ಕೇವಲ 1 ರೂಪಾಯಿಗೆ ವಿಮಾನ ಟಿಕೆಟ್‌! ಇಂಡಿಗೋ ವಿಶೇಷ ಆಫರ್ ಮಿಸ್ ಮಾಡ್ಕೋಬೇಡಿ

IndiGo Flight Ticket Offer : ವಿಮಾನ ಪ್ರಯಾಣ ಎಂದರೆ ಸಾಮಾನ್ಯವಾಗಿ ಖರ್ಚು ಹೆಚ್ಚಾಗಿರುವ ಸಾರಿಗೆ ವಿಧಾನ. ಆದರೆ, ಇಂಡಿಗೋ ಏರ್‌ಲೈನ್ಸ್ ಈಗ ಕುಟುಂಬಗಳಿಗೆ ಖುಷಿಯ ಸುದ್ದಿಯನ್ನೇ ನೀಡಿದೆ. “Infant Fly at ₹1” ಹೆಸರಿನ ಹೊಸ ಆಫರ್ ಮೂಲಕ ಮಕ್ಕಳಿಗೆ ಕೇವಲ ಒಂದು ರೂಪಾಯಿಯಲ್ಲಿ ವಿಮಾನ ಪ್ರಯಾಣದ ಸವಲತ್ತನ್ನು ನೀಡಿದೆ.

ಈ ಆಫರ್ ದೇಶೀಯ ವಿಮಾನಗಳಿಗೆ ಮಾತ್ರ ಅನ್ವಯಿಸುತ್ತದೆ ಮತ್ತು ನವೆಂಬರ್ 30ರವರೆಗೆ ಮಾನ್ಯವಾಗಲಿದೆ ಎಂದು ಕಂಪನಿ ತನ್ನ ಅಧಿಕೃತ ವೆಬ್‌ಸೈಟ್‌ goIndiGo.in ಮೂಲಕ ಪ್ರಕಟಿಸಿದೆ. ಟಿಕೆಟ್‌ಗಳನ್ನು ನೇರವಾಗಿ ಇಂಡಿಗೋ ಅಧಿಕೃತ ವೆಬ್‌ಸೈಟ್‌ನಲ್ಲಿ ಬುಕ್ ಮಾಡಿದವರಿಗೆ ಮಾತ್ರ ಈ ಆಫರ್ ಲಭ್ಯವಿದೆ.

ಇಂಡಿಗೋ ಹೇಳುವಂತೆ, 0 ರಿಂದ 24 ತಿಂಗಳೊಳಗಿನ ಶಿಶುಗಳು ಈ ಯೋಜನೆಯಡಿ ಪ್ರಯಾಣಿಸಬಹುದು. ಆದರೆ, ಪೋಷಕರು ವಿಮಾನ ಚೆಕ್-ಇನ್ ಸಮಯದಲ್ಲಿ ಶಿಶುವಿನ ವಯಸ್ಸನ್ನು ದೃಢಪಡಿಸುವ ದಾಖಲೆಗಳನ್ನು ತೋರಿಸಬೇಕಾಗುತ್ತದೆ.

ಜನನ ಪ್ರಮಾಣ ಪತ್ರ, ಆಸ್ಪತ್ರೆಯ ಡಿಸ್ಚಾರ್ಜ್ ಕಾರ್ಡ್, ಪಾಸ್‌ಪೋರ್ಟ್ ಅಥವಾ ಲಸಿಕೆ ಪ್ರಮಾಣ ಪತ್ರ ಇತ್ಯಾದಿ ದಾಖಲೆಗಳನ್ನು ತೋರಿಸಬಹುದು. ಅಗತ್ಯ ದಾಖಲೆಗಳಿಲ್ಲದಿದ್ದರೆ, ಪೋಷಕರು ಪೂರ್ಣ ಟಿಕೆಟ್ ದರ ಪಾವತಿಸಬೇಕಾಗುತ್ತದೆ.

ಮಕ್ಕಳೊಂದಿಗೆ ಪ್ರಯಾಣಿಸುವುದು ಯಾವಾಗಲೂ ಸವಾಲು. ಈ ಅಂಶವನ್ನು ಗಮನದಲ್ಲಿಟ್ಟುಕೊಂಡು ಇಂಡಿಗೋ 3 ದಿನದಿಂದ 2 ವರ್ಷ ವಯಸ್ಸಿನ ಶಿಶುಗಳಿಗೆ ವಿಶೇಷ ಸೌಲಭ್ಯ ನೀಡುತ್ತಿದೆ. ವಿಮಾನ ಪ್ರಯಾಣದ ಸಮಯದಲ್ಲಿ ಶಿಶುಗಳಿಗಾಗಿ ವಿನ್ಯಾಸಗೊಳಿಸಲಾದ ವಿಶೇಷ infant compartment ವ್ಯವಸ್ಥೆಯೂ ಇದೆ.

ಕಂಪನಿ ತಿಳಿಸಿರುವಂತೆ, Airbus A320 ವಿಮಾನದಲ್ಲಿ ಗರಿಷ್ಠ 12 ಶಿಶುಗಳು ಹಾಗೂ ATR ವಿಮಾನದಲ್ಲಿ 6 ಶಿಶುಗಳು ಮಾತ್ರ ಪ್ರಯಾಣಕ್ಕೆ ಅನುಮತಿಸಲ್ಪಡುತ್ತಾರೆ. ಒಂದು ಶಿಶುವಿನೊಂದಿಗೆ ಒಬ್ಬ ವಯಸ್ಕ ಮಾತ್ರ ಪ್ರಯಾಣಿಸಲು ಅವಕಾಶ ಇರುತ್ತದೆ.

ಪ್ರಯಾಣದ ಸಂಪೂರ್ಣ ಮಾಹಿತಿಗಾಗಿ ಹಾಗೂ ಷರತ್ತುಗಳಿಗೆ ಇಂಡಿಗೋ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡುವಂತೆ ಕಂಪನಿ ಸಲಹೆ ನೀಡಿದೆ. ಕುಟುಂಬಗಳ ಪ್ರಯಾಣ ಖರ್ಚು ಕಡಿಮೆ ಮಾಡಲು ಈ ಹೊಸ ಆಫರ್ ಮಹತ್ವದ ಪ್ರಯತ್ನವಾಗಿದೆ.

IndiGo flight Ticket Offer for Infants