ಕ್ರೆಡಿಟ್ ಕಾರ್ಡ್ ಲಿಮಿಟ್ ಹೆಚ್ಚಿದರೆ ಲಾಭವೇ? ನಷ್ಟವೇ? ಇಲ್ಲಿದೆ ಮಹತ್ವದ ಮಾಹಿತಿ
Credit Cards: ಕ್ರೆಡಿಟ್ ಕಾರ್ಡ್ ಲಿಮಿಟ್ ಹೆಚ್ಚಿಸುವ ಬ್ಯಾಂಕ್ ಆಫರ್ ಬಂದಾಗ ಎಲ್ಲರೂ ಒಪ್ಪುವುದಕ್ಕಿಂತ ಮುನ್ನ ಯೋಚನೆ ಅಗತ್ಯ. ಲಿಮಿಟ್ ಹೆಚ್ಚಿಸಿದರೆ ಲಾಭಗಳ ಜೊತೆ ಕೆಲವು ನಷ್ಟಗಳೂ ಇವೆ, ತಿಳಿದುಕೊಳ್ಳಿ.
Credit Cards: ಬ್ಯಾಂಕ್‌ಗಳಿಂದ “ನಿಮ್ಮ ಕ್ರೆಡಿಟ್ ಕಾರ್ಡ್ ಲಿಮಿಟ್ ಹೆಚ್ಚಿಸುತ್ತೇವೆ” ಎಂಬ ಕರೆ ಬಂದಾಗ ಅನೇಕರು ತಕ್ಷಣ ಒಪ್ಪಿಕೊಳ್ಳುತ್ತಾರೆ. ಆದರೆ, ಆ ಹೆಚ್ಚುವರಿ ಲಿಮಿಟ್ ನಿಜವಾಗಿಯೂ ನಿಮಗೆ ಲಾಭಕರವಾಗುತ್ತದೆಯಾ ಅಥವಾ ಹಾನಿಕಾರಕವಾಗುತ್ತದೆಯಾ ಎಂಬುದನ್ನು ಗಮನಿಸಬೇಕು.
ಸಾಮಾನ್ಯವಾಗಿ ಕ್ರೆಡಿಟ್ ಕಾರ್ಡ್ ಅನ್ನು ಸರಿಯಾಗಿ ಬಳಕೆ ಮಾಡುವ ಗ್ರಾಹಕರಿಗೆ ಬ್ಯಾಂಕ್‌ಗಳು ಹೆಚ್ಚುವರಿ ಲಿಮಿಟ್ ನೀಡುತ್ತವೆ. ಇದು ಆಕರ್ಷಕವಾಗಿ ಕಾಣಿಸಿದರೂ, ಅದರ ಹಿಂದೆ ಕೆಲವು ಮುಚ್ಚಿದ ನಷ್ಟಗಳೂ ಇರುತ್ತವೆ. ಉದಾಹರಣೆಗೆ, ಹೆಚ್ಚು ಲಿಮಿಟ್ ಇರುವುದರಿಂದ ನಿಮ್ಮ ಕ್ರೆಡಿಟ್ ಯುಟಿಲೈಸೇಶನ್ ರೇಷಿಯೋ ಬದಲಾಗಬಹುದು. ಇದು ಕ್ರೆಡಿಟ್ ಸ್ಕೋರ್ ಮೇಲೆ ನೇರ ಪರಿಣಾಮ ಬೀರುತ್ತದೆ.
ಉದಾಹರಣೆಗೆ, ನಿಮ್ಮ ಕಾರ್ಡ್ ಲಿಮಿಟ್ ₹1 ಲಕ್ಷ ಇದ್ದರೆ ಮತ್ತು ನೀವು ತಿಂಗಳಿಗೆ ₹30 ಸಾವಿರ ವರೆಗೆ ಬಳಸುತ್ತಿದ್ದರೆ, ನಿಮ್ಮ ಕ್ರೆಡಿಟ್ ಸ್ಕೋರ್ ಉತ್ತಮವಾಗಿರುತ್ತದೆ. ಆದರೆ ಬ್ಯಾಂಕ್ ಲಿಮಿಟ್ ಅನ್ನು ₹1.5 ಲಕ್ಷಕ್ಕೆ ಹೆಚ್ಚಿಸಿದರೆ, ಅದೇ ರೇಷಿಯೋ ಕಾಯ್ದುಕೊಳ್ಳಲು ₹45 ಸಾವಿರವರೆಗೆ ಖರ್ಚು ಮಾಡಬೇಕಾಗುತ್ತದೆ. ಹೆಚ್ಚು ಖರ್ಚು ಮಾಡುವ ಪ್ರವೃತ್ತಿ ನಿಮ್ಮ ಕ್ರೆಡಿಟ್ ಸ್ಕೋರ್ (Credit Score) ಹದಗೆಡಿಸಬಹುದು.
ಮತ್ತೊಂದು ಪ್ರಮುಖ ಅಂಶ ಎಂದರೆ, ಹೆಚ್ಚು ಲಿಮಿಟ್ ಇರುವ ಕಾರ್ಡ್‌ಗಳು ಅನಾವಶ್ಯಕ ಖರ್ಚುಗಳಿಗೂ ಕಾರಣವಾಗಬಹುದು. “ಲಿಮಿಟ್ ಇದೆ” ಎಂಬ ಭಾವನೆ ಹೆಚ್ಚುವರಿ ಖರೀದಿಗೆ ದಾರಿ ಮಾಡುತ್ತದೆ. ವಿಶೇಷವಾಗಿ EMI ಆಫರ್‌ಗಳಲ್ಲಿ ಖರೀದಿಸುವವರು ಖರ್ಚಿನ ನಿಯಂತ್ರಣ ಕಳೆದುಕೊಳ್ಳುವ ಸಾಧ್ಯತೆ ಇದೆ.
ಆದರೆ ನಿಮ್ಮ ಆದಾಯ ನಿಜವಾಗಿಯೂ ಹೆಚ್ಚಿದ್ದು, ನಿಮ್ಮ ಖರ್ಚುಗಳೂ ವಾಸ್ತವಿಕವಾಗಿದ್ದರೆ, ಹೆಚ್ಚುವರಿ ಲಿಮಿಟ್ ಒಳ್ಳೆಯದು. ಏಕೆಂದರೆ ಅದು ನಿಮ್ಮ ಕ್ರೆಡಿಟ್ ಇತಿಹಾಸವನ್ನು ಬಲಪಡಿಸಬಹುದು. ಆದರೂ, ಲಿಮಿಟ್ ಹೆಚ್ಚಿಸುವ ಮೊದಲು ನಿಮ್ಮ ಖರ್ಚು ಶಿಸ್ತು ಮತ್ತು ಪಾವತಿ ಸಾಮರ್ಥ್ಯವನ್ನು ಪರಿಶೀಲಿಸುವುದು ಅತ್ಯಗತ್ಯ.
Is Increasing Credit Card Limit Good or Bad
