರ್ಹತೆಯು ಇದನ್ನು ಕಾಲೇಜು ವಿದ್ಯಾರ್ಥಿಗಳಿಂದ ಕಚೇರಿ ಪ್ರಯಾಣಿಕರವರೆಗೆ ಎಲ್ಲರ ಪ್ರಿಯ ಬೈಕ್ ಆಗಿಸಿದೆ.
ಒಟ್ಟಾರೆ, ಸರಾಸರಿ ಭಾರತೀಯ ಕುಟುಂಬಕ್ಕೆ ಶೈನ್ 125 ಉತ್ತಮ ಮೈಲೇಜ್, ಅಗ್ಗದ ಬೆಲೆ ಮತ್ತು ತೊಂದರೆ ರಹಿತ ಬಳಕೆಯ ಜೊತೆಯಲ್ಲಿ value-for-money ಆಯ್ಕೆ ಎಂಬುದರಲ್ಲಿ ಸಂದೇಹವಿಲ್ಲ.
India’s Most Affordable 125cc Commuter Bike
