ಬ್ಯಾಂಕ್ ಖಾತೆ ಇರುವವರು 10 ದಿನಗಳ ಒಳಗೆ ಹೀಗೆ ಮಾಡಿ, ಇಲ್ಲದಿದ್ದರೆ ಖಾತೆ ಕ್ಲೋಸ್ ಆಗುತ್ತೆ!

Jan Dhan Account : ಪ್ರಧಾನಮಂತ್ರಿ ಜನಧನ್ ಯೋಜನೆಗೆ (PMJDY) ಈ ವರ್ಷ 10 ವರ್ಷಗಳು ಪೂರ್ಣಗೊಂಡಿವೆ. ಈ ಅವಧಿಯಲ್ಲಿ ದೇಶದಾದ್ಯಂತ 55.9 ಕೋಟಿ ಖಾತೆಗಳು (Bank Account) ತೆರೆಯಲ್ಪಟ್ಟಿದ್ದು, ಗ್ರಾಮೀಣ ಪ್ರದೇಶದ ಲಕ್ಷಾಂತರ ಜನರಿಗೆ ಬ್ಯಾಂಕಿಂಗ್ ಸೌಲಭ್ಯ ತಲುಪಿದೆ.

ಆದರೆ ಈಗ RBI ನಿಯಮದ ಪ್ರಕಾರ, 10 ವರ್ಷಗಳ ನಂತರ ಪ್ರತಿಯೊಬ್ಬ ಖಾತೆದಾರರೂ ತಮ್ಮ KYC ಮಾಹಿತಿಯನ್ನು ಮರು ದೃಢೀಕರಿಸಬೇಕಾಗಿದೆ. ಅದೇ ಕಾರಣಕ್ಕೆ ಸೆಪ್ಟೆಂಬರ್ 30ರೊಳಗೆ ಖಾತೆದಾರರು ರೀ-KYC ಪೂರ್ಣಗೊಳಿಸಬೇಕು ಎಂದು ಸರ್ಕಾರ ಸ್ಪಷ್ಟ ಸೂಚನೆ ನೀಡಿದೆ.

ಇಲ್ಲವಾದರೆ ಖಾತೆ ತಾತ್ಕಾಲಿಕವಾಗಿ ಬ್ಲಾಕ್ ಆಗುವ ಅಥವಾ ಮುಚ್ಚುವ ಸಾಧ್ಯತೆ ಇದೆ. ಇದರಿಂದ ಸರ್ಕಾರ ನೀಡುವ ಸಬ್ಸಿಡಿ ಮತ್ತು ಇತರ ಹಣಕಾಸು ನೆರವು ನೇರವಾಗಿ ತಲುಪುವುದಿಲ್ಲ.

ಈ ಹಿನ್ನೆಲೆಯಲ್ಲಿ ಸರ್ಕಾರವು ಜುಲೈ 1, 2025ರಿಂದ “ನ್ಯಾಷನ್ವೈಡ್ ಫೈನಾನ್ಷಿಯಲ್ ಇನ್‌ಕ್ಲೂಷನ್ ಸಾಚುರೇಶನ್ ಕ್ಯಾಂಪೇನ್” ಅನ್ನು ಪ್ರಾರಂಭಿಸಿದೆ. ಗ್ರಾಮ ಪಂಚಾಯಿತಿ ಮಟ್ಟದಲ್ಲಿ ಶಿಬಿರಗಳ ಮೂಲಕ ರೀ-KYC ಸೌಲಭ್ಯ ಕಲ್ಪಿಸಲಾಗುತ್ತಿದೆ. ಈಗಾಗಲೇ ಒಂದು ಲಕ್ಷಕ್ಕೂ ಹೆಚ್ಚು ಗ್ರಾಮ ಪಂಚಾಯಿತಿಗಳಲ್ಲಿ ಶಿಬಿರಗಳು ನಡೆಯುತ್ತಿದ್ದು, ಲಕ್ಷಾಂತರ ಜನರು ತಮ್ಮ ವಿವರಗಳನ್ನು ನವೀಕರಿಸಿದ್ದಾರೆ.

