ಭಾರೀ ಆಫರ್‌ನೊಂದಿಗೆ ಹೊಸ ಕ್ರೆಡಿಟ್ ಕಾರ್ಡ್ ಬಿಡುಗಡೆ! ಭರ್ಜರಿ ಕ್ಯಾಶ್‌ಬ್ಯಾಕ್ ಸೌಲಭ್ಯ

• ಹೊಸ ಪೈಸಾಸೇವ್ ಕ್ರೆಡಿಟ್ ಕಾರ್ಡ್ ಲಾಂಚ್
• ಯೆಸ್ ಬ್ಯಾಂಕ್–ಪೈಸಾಬಜಾರ್ ಜಂಟಿ ಬಿಡುಗಡೆ
• ಡೈನಿಂಗ್–ಟ್ರಾವೆಲ್ ಪ್ರಿಯರಿಗೆ ಹೊಸ ಆಯ್ಕೆ

Credit Card: ಹೊಸ ಕ್ರೆಡಿಟ್ ಕಾರ್ಡ್ ಹುಡುಕುತ್ತಿರುವ ಗ್ರಾಹಕರಿಗೆ ಯೆಸ್ ಬ್ಯಾಂಕ್ ಮತ್ತು ಪೈಸಾಬಜಾರ್ ಮಹತ್ವದ ಆಫರ್ ತಂದಿವೆ. ದಿನನಿತ್ಯದ ಊಟ, ಪ್ರಯಾಣ ಮತ್ತು ಹೋಟೆಲ್ ವೆಚ್ಚಗಳ ಮೇಲೆ ಹೆಚ್ಚು ಲಾಭ ಸಿಗುವಂತೆ ಪೈಸಾಸೇವ್ ಕ್ರೆಡಿಟ್ ಕಾರ್ಡ್ ಅನ್ನು ಪರಿಚಯಿಸಲಾಗಿದೆ. ಈ ಕಾರ್ಡ್ ಬಳಸಿ ಮಾಡಿದ ಡೈನಿಂಗ್ ಹಾಗೂ ಟ್ರಾವೆಲ್ ವ್ಯವಹಾರಗಳಿಗೆ 6% ಕ್ಯಾಶ್‌ಬ್ಯಾಕ್ ಸಿಗುತ್ತದೆ.

ಈ ಯೋಜನೆಯಡಿ ತಿಂಗಳಿಗೆ ಗರಿಷ್ಠ ₹3,000ವರೆಗೆ ಕ್ಯಾಶ್‌ಬ್ಯಾಕ್ ಪಡೆಯಬಹುದು. ಮಿತಿಯನ್ನು ಮೀರಿದ ಖರ್ಚಿನ ಮೇಲೂ 1% ಕ್ಯಾಶ್‌ಬ್ಯಾಕ್ ಮುಂದುವರಿಯುತ್ತದೆ.

ಯಾವೆಲ್ಲಾ ವೆಚ್ಚಗಳಿಗೆ 6% ಲಾಭ?

ಜೊಮಾಟೋ, ಸ್ವಿಗ್ಗಿ, ಈಜಿ ಡೈನರ್ ಸೇರಿದಂತೆ ಫುಡ್ ಡೆಲಿವರಿ ಹಾಗೂ ಡೈನಿಂಗ್ ಪ್ಲಾಟ್‌ಫಾರ್ಮ್‌ಗಳಲ್ಲಿ, ಮೇಕ್‌ಮೈಟ್ರಿಪ್, ಗೋಐಬಿಬೋ, ಏರ್‌ಬಿಎನ್‌ಬಿ ಮುಂತಾದ ಟ್ರಾವೆಲ್ ವೆಬ್‌ಸೈಟ್‌ಗಳಲ್ಲಿ ಈ ಕಾರ್ಡ್ ಬಳಸಿದರೆ 6% ಕ್ಯಾಶ್‌ಬ್ಯಾಕ್ ಲಭ್ಯ. ಅಲ್ಲದೆ, ತಾಜ್, ಮ್ಯಾರಿಯಟ್, ರಾಡಿಸನ್ ಮೊದಲಾದ ಹೋಟೆಲ್ ಚೈನ್‌ಗಳಲ್ಲಿ ಮಾಡಿದ ಖರ್ಚಿಗೂ ಇದೇ ಲಾಭ ಸಿಗುತ್ತದೆ.

