ಇನ್ಮುಂದೆ ಆಧಾರ್ ಕಾರ್ಡ್ ಅಪ್ಡೇಟ್ ಮಾಡೋಕೆ ಈ ದಾಖಲೆಗಳು ಇರಲೇಬೇಕು! ಹೊಸ ರೂಲ್ಸ್
2025-26ರಿಂದ ಆಧಾರ್ ಕಾರ್ಡ್ ಅಪ್ಡೇಟ್ ಮಾಡಲು UIDAI ಹೊಸ ಡಾಕ್ಯುಮೆಂಟ್ ಸಾಲನ್ನು ಜಾರಿಗೊಳಿಸಿದ್ದು, ಹೆಸರು, ವಿಳಾಸ, ಮೊಬೈಲ್ ಬದಲಾವಣೆಗಳಿಗೆ ಕಡ್ಡಾಯ ದಾಖಲೆಗಳನ್ನು ಸಲ್ಲಿಸಿದರೆ ಮಾತ್ರ ಅಪ್ಡೇಟ್ ಸಾಧ್ಯ.
- ಆಧಾರ್ ಅಪ್ಡೇಟ್ಗೆ UIDAI ಹೊಸ ನಿಯಮ
- ಡಾಕ್ಯುಮೆಂಟ್ ಲಿಸ್ಟ್ ಪ್ರಕಟ
- ಒಂದಕ್ಕಿಂತ ಹೆಚ್ಚು ಆಧಾರ್ ಕಾರ್ಡ್ ಅನಧಿಕೃತ
Aadhaar Update: ದೇಶದಾದ್ಯಂತ ಆಧಾರ್ ಕಾರ್ಡ್ ಮಹತ್ವ ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇದೆ. ಮೊಬೈಲ್ ನಂಬರ್‌ನಿಂದ ಸರ್ಕಾರಿ ಯೋಜನೆಗಳವರೆಗೆ ಅನೇಕ ಸೇವೆಗಳು ಆಧಾರ್‌ಗೆ ಕಡ್ಡಾಯವಾಗಿರುವುದರಿಂದ ಅಪ್ಡೇಟ್ ಅಗತ್ಯಗಳು ಹೆಚ್ಚಾಗುತ್ತಿವೆ.
ಹೆಸರು, ವಿಳಾಸ, ಕುಟುಂಬ ಹೆಸರು, ಮೊಬೈಲ್ ನಂಬರ್ ಬದಲಾವಣೆ ಮಾಡಲು ನಾಗರಿಕರು ಹೆಚ್ಚಾಗಿ ಅಪ್ಡೇಟ್ ಕೇಂದ್ರಗಳನ್ನು ಸಂಪರ್ಕಿಸುತ್ತಿದ್ದಾರೆ.
2025–26ರ ಅವಧಿಗೆ ಅಗತ್ಯವಾಗಿರುವ ಹೊಸ ದಾಖಲೆಗಳ ಪಟ್ಟಿಯನ್ನು UIDAI ಪ್ರಕಟಿಸಿದೆ. ಆಧಾರ್ ಇಲ್ಲದೆ ಹಲವಾರು ಕಾರ್ಯಗಳೇ ನಡೆಯದ ಸ್ಥಿತಿ ಇರುವುದರಿಂದ, ಜನರಿಗೆ ಸ್ಪಷ್ಟತೆ ನೀಡುವ ಉದ್ದೇಶದಿಂದ ಈ ಪಟ್ಟಿಯನ್ನು ಬಿಡುಗಡೆ ಮಾಡಲಾಗಿದೆ. ಹೊಸ ಆಧಾರ್ ಪಡೆಯುವವರಿಗೂ ಇದೇ ದಾಖಲೆಗಳು ಕಡ್ಡಾಯವಾಗಿವೆ.
