ಹೊಸ ಯೋಜನೆ, ಮಹಿಳೆಯರಿಗೆ ತಿಂಗಳಿಗೆ ₹7,000 ಸಿಗುತ್ತೆ! ಇಲ್ಲಿದೆ ಅರ್ಜಿ ಪ್ರಕ್ರಿಯೆ
ಲೈಫ್ ಇನ್ಶುರೆನ್ಸ್ ಕಾರ್ಪೊರೇಷನ್ ಆರಂಭಿಸಿರುವ 'ಬಿಮಾ ಸಖಿ' ಯೋಜನೆಯಡಿ ಮಹಿಳೆಯರಿಗೆ LIC ಏಜೆಂಟ್‌ ತರಬೇತಿ, ಪ್ರೋತ್ಸಾಹ ಧನ ಹಾಗೂ ತಿಂಗಳಿಗೆ ₹7,000 ಆದಾಯದ ಅವಕಾಶ ಲಭ್ಯ.
- LIC ಬಿಮಾ ಸಖಿ ಯೋಜನೆ: ಮಹಿಳೆಯರಿಗೆ ಉದ್ಯೋಗ, ಆದಾಯ
- ಮೊದಲ ವರ್ಷಕ್ಕೆ ತಿಂಗಳಿಗೆ ₹7,000 ಸ್ಟೈಪೆಂಡ್ ಲಭ್ಯ
- 10ನೇ ತರಗತಿ ಪಾಸ್ ಮಹಿಳೆಯರಿಗೆ ಅರ್ಜಿ ಅವಕಾಶ
ಮಹಿಳೆಯರು ಸ್ವಾವಲಂಬನೆಗಾಗಿ LIC ಹೊಸದೊಂದು ಯಶಸ್ವಿ ಮಾರ್ಗವನ್ನು ಕಲ್ಪಿಸಿಕೊಟ್ಟಿದ್ದು, ಇದನ್ನು “ಬಿಮಾ ಸಖಿ ಯೋಜನೆ” ಎಂದು ಹೆಸರಿಸಲಾಗಿದೆ. ಈ ಯೋಜನೆಯು ಮಹಿಳೆಯರನ್ನು LIC ಏಜೆಂಟ್‌ಗಳಾಗಿ ತರಬೇತಿ ನೀಡುವುದರ ಮೂಲಕ, ಆರ್ಥಿಕವಾಗಿ ಸಬಲರಾಗಲು ದಾರಿ ನೀಡುತ್ತಿದೆ.
ಹೆಚ್ಚಿನ ಮಹಿಳೆಯರು ತಮ್ಮ ಸಮುದಾಯದಲ್ಲಿ ಇನ್ಶುರೆನ್ಸ್ ಬಗ್ಗೆ ಜಾಗೃತಿ ಮೂಡಿಸಲು ಸಹಕಾರಿಯಾಗಲಿದ್ದಾರೆ. ಶಿಕ್ಷಣದ ನಂತರ, ಈ ಮಹಿಳೆಯರು ಬಿಮಾ ಸಖಿ ಎಂಬ ಹೆಸರು ಪಡೆಯಲಿದ್ದು, ತಮ್ಮ ಗ್ರಾಮ, ಪಟ್ಟಣಗಳಲ್ಲಿ LIC ಪಾಲಿಸಿಗಳನ್ನು ಪರಿಚಯಿಸುವ ಕೆಲಸವನ್ನು ಮಾಡಲಿದ್ದಾರೆ.
ಇದನ್ನೂ ಓದಿ: ಪಿಎಂ ಕಿಸಾನ್ ಹಣ ₹2,000 ಖಾತೆಗೆ ಜಮೆ! ನಿಮಗೆ ಬಂದಿಲ್ವಾ? ಹಾಗಾದ್ರೆ ಇದೇ ಕಾರಣ
ಅರ್ಹತೆ ಇಂತಿದೆ: ಈ ಯೋಜನೆಯಲ್ಲಿ ಅರ್ಜಿ ಸಲ್ಲಿಸಲು ಮಹಿಳೆಯರ ವಯಸ್ಸು 18ರಿಂದ 70 ವರ್ಷಗಳ ನಡುವೆ ಇರಬೇಕು. ಕನಿಷ್ಠ ವಿದ್ಯಾರ್ಹತೆ 10ನೇ ತರಗತಿ ಪಾಸ್ ಆಗಿರಬೇಕು. ಆದರೆ LIC ನಲ್ಲಿ ಈಗಾಗಲೇ ಕಾರ್ಯನಿರ್ವಹಿಸುತ್ತಿರುವ ಏಜೆಂಟ್‌ಗಳು, ಉದ್ಯೋಗಿಗಳು ಮತ್ತು ಅವರ ನೇರ ಸಂಬಂಧಿಕರು ಈ ಯೋಜನೆಗೆ ಅರ್ಹರಾಗಿರುವುದಿಲ್ಲ. ನಿವೃತ್ತ ಉದ್ಯೋಗಿಗಳು ಮತ್ತು ಹಳೆಯ ಏಜೆಂಟ್‌ಗಳು ಕೂಡಾ ಈ ಯೋಜನೆಗೆ ಪುನರಾಯ್ಕೆ ಆಗುವುದಿಲ್ಲ.
