ಈ ಕಾರಿನ ಬೆಲೆ 3.70 ಲಕ್ಷ ಮಾತ್ರ! 33 ಕಿ.ಮೀ ಮೈಲೇಜ್ ಕೊಡುತ್ತೆ, ಖರೀದಿಗೆ ಮುಗಿಬಿದ್ದ ಜನ

Maruti Alto K10 Car: ಭಾರತೀಯ ಮಧ್ಯಮವರ್ಗದ ಕುಟುಂಬಗಳ ಕನಸಿನ ಕಾರು ಎಂದು ಹೆಸರು ಪಡೆದಿರುವ ಮಾರುತಿ ಆಲ್ಟೋ ಕಳೆದ ಎರಡು ದಶಕಗಳಿಂದಲೂ ಜನಪ್ರಿಯತೆಯಲ್ಲಿ ಮುಂಚೂಣಿಯಲ್ಲಿದೆ.

2000ರಲ್ಲಿ ಲಾಂಚ್‌ ಆದ ಈ ಕಾರು, 800 ಮಾದರಿಯ ಸ್ಥಾನವನ್ನು ಹಿಡಿದು ಜನಮನ ಗೆದ್ದಿತು. ಕೇವಲ ಎಂಟು ವರ್ಷಗಳಲ್ಲಿ 10 ಲಕ್ಷ ಯೂನಿಟ್‌ ಮಾರಾಟದ ಗುರಿ ತಲುಪಿದ ಆಲ್ಟೋ ಈಗ 47 ಲಕ್ಷಕ್ಕಿಂತ ಹೆಚ್ಚು ಕಾರುಗಳು ಮಾರಾಟವಾದ ದಾಖಲೆ ಬರೆದಿದೆ.

ಮಾರುತಿ ಸುಜುಕಿ ಭಾರತದಲ್ಲಿ ಕಳೆದ 43 ವರ್ಷಗಳಲ್ಲಿ 3 ಕೋಟಿ ವಾಹನಗಳನ್ನು ಮಾರಾಟ ಮಾಡಿದೆ ಎಂಬ ಅತಿ ದೊಡ್ಡ ಮೈಲುಗಲ್ಲು ಸಾಧಿಸಿದೆ. ಈ ಯಶಸ್ಸಿನ ಹಿಂದಿನ ಪ್ರಮುಖ ಕಾರಣಗಳಲ್ಲಿ ಆಲ್ಟೋ ಸರಣಿ ಒಂದು. ಆಲ್ಟೋ K10 ಈಗಲೂ ದೇಶದ ಅತಿ ಹೆಚ್ಚು ಮಾರಾಟವಾಗುವ ಸಣ್ಣ ಕಾರುಗಳಲ್ಲಿ ಒಂದಾಗಿದೆ.

ಪ್ರಾರಂಭಿಕ ದರ ₹3.70 ಲಕ್ಷ (ಎಕ್ಸ್-ಶೋರೂಮ್) ಆಗಿರುವ ಆಲ್ಟೋ K10 ನಲ್ಲಿ 1.0 ಲೀಟರ್ ಪೆಟ್ರೋಲ್ ಎಂಜಿನ್ ಇದೆ. ಇದು 65.71 bhp ಪವರ್ ಮತ್ತು 89 Nm ಟಾರ್ಕ್ ನೀಡುತ್ತದೆ. ಪೆಟ್ರೋಲ್ ವರ್ಶನ್‌ 24.39 kmpl ಮೈಲೇಜ್ ನೀಡುತ್ತದಾದರೆ, CNG ವರ್ಶನ್‌ ಅಚ್ಚರಿ ಹುಟ್ಟಿಸುವ 33.85 kmpl ಇಂಧನ ಸಾಮರ್ಥ್ಯ ನೀಡುತ್ತದೆ.

ಜಿಎಸ್‌ಟಿ 2.0 ಜಾರಿಗೆ ಮೊದಲು ಇದು ಭಾರತದ ಅತಿ ಕಡಿಮೆಯ ಕಾರಾಗಿದ್ದರೂ, ಈಗ ಆ ಸ್ಥಾನ S-Presso ಗೆ ಸಿಕ್ಕಿದೆ. ಆದರೆ ವಿಶ್ವಾಸಾರ್ಹತೆ, ಮೈಲೇಜ್ ಹಾಗೂ ಕಂಫರ್ಟ್‌ ಕಾರಣದಿಂದ ಮೊದಲ ಬಾರಿಗೆ ಕಾರು ಖರೀದಿಸುವವರ ಮೆಚ್ಚುಗೆಗೆ ಪಾತ್ರವಾಗಿದೆ.

ಹೆಚ್ಚಿನ ಭದ್ರತೆಗಾಗಿ ಮಾರುತಿ ಕಂಪನಿಯು ಹೊಸ ಮಾದರಿಯಲ್ಲಿ ಆರು ಏರ್‌ಬ್ಯಾಗ್‌ಗಳನ್ನು ಅಳವಡಿಸಿದೆ. ಸರ್ಕಾರದ ಹೊಸ ಭದ್ರತಾ ನಿಯಮಗಳಂತೆ ವಿನ್ಯಾಸ ಬದಲಾವಣೆ ಮಾಡಲಾಗಿದೆ. ಇದರ ಮೂಲಕ ಕಂಪನಿ ಗ್ರಾಹಕರ ಸುರಕ್ಷತೆಯತ್ತ ತನ್ನ ಬದ್ಧತೆಯನ್ನು ಮತ್ತೊಮ್ಮೆ ತೋರಿಸಿದೆ.

Maruti Alto K10 Car Offering 33 km Mileage, Most Loved by Indians