LIC Scheme: ದೀಪಾವಳಿ ವಿಶೇಷ, ಎಲ್ಐಸಿ ಹೊಸ ಯೋಜನೆಗಳೊಂದಿಗೆ ಬಂಪರ್ ಆಫರ್!
ದೀಪಾವಳಿ ಸಂದರ್ಭದಲ್ಲಿ ಎಲ್ಐಸಿ ಎರಡು ಹೊಸ ಬಿಮಾ ಯೋಜನೆಗಳನ್ನು ಪರಿಚಯಿಸಿದೆ. “ಜನ ಸುರಕ್ಷಾ” ಹಾಗೂ “ಬಿಮಾ ಲಕ್ಷ್ಮಿ”. ಈ ಪ್ಲಾನ್‌ಗಳು ಹೂಡಿಕೆದಾರರಿಗೆ ಭದ್ರತೆ, ಹೆಚ್ಚುವರಿ ಲಾಭ ಮತ್ತು ಆರ್ಥಿಕ ಸುರಕ್ಷತೆಯನ್ನು ಒದಗಿಸುತ್ತವೆ.
Insurance Policy : ದೀಪಾವಳಿ ಹಬ್ಬದ ಸಂಭ್ರಮದಲ್ಲಿ ಭಾರತೀಯ ಜೀವ ವಿಮಾ ನಿಗಮ (LIC) ಹೂಡಿಕೆದಾರರಿಗೆ ಹೊಸ ಉಡುಗೊರೆ ನೀಡಿದೆ. ಸಂಸ್ಥೆಯು ಎರಡು ನೂತನ ಯೋಜನೆಗಳನ್ನು ಘೋಷಿಸಿದ್ದು, LIC ಜನ ಸುರಕ್ಷಾ (ಪ್ಲಾನ್ 880) ಮತ್ತು LIC ಬಿಮಾ ಲಕ್ಷ್ಮಿ (ಪ್ಲಾನ್ 881).
ಈ ಪ್ಲಾನ್‌ಗಳು “ನೆಕ್ಸ್ಟ್ ಜನರೇಷನ್” ವಿಮಾ ಯೋಜನೆಗಳಾಗಿದ್ದು, ಆಟೋ ಕವರ್ ಸೌಲಭ್ಯ ಹಾಗೂ ಗ್ಯಾರೆಂಟಿ ಲಾಭಗಳು ಒಳಗೊಂಡಿವೆ. LIC ವ್ಯವಸ್ಥಾಪಕ ನಿರ್ದೇಶಕರು ಅಕ್ಟೋಬರ್ 16 ರಂದು ಈ ಪ್ಲಾನ್‌ಗಳನ್ನು ಅಧಿಕೃತವಾಗಿ ಬಿಡುಗಡೆ ಮಾಡಿದರು.
ಜನ ಸುರಕ್ಷಾ ಯೋಜನೆ (Plan 880):
ಇದು ಕಡಿಮೆ ಆದಾಯದ ಜನರಿಗೆ ಸೂಕ್ತವಾದ ಸೂಕ್ಷ್ಮ ವಿಮಾ ಯೋಜನೆ. ಯಾವುದೇ ವೈದ್ಯಕೀಯ ಪರೀಕ್ಷೆ ಅಗತ್ಯವಿಲ್ಲದೇ ಸಾಮಾನ್ಯ ಆರೋಗ್ಯವಂತರು ಈ ಯೋಜನೆಯನ್ನು ಪಡೆಯಬಹುದು. ವರ್ಷಾಂತ್ಯದಲ್ಲಿ ವಾರ್ಷಿಕ ಪ್ರೀಮಿಯಂನ 4% ಬೋನಸ್ ಸಿಗುತ್ತದೆ. ಅಕಾಲಿಕ ಮರಣದ ಸಂದರ್ಭದಲ್ಲೂ ಕುಟುಂಬಕ್ಕೆ ಆರ್ಥಿಕ ನೆರವು ದೊರೆಯುತ್ತದೆ, ಜೀವಂತ ಪಾಲಿಸೀದಾರರಿಗೆ ಅವಧಿ ಮುಗಿದ ಬಳಿಕ ಮೊತ್ತ ಲಭ್ಯವಾಗುತ್ತದೆ.