ಹಾಗಾದರೆ ರೀ-KYC ಅಂದರೆ ಏನು? ಇದು ಸರಳವಾದರೂ ಅತ್ಯಂತ ಮುಖ್ಯವಾದ ಪ್ರಕ್ರಿಯೆ. ನಿಮ್ಮ ಹೆಸರು, ವಿಳಾಸ, ಗುರುತಿನ ಚೀಟಿ, ಫೋಟೋ ಮುಂತಾದ ಮಾಹಿತಿ ಬ್ಯಾಂಕಿನಲ್ಲಿ ಮರು ನೋಂದಾಯಿಸುವುದು ಇದರ ಭಾಗ. ಇದರಿಂದ ಖಾತೆದಾರರ ನಿಜವಾದ ವಿವರಗಳು ದೃಢವಾಗುತ್ತವೆ, ಮೋಸಗಳನ್ನು ತಡೆಹಿಡಿಯಬಹುದು ಮತ್ತು ನಿರಂತರ ಬ್ಯಾಂಕಿಂಗ್ ಸೇವೆ ಲಭ್ಯವಾಗುತ್ತದೆ.

2014-15ರಲ್ಲಿ ತೆರೆಯಲಾದ ಹಲವಾರು ಖಾತೆಗಳ KYC ಮಾನ್ಯತೆ ಈಗ ಮುಗಿಯುತ್ತಿರುವುದರಿಂದ, ಅವರಿಗೆ ಈ ಪ್ರಕ್ರಿಯೆ ಕಡ್ಡಾಯವಾಗಿದೆ.

ಜನಧನ್ ಯೋಜನೆ ಮೂಲ ಉದ್ದೇಶವೇ ಸಾಮಾನ್ಯ ಜನರಿಗೆ, ವಿಶೇಷವಾಗಿ ಬಡ ಮತ್ತು ಗ್ರಾಮೀಣ ವರ್ಗದವರಿಗೆ, ಬ್ಯಾಂಕಿಂಗ್ ಸೌಲಭ್ಯ ಒದಗಿಸುವುದು. ಜೀರೋ ಬ್ಯಾಲೆನ್ಸ್‌ನಿಂದ ಖಾತೆ ತೆರೆಯುವ ಅವಕಾಶ, ಅಪಘಾತ ವಿಮೆ, ಜೀವ ವಿಮೆ (Life Insurance), ಪಿಂಚಣಿ (Pension), ಹಣ ವರ್ಗಾವಣೆ, ಉಳಿತಾಯ ಖಾತೆ ಸೌಲಭ್ಯ ಇವೆಲ್ಲವೂ ಇದರಲ್ಲಿ ಸೇರಿವೆ.

ಮೇಲಾಗಿ, ಖಾತೆ ಆರು ತಿಂಗಳು ಸಕ್ರಿಯವಾಗಿದ್ದರೆ ₹5,000 ಓವರ್‌ಡ್ರಾಫ್ಟ್ ಸೌಲಭ್ಯವೂ ಲಭ್ಯ. ಸರ್ಕಾರದ ಸಬ್ಸಿಡಿ ಮತ್ತು ನೆರವು ನೇರವಾಗಿ ಈ ಖಾತೆಗೆ ಜಮೆಯಾಗುವುದರಿಂದ ಪಾರದರ್ಶಕತೆ ಹೆಚ್ಚಿದೆ.

ಒಟ್ಟಿನಲ್ಲಿ, ರೀ-KYC ಮಾಡುವುದು ಕೇವಲ ನಿಯಮ ಪಾಲನೆಯಷ್ಟೇ ಅಲ್ಲ, ನಿಮ್ಮ ಖಾತೆಯನ್ನು ನಿರಂತರವಾಗಿ ಸಕ್ರಿಯವಾಗಿಡುವ ಮುಖ್ಯ ಹಂತ. ಆದ್ದರಿಂದ ಪ್ರತಿಯೊಬ್ಬ ಜನಧನ್ ಖಾತೆದಾರರು ಈ ಪ್ರಕ್ರಿಯೆ ಪೂರ್ಣಗೊಳಿಸುವುದು ಅತ್ಯವಶ್ಯಕ.

Jan Dhan Account Holders Must Complete Re-KYC by Sept 30