UIDAI ಸ್ಪಷ್ಟಪಡಿಸಿರುವ ಮತ್ತೊಂದು ಪ್ರಮುಖ ಅಂಶ ಎಂದರೆ, ಒಬ್ಬರ ಹೆಸರಿನಲ್ಲಿ ಒಂದಕ್ಕಿಂತ ಹೆಚ್ಚು ಆಧಾರ್ ಕಾರ್ಡ್ ಇರಲು ಅವಕಾಶವಿಲ್ಲ. ಮೊದಲ ಆಧಾರ್ ನಂಬರ್ ಮಾತ್ರ ಮಾನ್ಯ, ಉಳಿದವು ಸ್ವಯಂಚಾಲಿತವಾಗಿ ರದ್ದು ಆಗುತ್ತವೆ ಎಂದು ಸಂಸ್ಥೆ ಹೇಳಿದೆ.
ಅಪ್ಡೇಟ್ಗೆ ಅಗತ್ಯವಿರುವ ಪ್ರಮುಖ ದಾಖಲೆಗಳು
1. ಐಡಂಟಿಟಿ ಪ್ರೂಫ್: ಪಾಸ್‌ಪೋರ್ಟ್, PAN ಕಾರ್ಡ್, ಮತದಾರ ಗುರುತಿನ ಚೀಟಿ, DL, ಸರ್ಕಾರ ನೀಡಿದ ಐಡಿ, NREGA ಕಾರ್ಡ್, ಪೆನ್ಷನ್ ಕಾರ್ಡ್, CGHS/ECHS ಕಾರ್ಡ್, ಟ್ರಾನ್ಸ್‌ಜೆಂಡರ್ ಐಡಿ ಮೊದಲಾದವುಗಳನ್ನು ಐಡಿ ಪ್ರೂಫ್ ಆಗಿ ಬಳಸಬಹುದು.
2. ಅಡ್ರೆಸ್ ಪ್ರೂಫ್: ವಿದ್ಯುತ್, ನೀರು, ಗ್ಯಾಸ್, ಲ್ಯಾಂಡ್‌ಲೈನ್ ಬಿಲ್ (3 ತಿಂಗಳು ಒಳಗೆ), ಬ್ಯಾಂಕ್ ಪಾಸ್‌ಬುಕ್/ಸ್ಟೇಟ್ಮೆಂಟ್, ರೇಷನ್ ಕಾರ್ಡ್, ಪಾಸ್‌ಪೋರ್ಟ್, DL, ರಿಜಿಸ್ಟರ್ಡ್ ರೆಂಟ್ ಅಗ್ರಿಮೆಂಟ್, ಪೆನ್ಷನ್ ಡಾಕ್ಯುಮೆಂಟ್, ರಾಜ್ಯ/ಕೇಂದ್ರ ಸರ್ಕಾರ ನೀಡಿದ ನಿವಾಸ ಪ್ರಮಾಣ ಪತ್ರ ಮಾನ್ಯ.
3. ಜನನ ಪ್ರಮಾಣಪತ್ರ / DOB ಪ್ರೂಫ್: ಶಾಲಾ ಮಾರ್ಕ್‌ಶೀಟ್, ಪಾಸ್‌ಪೋರ್ಟ್, DOB ಹೊಂದಿರುವ ಪೆನ್ಷನ್ ದಾಖಲೆ, ರಾಜ್ಯ/ಕೇಂದ್ರ ಸರ್ಕಾರ ನೀಡಿದ DOB ಸರ್ಟಿಫಿಕೇಟ್ ಬಳಸಬಹುದು.
ಹೊಸ ನಿಯಮಗಳು ಭಾರತೀಯರು, NRIಗಳು, 5 ವರ್ಷ ಮೇಲ್ಪಟ್ಟ ಮಕ್ಕಳು, ಹಾಗೆಯೇ ದೀರ್ಘಾವಧಿಯ ವೀಸಾ ಹೊಂದಿರುವ ವಿದೇಶಿಗರಿಗೆ ಅನ್ವಯಿಸುತ್ತವೆ. ವಿಮಾನ ನಿಲ್ದಾಣದ FRRO ಪರ್ಮಿಟ್, ವೀಸಾ, ಪಾಸ್‌ಪೋರ್ಟ್, ಸಿಟಿಜನ್‌ಶಿಪ್ ಡಾಕ್ಯುಮೆಂಟ್‌ಗಳು ವಿದೇಶಿಗರಿಗೆ ಕಡ್ಡಾಯ.
New Mandatory Documents for Aadhaar Update
