ನಿಮ್ಮ ಪ್ಯಾನ್ ಕಾರ್ಡ್ ಕಳೆದುಹೋಗಿದೆಯೇ? ಕೇವಲ ₹50ಕ್ಕೆ ಹೊಸ ಪ್ಯಾನ್ ಮನೆಗೆ ಬರುತ್ತೆ
ಪ್ಯಾನ್ ಕಾರ್ಡ್ ಕಳೆದುಹೋದರೆ ಆತಂಕ ಬೇಡ. ಕೇವಲ ₹50 ಆನ್ಲೈನ್ ಶುಲ್ಕ ಪಾವತಿಸಿದರೆ ಹೊಸ ಪಾನ್ ಕಾರ್ಡ್ ಕೆಲವೇ ದಿನಗಳಲ್ಲಿ ನಿಮ್ಮ ಮನೆ ಬಾಗಿಲಿಗೆ ತಲುಪುತ್ತದೆ. ಪ್ರಕ್ರಿಯೆ ಅತ್ಯಂತ ಸುಲಭವಾಗಿದೆ.
ಪ್ಯಾನ್ ಕಾರ್ಡ್ ಇಂದು ಭಾರತದ ಪ್ರತಿಯೊಬ್ಬರಿಗೂ ಆರ್ಥಿಕ ಗುರುತಿನ ಕಾರ್ಡ್ ಆಗಿ ಪರಿಣಮಿಸಿದೆ. ಬ್ಯಾಂಕ್ ಖಾತೆ ತೆರೆಯುವುದು, ಹೂಡಿಕೆ ಮಾಡುವುದು, ಐಟಿಆರ್ ಫೈಲ್ ಮಾಡುವುದು, ಕ್ರೆಡಿಟ್ ಕಾರ್ಡ್ ಪಡೆಯುವುದು ಇವುಗಳೆಲ್ಲಕ್ಕೂ ಪ್ಯಾನ್ ಕಾರ್ಡ್ ಕಡ್ಡಾಯವಾಗಿದೆ.
ಆದರೆ ಕೆಲವೊಮ್ಮೆ ಪ್ಯಾನ್ ಕಾರ್ಡ್ ಕಳೆದುಹೋಗುವುದು ಅಥವಾ ಮರೆತುಬಿಡುವುದು ಸಾಮಾನ್ಯ ಸಂಗತಿಯೇ. ಇಂತಹ ಸಂದರ್ಭಗಳಲ್ಲಿ ಜನರು ಹೆಚ್ಚಿನ ಆತಂಕಕ್ಕೊಳಗಾಗುತ್ತಾರೆ. ಆದರೆ ಚಿಂತಿಸಬೇಕಾಗಿಲ್ಲ. ಈಗ ಕೇವಲ ₹50 ಶುಲ್ಕ ಪಾವತಿಸಿ ಹೊಸ ಪ್ಯಾನ್ ಕಾರ್ಡ್ ಪಡೆಯಬಹುದು.
ಹೊಸ ಕಾರ್ಡ್ ಪಡೆಯುವ ಪ್ರಕ್ರಿಯೆ ಕೂಡ ಅತ್ಯಂತ ಸುಲಭ. ಮೊದಲು ಹತ್ತಿರದ ಪೊಲೀಸ್ ಠಾಣೆಗೆ ಹೋಗಿ ಎಫ್ಐಆರ್ ದಾಖಲಿಸಬೇಕು. ಇದರಿಂದ ಕಾರ್ಡ್ ದುರುಪಯೋಗವಾಗದಂತೆ ತಡೆಗಟ್ಟಬಹುದು. ನಂತರ ಪ್ರೋಟಿಯನ್ (ಹಳೆಯ ಎನ್ಎಸ್ಡಿಎಲ್) ವೆಬ್ಸೈಟ್ನಲ್ಲಿ “Reprint PAN Card” ಲಿಂಕ್ ಕ್ಲಿಕ್ ಮಾಡಿ ಅಗತ್ಯ ಮಾಹಿತಿಯನ್ನು ನಮೂದಿಸಬೇಕು.
ಅದರ ಬಳಿಕ ಪ್ಯಾನ್ ನಂಬರ್, ಆಧಾರ್ ನಂಬರ್ ಹಾಗೂ ಜನ್ಮ ದಿನಾಂಕ ನಮೂದಿಸಿ, ಸೂಚನೆಗಳಿಗೆ ಒಪ್ಪಿಗೆ ನೀಡಿ, ಕ್ಯಾಪ್ಚಾ ನಮೂದಿಸಿ ಸಬ್ಮಿಟ್ ಮಾಡಿದರೆ ಸಾಕು. ವಿಳಾಸ ಹಾಗೂ ಪಿನ್ಕೋಡ್ ಪರಿಶೀಲಿಸಿದ ನಂತರ ಓಟಿಪಿ ಮೂಲಕ ದೃಢೀಕರಿಸಿ ಪಾವತಿ ಮಾಡಬಹುದು. ₹50 ಪಾವತಿಸಿದ ನಂತರ ಟ್ರ್ಯಾಕಿಂಗ್ ನಂಬರ್ ಸಹಿತ ರಸೀದಿ ಲಭ್ಯವಾಗುತ್ತದೆ.
ಕೆಲವೇ ದಿನಗಳಲ್ಲಿ ಹೊಸ ಪಾನ್ ಕಾರ್ಡ್ ನೇರವಾಗಿ ನಿಮ್ಮ ಮನೆಗೆ ತಲುಪುತ್ತದೆ. ಆದರೆ ವಿದೇಶಗಳಲ್ಲಿ ವಾಸಿಸುವವರು ಹೊಸ ಕಾರ್ಡ್ ಪಡೆಯಲು ₹959 (ಟ್ಯಾಕ್ಸ್ ಸೇರಿ) ಪಾವತಿಸಬೇಕು. ಮುಖ್ಯವಾಗಿ, ಕಾರ್ಡ್ ಕಳುಹಿಸಲಾಗುವುದು ಆದಾಯ ತೆರಿಗೆ ಇಲಾಖೆಯಲ್ಲಿ ದಾಖಲಾಗಿರುವ ಇತ್ತೀಚಿನ ವಿಳಾಸಕ್ಕೆ ಮಾತ್ರ. ವಿಳಾಸ ಬದಲಾಯಿಸಲು ಬಯಸಿದರೆ ಪ್ರತ್ಯೇಕವಾಗಿ ಅಪ್ಡೇಟ್ ಮಾಡಬೇಕು.
ಹೀಗಾಗಿ, ಪ್ಯಾನ್ ಕಾರ್ಡ್ ಕಳೆದುಹೋದರೆ ಆತಂಕ ಬೇಡ. ಸುಲಭ ಆನ್ಲೈನ್ ಪ್ರಕ್ರಿಯೆ, ಕಡಿಮೆ ಶುಲ್ಕ ಹಾಗೂ ಸುರಕ್ಷಿತ ಡೆಲಿವರಿಯೊಂದಿಗೆ ಹೊಸ ಕಾರ್ಡ್ ನೇರವಾಗಿ ನಿಮ್ಮ ಕೈ ಸೇರಲಿದೆ.
ವೆಬ್ಸೈಟ್ (https://onlineservices.proteantech.in/paam/ReprintEPan.html).
Lost PAN Card? Get a New One for Just 50
======== Story End ========
Writer of This Story