ಇತರ ಸೌಲಭ್ಯಗಳು ಏನು?

ಡೈನಿಂಗ್–ಟ್ರಾವೆಲ್ ಹೊರತುಪಡಿಸಿ ಉಳಿದ ಎಲ್ಲಾ ಆನ್‌ಲೈನ್, ಆಫ್‌ಲೈನ್ ಹಾಗೂ UPI ಆಧಾರಿತ ವ್ಯವಹಾರಗಳ ಮೇಲೆ 1% ಕ್ಯಾಶ್‌ಬ್ಯಾಕ್ ನೀಡಲಾಗುತ್ತದೆ. ಇಂಧನ ಖರೀದಿಯ ಮೇಲೆ ವಿಧಿಸುವ 1% ಫ್ಯೂಯೆಲ್ ಸರ್ಚಾರ್ಜ್ ರದ್ದುಪಡಿಸಿರುವುದು ಗ್ರಾಹಕರಿಗೆ ಮತ್ತೊಂದು ಪ್ಲಸ್ ಪಾಯಿಂಟ್.

ಈ ಕಾರ್ಡ್‌ಗೆ ಜಾಯಿನಿಂಗ್ ಫೀಸ್ ಇಲ್ಲ. ಎರಡನೇ ವರ್ಷದಿಂದ ವಾರ್ಷಿಕ ಶುಲ್ಕ ₹499 ಆಗಿದ್ದು, ವರ್ಷಕ್ಕೆ ₹1.2 ಲಕ್ಷಕ್ಕಿಂತ ಹೆಚ್ಚು ಖರ್ಚು ಮಾಡಿದವರಿಗೆ ಈ ಶುಲ್ಕವೂ ಮನ್ನಾ ಆಗುತ್ತದೆ.

ಡಿಜಿಟಲ್-ಫಸ್ಟ್ ಕಾರ್ಡ್ ಸೌಲಭ್ಯ

Yes Bank ಮತ್ತು Paisabazaar ಜಂಟಿಯಾಗಿ ಬಿಡುಗಡೆ ಮಾಡಿದ ಈ ಪೈಸಾಸೇವ್ ರೂಪೇ ವರ್ಚುವಲ್ ಕಾರ್ಡ್ ಅನ್ನು ತಕ್ಷಣವೇ ಆಕ್ಟಿವೇಟ್ ಮಾಡಬಹುದು. UPI ಮೂಲಕ ಕ್ರೆಡಿಟ್ ಪೇಮೆಂಟ್‌ಗಳನ್ನು ಸುಲಭವಾಗಿ ಮಾಡುವ ಸೌಲಭ್ಯವೂ ಇದರಲ್ಲಿ ಇದೆ.

ಕಂಪನಿಗಳ ಪ್ರಕಾರ, ಹೆಚ್ಚುತ್ತಿರುವ ಡೈನಿಂಗ್ ಮತ್ತು ಟ್ರಾವೆಲ್ ವೆಚ್ಚಗಳನ್ನು ಗಮನದಲ್ಲಿಟ್ಟುಕೊಂಡು, ಗ್ರಾಹಕರಿಗೆ ನಿಜವಾದ ಮೌಲ್ಯ ನೀಡುವ ಉದ್ದೇಶದಿಂದ ಈ ಕಾರ್ಡ್ ವಿನ್ಯಾಸಗೊಳಿಸಲಾಗಿದೆ.