ಈ ಯೋಜನೆಯ ವಿಶೇಷತೆ ಎಂದರೆ, ಆಯ್ಕೆಯಾದ ಮಹಿಳಾ ಏಜೆಂಟ್‌ಗಳಿಗೆ ಮೂರು ವರ್ಷಗಳವರೆಗೆ ಪ್ರೋತ್ಸಾಹಧನ (ಸ್ಟೈಪೆಂಡ್) ಸಿಗುತ್ತದೆ. ಮೊದಲ ವರ್ಷದ ವೇಳೆಗೆ ತಿಂಗಳಿಗೆ ₹7,000, ಎರಡನೇ ವರ್ಷಕ್ಕೆ ₹6,000, ಮತ್ತು ಮೂರನೇ ವರ್ಷಕ್ಕೆ ₹5,000 ರಷ್ಟು ಲಭಿಸುತ್ತದೆ. ಆದರೆ ಎರಡನೇ ವರ್ಷಕ್ಕೂ ಮುಂದುವರಿಯಬೇಕೆಂದರೆ, ಮೊದಲ ವರ್ಷದಲ್ಲಿದ್ದ ಪಾಲಿಸಿಗಳಲ್ಲಿ ಕನಿಷ್ಠ 65% ನವೀಕರಣವಾಗಿರಬೇಕು.
ಇದನ್ನೂ ಓದಿ: ಏರ್‌ಟೆಲ್‌ ಗ್ರಾಹಕರಿಗೆ ₹1 ರೂಪಾಯಿ ಯೋಜನೆ! 14GB ಡೇಟಾ ಬಂಪರ್ ಉಡುಗೊರೆ
ಇದು ಕೇವಲ ಉದ್ಯೋಗವಲ್ಲ — ಬದಲಾವಣೆಯ ದಾರಿ. ಈ ಯೋಜನೆಯು ಮಹಿಳೆಯರನ್ನು ಸಾಮಾಜಿಕವಾಗಿ ಬಲಗೊಳಿಸಿ, ಕುಟುಂಬದ ಆರ್ಥಿಕ ಹೊಣೆ ಹೊರುವಂತೆ ಮಾಡುತ್ತದೆ. ಇದೇ ಕಾರಣಕ್ಕಾಗಿ ಈ ಯೋಜನೆ ದೇಶದಾದ್ಯಂತ ಗಮನ ಸೆಳೆದಿದೆ.
2024ರ ಡಿಸೆಂಬರ್ 9ರಂದು ಪ್ರಧಾನಮಂತ್ರಿ ನರೇಂದ್ರ ಮೋದಿ ಅಧಿಕೃತವಾಗಿ ಈ ಯೋಜನೆಯನ್ನು ಪ್ರಾರಂಭಿಸಿದ್ದು, ಇದೀಗ ವಿವಿಧ ರಾಜ್ಯಗಳಲ್ಲೂ ಬಿಮಾ ಸಖಿ ಯೋಜನೆಯ ಮಹಿಳೆಯರ ನಿಯೋಜನೆ ಆರಂಭವಾಗಿದೆ. ಮಹಿಳೆಯರಿಗೆ ತರಬೇತಿ, ಪ್ರಚಾರ ಸಾಮಗ್ರಿಗಳು, ಹಾಗೂ ಬೆಂಬಲ ವ್ಯವಸ್ಥೆ LIC ನಿಂದಲೇ ಲಭ್ಯವಿದೆ.
ನೀವು ಮನೆತೊರೆದು ಕೆಲಸ ಹುಡುಕದೇ ಇದ್ದರೂ, ಸಮುದಾಯದೊಳಗೇ ಇನ್ಶುರೆನ್ಸ್ ಜಾಗೃತಿ ಮೂಡಿಸುತ್ತಾ ನಿರಂತರ ಆದಾಯ ಗಳಿಸಬಹುದಾದ ಅವಕಾಶ ಇದಾಗಿದೆ.
ಇದೆ ರೀತಿಯ ವಿಶ್ವಾಸಾರ್ಹ ಸುದ್ದಿಗಳಿಗಾಗಿ ತಪ್ಪದೆ Kannada News Today ಭೇಟಿ ನೀಡಿ.
LIC Bima Sakhi Scheme, Monthly income for Women