ಪ್ರವೇಶ ವಯಸ್ಸು: 18–55 ವರ್ಷ
ಪಾಲಿಸೀ ಅವಧಿ: 12–20 ವರ್ಷ
ಮೊತ್ತ: ಕನಿಷ್ಠ ₹1 ಲಕ್ಷದಿಂದ ₹2 ಲಕ್ಷವರೆಗೆ
ವಿಮಾ ಲಕ್ಷ್ಮಿ ಯೋಜನೆ (Plan 881):
ಮಹಿಳೆಯರ ಆರ್ಥಿಕ ಸ್ವಾವಲಂಬನೆಗಾಗಿ LIC ಬಿಡುಗಡೆ ಮಾಡಿದ ಈ ಯೋಜನೆ ಅತ್ಯಂತ ಆಕರ್ಷಕವಾಗಿದೆ. ಪ್ರತೀ 2 ಅಥವಾ 4 ವರ್ಷಗಳಿಗೊಮ್ಮೆ ಬೋನಸ್ ಮೊತ್ತವನ್ನು ಮರುಪಾವತಿಯಾಗಿ ಪಡೆಯಬಹುದು. ವರ್ಷಕ್ಕೆ 7% ಬೋನಸ್ ಲಭ್ಯ. ಮಹಿಳೆಯರಿಗಾಗಿ ಕ್ರಿಟಿಕಲ್ ಇಲ್ನೆಸ್ ರೈಡರ್ ಸಹ ನೀಡಲಾಗಿದ್ದು, ಹೆಚ್ಚುವರಿ ರಕ್ಷಣೆಯನ್ನು ಒದಗಿಸುತ್ತದೆ.
ಪ್ರವೇಶ ವಯಸ್ಸು: 18–50 ವರ್ಷ
ಪಾಲಿಸೀ ಅವಧಿ: 25 ವರ್ಷ
ಪ್ರೀಮಿಯಂ ಪಾವತಿ ಅವಧಿ: 7–15 ವರ್ಷ
ಕನಿಷ್ಠ ಮೊತ್ತ: ₹2 ಲಕ್ಷ (ಗರಿಷ್ಠ ಮಿತಿ ಇಲ್ಲ)
ಎರಡೂ ಯೋಜನೆಗಳಲ್ಲಿ ಮೂರು ವರ್ಷಗಳ ಪ್ರೀಮಿಯಂ ಪಾವತಿ ನಂತರ ಆಟೋ ಕವರ್ ಸೌಲಭ್ಯ ಸಿಗುತ್ತದೆ. LIC ಪ್ರಕಾರ, ಈ ಯೋಜನೆಗಳು ಹೂಡಿಕೆದಾರರಿಗೆ ವಿಮಾ ರಕ್ಷಣೆಯ ಜೊತೆಗೆ ಖಚಿತ ಲಾಭ ನೀಡುವ ನವೀಕರಿತ ಮಾದರಿಯಾಗಿದೆ.
ದೀಪಾವಳಿಯ ಹಬ್ಬದಲ್ಲಿ LIC ಈ ಹೊಸ ಯೋಜನೆಗಳನ್ನು ಬಿಡುಗಡೆ ಮಾಡಿರುವುದು ಹೂಡಿಕೆದಾರರಿಗೆ ಆಶಾದಾಯಕ ಸುದ್ದಿ. ವಿಮಾ ಜೊತೆಗೆ ಹಣ ಹೆಚ್ಚಿಸಲು ಬಯಸುವವರಿಗೆ ಇದು ಅತ್ಯುತ್ತಮ ಅವಕಾಶವಾಗಿದೆ.
LIC Launches Two New Schemes for Diwali
